ନୂଆଦିଲ୍ଲୀ ୭/୭ : ପୁଣି ପଞ୍ଜାବ ନ୍ୟାସନାଲ ବ୍ୟାଙ୍କ ମହା ଘୋଟାଲାର ଅଭିଯୋଗ । ନିରବ ମୋଦିଙ୍କ ପରେ ଏବେ ଭୂଷଣ ଷ୍ଟିଲ୍ ଆଣ୍ଡ ପାୱାର ପିଏନବିକୁ ଚୂନ ଲଗାଇଛି । ତେବେ ୧୦୦ କି ୨୦୦ କୋଟି ନୁହେଁ ଏକାଥରକେ ୩୮୦୦ କୋଟି ଟଙ୍କା ଠକି ନେଇଛି । ଅଭିଯୋଗ ପରେ ରିଜର୍ଭ ବ୍ୟାଙ୍କ ଏହାକୁ ଫରେନସିକ ଅଡିଟ ପାଇଁ ସିବିଆଇକୁ ନିର୍ଦ୍ଦେଶ ଦେଇଛନ୍ତି…
{"id":131489}ନିରବ ମୋଦିଙ୍କ ପରେ ଏବେ ଭୂଷଣ ଷ୍ଟିଲ୍ ଆଣ୍ଡ ପାୱାର ନାଁରେ ମହାଠକେଇ ଅଭିଯୋଗ । ନିରବଙ୍କ ପରି ଭୂଷଣ ଷ୍ଟିଲ୍ ଆଣ୍ଡ ପାୱାର ସମାନ ଭାବେ ପଞ୍ଜାବ ନ୍ୟାସଲାଲ ବ୍ୟାଙ୍କକୁ ଚୂନ ଲଗାଇଛି । ଅଭିଯୋଗ ଅନୁଯାୟୀ ଭୂଷଣ ଷ୍ଟିଲ୍ ଆଣ୍ଡ ପାୱାର ପଂଜାବ ନ୍ୟାସନାଲ ବ୍ୟାଙ୍କର ଚଣ୍ଡିଗଡ଼, ଦୁବାଇ ଏବଂ ହଂକଂ ବ୍ରାଞ୍ଚରୁ ୩ ହଜାର ୮ ଶହ କୋଟି ଟଙ୍କାର ଚୂନ ମାରିଛି । ଚଣ୍ଡିଗଡ଼ ବ୍ରାଞ୍ଚରୁ ୩ ହଜାର ୨ଶହ କୋଟି, ଦୁବାଇ ବ୍ରାଞ୍ଚରୁ ୩୪୫ କୋଟି ଏବଂ ହଂକଂ ବ୍ରାଞ୍ଚରୁ ୨୬୮ କୋଟି ଟଙ୍କାର ଠକେଇ ହୋଇଛି ।
{"id":131490}ନିଜେ କମ୍ପାନୀ ନିର୍ଦ୍ଦେଶକ ଏହି ଅର୍ଥ ତୋଷାରପାତରେ ଜଡିତ ନେଇ ମଧ୍ୟ ଅଭିଯୋଗ ହୋଇଛି । ଯଦିଓ ଘଟଣାକୁ ନେଇ ଆଜି ସାମ୍ନାକୁ ଆସିଛି କିନ୍ତୁ ଭୂଷଣ ଷ୍ଟିଲର ପୂର୍ବତନ ଅର୍ଥଅଧିକାରୀ ତଥା ନିର୍ଦ୍ଦେଶକ ନିତିନି ଜୋହାରିଙ୍କୁ ଠକେଇ ଅଭିଯୋଗରେ ଗିରଫ କରାଯାଇଛି। ଏବଂ ସେ ଏବେ ବିଚାରବିଭାଗୀୟ କଷ୍ଟୋଡିରେ ଅଛନ୍ତି ।
{"id":131492}ପଂଜାବ ନ୍ୟାସନାଲ ବ୍ୟାଙ୍କ ଏନେଇ ରିଜର୍ଭ ବ୍ୟାଙ୍କରେ ଅଭିଯୋଗ କରିବା ପରେ ରିଜର୍ଭ ବ୍ୟାଙ୍କ ଏହାର ଫରେନସିକ ଅଡିଟ ପାଇଁ ସିବିଆଇକୁ ସୁପାରିଶ କରିଛନ୍ତି । ଏହାସହ ନ୍ୟାସନାଲ କମ୍ପାନୀ ଲ ଟ୍ରିବ୍ୟୁନାଲ ନିକଟରେ ମଧ୍ୟ ଅଭିଯୋଗ ହୋଇଛି ।
{"id":131493}ପୂର୍ବରୁ ପଂଜାବ ନ୍ୟାସନାଲ ବ୍ୟାଙ୍କକୁ ୧୪ ହଜାର କୋଟି ଟଙ୍କାର ଚୂନ ଲଗାଇବାର ଅଭିଯୋଗ ନିରବ ମୋଦିଙ୍କ ହୀରା କମ୍ପାନି ବିରୋଧରେ ହୋଇଥିଲା । ନିରବ ଦେଶାନ୍ତର ହେବା ପରେ ଏବେ ଲଣ୍ଡନ ଜେଲ୍ରେ ଅଛନ୍ତି ।
{"id":131494}