Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଟିକାକରଣ ଏକ କୋଟି ପାର, ଶୁଭେଚ୍ଛା ଜଣାଇଲା ସ୍ବାସ୍ଥ୍ୟ ବିଭାଗ
  • ||
  • ରାଜ୍ୟରେ ଦିନକରେ ସୁସ୍ଥ ହେଲେ ୪୫୮୭ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୬୭୧ ଡିସଚାର୍ଜ
  • ||
  • ଜୁନ ୨୪ରେ ବୈଠକ ଡାକିଲେ କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧି, ଦଳୀୟ କନ୍ଦଳ ନେଇ ହେବ ମାନସମନ୍ଥନ
  • ||
  • ଭଦ୍ରକ : ବ୍ରାଉନସୁଗାର ସେବନକୁ ବିରୋଧ କରିବାରୁ ମାରଣାସ୍ତ୍ର ଧରି ଗୋଡାଇଲେ ଯୁବକ, ୩ ଗିରଫ, ୧୦ ଗ୍ରାମ ବ୍ରାଉନସୁଗାର ଜବତ
  • ||
  • ଭୁବନେଶ୍ବର : କୋଭିଡ୍ ଦ୍ବାରା କ୍ଷତିଗ୍ରସ୍ତ ଅନେକ ଅର୍ଗାନ୍ ରହୁନି ସୁରକ୍ଷିତ – ଡିଏମଇଟି
  • ||
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଇଟ୍ଟାନଗର : ପୁଣି ଥରିଲା ଅରୁଣାଞ୍ଚଳ ପ୍ରଦେଶ, ଇଟ୍ଟାନଗରରେ ଭୂକମ୍ପ ଝଟ୍‌କା
  • ||
  • ଭୁବନେଶ୍ବର : କେନ୍ଦ୍ର ସରକାରଙ୍କ ନୂଆ ଗାଇଡ୍ ଲାଇନ୍ ଅନୁଯାୟୀ ବ୍ୟବହାର ହେବ ଷ୍ଟେରଏଡ୍ – ନିରଞ୍ଜନ ମିଶ୍ର
  • ||
  • ଭୁବନେଶ୍ବର : ଦ୍ବିତୀୟ ଲହର ଅପେକ୍ଷା ତୃତୀୟ ଲହର ପ୍ରଭାବ କମ୍, ତଥାପି ଜୋରଦାର କରିବାକୁ ପଡିବ ଟିକାକରଣ – ଜନସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ପାଟଣା : ଘରେ ଶୋଇଥିବା ବେଳେ କାମୁଡିଦେଲା ସାପ, ଚାଲିଗଲା ମହିଳାଙ୍କ ଜୀବନ
  • ||

ଦଳରୁ ଇସ୍ତଫା ଦେବା ପରେ ଏବେ ବିଧାୟକ ପଦରୁ ବି ଇସ୍ତଫା ଦେବେ ନବଦାସ

16/01/2019 at 6:28 PM

ଭୁବନେଶ୍ବର୧୬|୧: କଂଗ୍ରେସ ରାଜନୀତିରେ ଘମାସାନ । ଦଳରୁ ଇସ୍ତଫା ଦେଇଥିବା  ବିଧାୟକ ନବ ଦାସ ବିଧାୟକ ପଦରୁ ମଧ୍ୟ ଖୁବଶୀଘ୍ର ଇସ୍ତଫା ଦେବେ ବୋଲି କହିଛନ୍ତି । ସେପଟେ ବିଧାୟକ ଯୋଗେଶ ସିଂ ବି ହାତ ଛାଡି ଶଙ୍ଖ ଫୁଙ୍କିବେ ବୋଲି ଆଭାସ ଛାଡ଼ିଛନ୍ତି। ସେପଟେ କିନ୍ତୁ ନବଦାସଙ୍କୁ କଂଗ୍ରେସରୁ ବହିଷ୍କାର କରାଯାଇଛି । ନବଙ୍କ ପରେ ଆଉ କିଛି କଂଗ୍ରେସ ବିଧାୟକ ବି ପାଇପ୍ ଲାଇନରେ ଅଛନ୍ତି ।  ଯାହାକୁ ନେଇ ଜିଲ୍ଲା ଠାରୁ ରାଜ୍ୟ ରାଜନୀତି ହଲଚଲ ହେଉଛି।

ଇସ୍ତଫା ଦେବା ପରେ ବହିଷ୍କାର। ନବଦାସ କଂଗ୍ରେସରୁ ଇସ୍ତଫା ଦେବାର ମାତ୍ର କେଇ ମିନିଟ ଭିତରେ ଦଳ ତାଙ୍କୁ ବହିଷ୍କାର କରିଛି। ଝାରସୁଗୁଡା ବିଧାୟକ ନବ ଦାସ । ୨୪ ତାରିଖରେ ନବୀନଙ୍କ ଝାରସୁଗୁଡା ଗସ୍ତ ବେଳେ ବିଜେଡିରେ ମିଶିବେ । ଆଜି ତାଙ୍କ ଇସ୍ତଫା ବାବଦରେ ସେ ସିଧା ରାହୁଲ ଗାନ୍ଧିଙ୍କୁ ଜଣାଇଛନ୍ତି ।  ଝାରସୁଗୁଡାର ବିକାଶ ପାଇଁ ସ୍ଥାନୀୟ ଲୋକ ଓ ଭୋଟରଙ୍କ ଚାପରୁ ସେ କଂଗ୍ରେସରୁ ଇସ୍ତଫା ଦେଇ ବିଜେ୍ଡିରେ ମିଶିବେ ବୋଲି ନବ ତାଙ୍କ ଇସ୍ତଫା ପତ୍ରରେ ଲେଖିଛନ୍ତି ।

