Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ପୁଣି ପିଏନବିରେ ଠକେଇ : ନିରବ ମୋଦିଙ୍କ ପରେ ପିଏନବିକୁ ୩୮୦୦ କୋଟି ଟଙ୍କାର ଚୂନ ଲଗାଇଛି ଭୂଷଣ ଷ୍ଟିଲ୍ ଆଣ୍ଡ ପାୱାର

7/07/2019 at 7:14 PM

ନୂଆଦିଲ୍ଲୀ ୭/୭ : ପୁଣି ପଞ୍ଜାବ ନ୍ୟାସନାଲ ବ୍ୟାଙ୍କ ମହା ଘୋଟାଲାର ଅଭିଯୋଗ ।  ନିରବ ମୋଦିଙ୍କ ପରେ ଏବେ ଭୂଷଣ ଷ୍ଟିଲ୍  ଆଣ୍ଡ ପାୱାର ପିଏନବିକୁ ଚୂନ ଲଗାଇଛି ।  ତେବେ ୧୦୦ କି ୨୦୦ କୋଟି ନୁହେଁ ଏକାଥରକେ  ୩୮୦୦ କୋଟି ଟଙ୍କା ଠକି ନେଇଛି । ଅଭିଯୋଗ  ପରେ ରିଜର୍ଭ ବ୍ୟାଙ୍କ ଏହାକୁ ଫରେନସିକ ଅଡିଟ ପାଇଁ ସିବିଆଇକୁ ନିର୍ଦ୍ଦେଶ ଦେଇଛନ୍ତି…

ନିରବ ମୋଦିଙ୍କ ପରେ ଏବେ ଭୂଷଣ ଷ୍ଟିଲ୍‌ ଆଣ୍ଡ ପାୱାର ନାଁରେ ମହାଠକେଇ ଅଭିଯୋଗ । ନିରବଙ୍କ ପରି ଭୂଷଣ ଷ୍ଟିଲ୍‌ ଆଣ୍ଡ ପାୱାର ସମାନ ଭାବେ ପଞ୍ଜାବ ନ୍ୟାସଲାଲ ବ୍ୟାଙ୍କକୁ ଚୂନ ଲଗାଇଛି । ଅଭିଯୋଗ ଅନୁଯାୟୀ ଭୂଷଣ ଷ୍ଟିଲ୍  ଆଣ୍ଡ ପାୱାର ପଂଜାବ ନ୍ୟାସନାଲ ବ୍ୟାଙ୍କର ଚଣ୍ଡିଗଡ଼, ଦୁବାଇ ଏବଂ ହଂକଂ ବ୍ରାଞ୍ଚରୁ ୩ ହଜାର ୮ ଶହ କୋଟି ଟଙ୍କାର ଚୂନ ମାରିଛି ।  ଚଣ୍ଡିଗଡ଼ ବ୍ରାଞ୍ଚରୁ ୩ ହଜାର ୨ଶହ କୋଟି, ଦୁବାଇ ବ୍ରାଞ୍ଚରୁ ୩୪୫ କୋଟି ଏବଂ ହଂକଂ ବ୍ରାଞ୍ଚରୁ ୨୬୮ କୋଟି ଟଙ୍କାର ଠକେଇ ହୋଇଛି ।

ନିଜେ କମ୍ପାନୀ ନିର୍ଦ୍ଦେଶକ ଏହି ଅର୍ଥ ତୋଷାରପାତରେ ଜଡିତ ନେଇ ମଧ୍ୟ ଅଭିଯୋଗ ହୋଇଛି । ଯଦିଓ ଘଟଣାକୁ ନେଇ ଆଜି ସାମ୍ନାକୁ ଆସିଛି କିନ୍ତୁ ଭୂଷଣ ଷ୍ଟିଲର ପୂର୍ବତନ ଅର୍ଥଅଧିକାରୀ ତଥା ନିର୍ଦ୍ଦେଶକ ନିତିନି ଜୋହାରିଙ୍କୁ ଠକେଇ ଅଭିଯୋଗରେ ଗିରଫ କରାଯାଇଛି। ଏବଂ ସେ ଏବେ ବିଚାରବିଭାଗୀୟ କଷ୍ଟୋଡିରେ ଅଛନ୍ତି ।  

ପଂଜାବ ନ୍ୟାସନାଲ ବ୍ୟାଙ୍କ ଏନେଇ ରିଜର୍ଭ ବ୍ୟାଙ୍କରେ ଅଭିଯୋଗ କରିବା ପରେ  ରିଜର୍ଭ ବ୍ୟାଙ୍କ ଏହାର ଫରେନସିକ  ଅଡିଟ ପାଇଁ ସିବିଆଇକୁ ସୁପାରିଶ କରିଛନ୍ତି ।  ଏହାସହ ନ୍ୟାସନାଲ କମ୍ପାନୀ ଲ ଟ୍ରିବ୍ୟୁନାଲ ନିକଟରେ ମଧ୍ୟ  ଅଭିଯୋଗ ହୋଇଛି  । 

ପୂର୍ବରୁ ପଂଜାବ ନ୍ୟାସନାଲ ବ୍ୟାଙ୍କକୁ ୧୪ ହଜାର କୋଟି ଟଙ୍କାର ଚୂନ ଲଗାଇବାର ଅଭିଯୋଗ ନିରବ ମୋଦିଙ୍କ ହୀରା କମ୍ପାନି ବିରୋଧରେ ହୋଇଥିଲା । ନିରବ ଦେଶାନ୍ତର ହେବା ପରେ ଏବେ ଲଣ୍ଡନ ଜେଲ୍‌ରେ ଅଛନ୍ତି ।

   Related Posts