Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ପୁଣି ବିବାଦରେ ଆଇଟମ୍ ଗାର୍ଲ ରାଣୀ ପଣ୍ଡା, ଏଥର ନିଜ ଜୀବନ କାହାଣୀ ଉପରେ ଯାତ୍ରା ଓ ଫିଲ୍ମକୁ ନେଇ

29/07/2019 at 2:59 PM

କଟକ (ଦୀପକ ଷଡଙ୍ଗୀ) ୩୦|୭: ପୁଣି ବିବାଦରେ ଆଇଟମ୍ ଗାର୍ଲ ରାଣୀ ପଣ୍ଡା… ଏଥର ରାଣୀ ପଣ୍ଡାଙ୍କୁ ନେଇ ଯେତିକି ବିବାଦ ଉଠିନି, ତାଠୁ ଅଧିକ ବିବାଦ ଉଠିଛି ରାଣୀ ପଣ୍ଡାଙ୍କ ଜୀବନ ଉପରେ ଆଧାରିତ ଯାତ୍ରା ଓ ଚଳଚ୍ଚିତ୍ରକୁ ନେଇ ।ଆଇଟମ୍ ଗାର୍ଲ ରାଣୀ ପଣ୍ଡା ନାଁରେ ଏକ ଯାତ୍ରା ଏବେ ସଚ୍ଚିଦାନନ୍ଦ ଗଣନାଟ୍ୟ  ମଂଚସ୍ଥ କରିବାକୁ ଯାଉଛି । ଏପଟେ ସମାନ ନାଁରେ ଏକ ଚଳଚ୍ଚିତ୍ର ମଧ୍ୟ ଆରମ୍ଭ ହେବାକୁ ଯାଉଛି ।ଏବେ ନାଟକ ମଞ୍ଚସ୍ଥ ହେଲେ ଏହାକୁ ନେଇ ଫଲ୍ମ ପ୍ରଯୋଜକ ଅଦାଲତକୁ ଯିବେ ବୋଲି କହିଛନ୍ତି ।ହେଲେ ନାଟକରେ ଅଭିନୟ କରୁଥିବା କଳାକାର ଓ ନିଜେ ରାଣୀ ପଣ୍ଡା କହିଛନ୍ତି ଫିଲ୍ମ ସହିତ ନାଟକର କୌଣସି ସାମଞ୍ଜସ୍ୟ ନାହିଁ ।

ଯାତ୍ରା ଜଗତର ଆଇଟମ୍ ଗର୍ଲ ରାଣୀ ପଣ୍ଡାଙ୍କ ଜୀବନ ଉପରେ ଆଧାରିତ ଫିଲ୍ମ ଓ ଯାତ୍ରାକୁ ନେଇ ଏବେ ବିବାଦ ଉଠିଛି । ଆଇଟମ୍ ଗର୍ଲ ରାଣୀ ପଣ୍ଡା ନାଁରେ ଏବେ ସଚ୍ଚିଦାନନ୍ଦ ଗଣନାଟ୍ୟ ଏବେ ଏକ ଯାତ୍ରା ମଞ୍ଚସ୍ତ କରିବାକୁ ଯାଉଛି । ଏହି ଯାତ୍ରା ପାଇଁ ପ୍ରସ୍ତୁତି ବି ଆରମ୍ଭ ହେଇଗଲାଣି । ନିଜେ ରାଣୀ ପଣ୍ଡା ଏହି ଯାତ୍ରାର ମୁଖ୍ୟ ଭୂମିକାରେ ଅଛନ୍ତି ।  ସେପଟେ ସେହି ସମାନ ନାଁରେ ଫିଲ୍ମ ପ୍ରଯୋଜକ ସଞୟ ନାୟକ ଏକ ଚଳଚ୍ଚିତ୍ର ନିର୍ମାଣ କରିବାକୁ ଯାଉଛନ୍ତି । ଫିଲ୍ମଟିରେ ମଧ୍ୟ ରାଣୀ ପଣ୍ଡା ମୁଖ୍ୟ ଭୂମିକାରେ ଅଛନ୍ତି । କିନ୍ତୁ ଫିଲ୍ମ ନିର୍ମାଣ ହେବା ପୂର୍ବରୁ ଯଦି ଯାତ୍ରା ମଞ୍ଚସ୍ତ ହୁଏ ତେବେ ପ୍ରଯୋଜକ ସଞୟ ନାୟକ ଅଦାଲତର ଦ୍ବାରସ୍ଥ ହେବେ ବୋଲି କହିଛନ୍ତି ।

ରାଣୀ ପଣ୍ଡାଙ୍କ ନିଜ ଜୀବନ କାହାଣୀ ଉପରେ ଆଧାରିତ ଏହି ଯାତ୍ରାଟି ଆସନ୍ତା ୧୪ ତାରିଖରେ ପ୍ରଥମ ଥର ପାଇଁ ମଞ୍ଚସ୍ତ ହେବାକୁ ଯାଉଛି। କଟକ ଗୋପାଳପୁର ନିକଟରେ  ଆଇଟମ୍ ଗର୍ଲ ରାଣୀ ପଣ୍ଡା ଯାତ୍ରାର  ରିହରସାଲ୍ ଜୋର୍‌ସୋର୍ ରେ ଚାଲିଛି । ଖୋଦ୍ ରାଣୀ ପଣ୍ଡା କହିଛନ୍ତି ଯେ ଯାତ୍ରାର କାହାଣୀ ଓ ଫିଲ୍ମର କାହାଣୀ ଭିତରେ ଅନେକ ତଫାତ୍ ରହିଛି। ତେଣୁ ଯାତ୍ରା ମଞ୍ଚସ୍ଥକୁ ନେଇ ଫିଲ୍ମ ପ୍ରଯୋଜକ ଅଦାଲତ ଯିବା ଠିକ୍ ହେବ ନାହିଁ । ଯାତ୍ରା ର ଅନ୍ୟ କଳାକାର ମାନେ ମଧ୍ୟ ସମାନ ମତ ଦେଇଛନ୍ତି ।

ବିବାଦ ରାଣୀ ପଣ୍ଡାଙ୍କ ପିଛା ଛାଡୁନଥିବା ବେଳେ, ଯାତ୍ରା ଆଇଟମ୍ ଗର୍ଲ ରାଣୀ ପଣ୍ଡାକୁ ନେଇ ଯାତ୍ରା ପ୍ରେମୀଙ୍କ ଭିତରେ ଉତ୍ସୁକତା ବଢିବାରେ ଲାଗିଛି ।

   Related Posts