ଠିକ୍ ଏତିକି ବେଳେ କଂଗ୍ରେସର ସୁନ୍ଦରଗଡ ବିଧାୟକ ଯୋଗେଶ ସିଂ ବି ଦଳ ଛାଡିବା ନେଇ ଇଙ୍ଗିତ ଦେଇଛନ୍ତି । ୨୫ ତାରିଖରେ ରାହୁଲ ଗାନ୍ଧିଙ୍କ କାର୍ଯ୍ୟକ୍ରମରେ ସେ ଯୋଗ ଦେବେ ନାହିଁ ବୋଲି ଖୋଲାଖୋଲି କହିଛନ୍ତି । ଫେବୃଆରୀ ମାସରେ ସେ ବି ଶଙ୍ଖ ଫୁଙ୍କିବେ ବୋଲି ସଂଙ୍କେତ ଦେଇଛନ୍ତି । ସେପଟେ କିନ୍ତୁ ପ୍ରଫୁଲ୍ଲ ମାଝି କହିଛନ୍ତି ସେ ନବଙ୍କ ସହିତ ଯିବେନି।

ପ୍ରଫୁଲ୍ଲ କହିଲେ ସେ ନବଙ୍କ ସହ ଯିବେନି। ଅର୍ଥ ବି ଏୟା ହୋଇପାରେ ସେ ପରେ ନିଜ ଥାଟପାଟରେ ବିଦାୟ ନେବେ । ତେବେ ଏ ଦଳଡିଆଁଙ୍କୁ ନେଇ କଂଗ୍ରେସ ଖୁବ ଟେନସନରେ।   ରାହୁଲ ଗାନ୍ଧିଙ୍କ କାର୍ଯ୍ୟକ୍ରମରେ ସାମିଲ ହେବେନି ବୋଲି ନବ ଦାସ କହିଥିଲେ । ତେଣୁ ତାଙ୍କୁ ଦଳରୁ ବହିଷ୍କାର କରିବା ଯୋଜନା ହୋଇସାରିଥିଲା। ଆଜି କଂଗ୍ରେସର ଶୃଙ୍ଖଳା କମିଟି ବୈଠକ ବସିଥାନ୍ତା । ହେଲେ ତା ଆଗରୁ ନବ ଦାସ ଇସ୍ତଫା ଦେଇଦେଲେ । ନବଙ୍କ ଇସ୍ତଫା ଖବର ଶୁଣି ଏଆଇସିସି ଅନୁମତି କ୍ରମେ ପିସିସି ସଭାପତି ତାଙ୍କୁ ଦଳରୁ ବହିଷ୍କାର କରିଛନ୍ତି । ବ୍ୟାବସାୟିକ ସ୍ବାର୍ଥ ପାଇଁ ଏହି ନେତାମାନେ ଦଳ ଛାଡିବା ଦୁର୍ଭାଗ୍ୟ ଜନକ ବୋଲି କହିଛନ୍ତି ପିସିସି ସଭାପତି ।

ତେବେ ନବ ଦାସ କଂଗ୍ରେସରେ ମିଶିଲେ ବିଜେଡିର ଆଭ୍ୟନ୍ତରୀଣ ରାଜନୀତି କେଉଁ ମୋଡ ନେବ, ତାକୁ ନେଇ ବି ତର୍ଜମା ଆରମ୍ଭ ହେଲାଣି । କାରଣ ଝାରସୁଗୁଡାରେ ନବଙ୍କ ରାଜନୈତିକ ପ୍ରତିଦ୍ବନ୍ଦ୍ବୀ କିଶୋର ମହାନ୍ତିଙ୍କୁ ଦଳ କିଭଳି ଖୁସ୍ କରିବ ତାହା ବଡ ପ୍ରଶ୍ନ ହୋଇଛି। କୁହାଯାଉଛି ୩-୪ ଦିନ ପୂର୍ବରୁ ନବ ଦାସଙ୍କ ବିଜେଡିରେ ମିଶ୍ରଣ ନେଇ ବିଜେଡି ସୁପ୍ରିମୋ କୁଆଡେ କିଶୋର ମହାନ୍ତିଙ୍କୁ ଡାକି ଅବଗତ କରାଇସାରିଛନ୍ତି ।

ନିର୍ବାଚନ ପୂର୍ବରୁ ଏବେ ଦଳ ଡିଆଁ ଜୋର ଧରିଛି। ଆଗକୁ ଏଭଳି ଧାରା ଚର୍ଚାକୁ ଆହୁରି ଖୋରାକ ଯୋଗାଇବାକୁ ଯାଉଛି ।

   Related Posts