ପୁରୀ ୨୫/୧୧: ଶ୍ରୀମନ୍ଦିର ଫଟୋ ପୁଣିଥରେ ଭାଇରାଲ୍ ହୋଇଛି। ଆନନ୍ଦ ବଜାରରେ ମହାପ୍ରସାଦ ସହ ସେଲଫିର ଫଟୋ ସୋସିଆଲ ମିଡିଆରେ ଭାଇରାଲ୍ ହୋଇଛି। ପିଣ୍ଟୁ ମହାପାତ୍ର ନାମକ ଯୁଵକ ନିଜ ଫେସବୁକ୍ ଆକାଉଣ୍ଟରେ ଏହି ଫଟୋ ଗତ ଅଗଷ୍ଟ ୧୯ ତାରିଖରେ ପୋଷ୍ଟ କରିଛନ୍ତି ।
ନିକଟରେ ଦୁଇଜଣ ଯୁବତୀ ଶ୍ରୀମନ୍ଦିର ଭିତର ଭିଡିଓ ନିଜ ଟିକଟକ୍ ଆକାଉଣ୍ଟରେ ଭାଇରାଲ୍ କରିଥିଲେ । ଏହି ଘଟଣାରେ ନିରାକାରପୁରର ଅଞ୍ଚଳର ଯୁବତୀଙ୍କୁ ଉଠାଇଆଣି ପରେ ପୁଲିସ୍ ବ୍ୟକ୍ତିଗତ ମୁଚାଲିକାରେ ଛାଡି ଦେଇଥିଲା ।
ଶ୍ରୀମନ୍ଦିରକୁ ମୋବାଇଲ ଫୋନ୍ ନେବା ସମ୍ପୂର୍ଣ୍ଣ ନିଷେଧ ଥିବାବେଳେ ବାରମ୍ବାର ଶ୍ରୀମନ୍ଦିର ଭିତର ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେଉଛି । ସମ୍ପୃକ୍ତ ଯୁବକ ନିଜକୁ ଜଣେ ଆଷ୍ଟ୍ରୋଲୋଜର ବୋଲି ଫେସବୁକ ଆକାଉଣ୍ଟରେ ଉଲ୍ଲେଖ କରିଥିବାବେଳେ ଶ୍ରୀମନ୍ଦିର ଆନନ୍ଦବଜାର ଫଟୋ ଭାଇରାଲ୍ କରିଛନ୍ତି । ଏହା ଉପରେ ଶ୍ରୀମନ୍ଦିର ଓ ପୁଲିସ ପ୍ରଶାସନ କିଭଳି କାର୍ଯ୍ୟାନୁଷ୍ଠାନ ଗ୍ରହଣ କରୁଛି ତାହା ଦେଖିବାର କଥା।