Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧: କୋଲକାତା ନାଇଟ ରାଇଡର୍ସ ସାମ୍ନାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଆତ୍ମ ସମର୍ପଣ
  • ||
  • ଅଖାଡା ପରିଷଦର ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ନିଧନ, ଫାଶିରେ ଝୁଲୁଥିବା ଅବସ୍ଥାରେ ମିଳିଲା ମୃତଶରୀର
  • ||
  • ନୀଳଗିିରି : ଶିଶୁକନ୍ୟା ଓ ବାପାଙ୍କୁ ହାଣିବା ଅଭିଯୋଗରେ ୭ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ ହେଲେ ଅଭିଯୁକ୍ତ
  • ||
  • ପୁରୀ : ଭାର୍ଗବୀ ନଦୀରେ ଗାଧୋଇବା ବେଳେ ଭାସିଯାଇ ବୃଦ୍ଧଙ୍କ ମୃତ୍ୟୁ
  • ||
  • ପୁରୀ : ୧୫ବର୍ଷ ପରେ ଚୂଡାନ୍ତ ରାୟ : ହତ୍ୟାକାଣ୍ଡ ମାମଲାରେ ଅଭିଯୁକ୍ତ ୨ ଭାଇଙ୍କୁ ଆଜୀବନ କାରାଦଣ୍ଡାଦେଶ
  • ||
  • ଭୁବନେଶ୍ବର : ବିଜେଡିର ମାରାଥନ୍ ମିଶ୍ରଣ ପର୍ବ, ଶଙ୍ଖ ଧରିଲେ ରାୟଗଡା ଜିଲ୍ଲାର ଅନେକ ବରିଷ୍ଠ କଂଗ୍ରେସ ଓ ବିଜେପି ନେତା
  • ||
  • ରାୟଗଡା : ଦେବଦୂତ ସାଜିଲେ ୧୦୮ ଆମୁଲାନ୍ସ କର୍ମଚାରୀ, ପାହାଡିଆ ରାସ୍ତାରେ ଗର୍ଭବତୀ ମହିଳାଙ୍କୁ ବୋହିଲେ ଷ୍ଟ୍ରେଚରରେ
  • ||
  • ଭୁବନେଶ୍ବର : ଗୁମର ଖୋଲିଲେ କି ବିଦ୍ୟାଭାରତୀ ? ଲାଏ ଡିଟେକ୍ସନ ଟେଷ୍ଟରେ ପ୍ରାୟ ୪ ଘଣ୍ଟାରେ ପଚରାଗଲା ୧୦୦ ପ୍ରଶ୍ନ
  • ||
  • କଣ୍ଟାବାଞ୍ଜି : ପାରିବାରିକ କଳହରୁ ସଂଘବଦ୍ଧ ଆକ୍ରମଣ, ଚାଲିଗଲା ବୃଦ୍ଧଙ୍କ ଜୀବନ
  • ||
  • ନିମାପଡା : ପିପିଲି ଉପନିର୍ବାଚନକୁ ମୁକ୍ତ ଓ ନିରପେକ୍ଷ କରିବା ନେଇ ବିଏସଏଫର ଫ୍ଲାଗ୍ ମାର୍ଚ୍ଚ
  • ||

ଭିମସାର ନିର୍ଦ୍ଦେଶକ ପଦରୁ ଇସ୍ତଫା ଦେଇଥିବା ଡାକ୍ତର ଅଶ୍ବିନୀ ପୂଜାହାରୀ ୧୫ତାରିଖରେ ବିଜେପିରେ ଦେବେ ଯୋଗ !

9/02/2019 at 11:56 AM

ସମ୍ବଲପୁର ୯|୨: ବୁର୍ଲା ଭୀମସାର ନିର୍ଦ୍ଦେଶକ ଡାକ୍ତର ଅଶ୍ବିନୀ ପୂଜାହାରୀ ଇସ୍ତଫା  ଦେଇଛନ୍ତି । ଇସ୍ତଫା ଦେବା ପରେ ଏକ ସାମ୍ବାଦିକ ସମ୍ମିଳନୀରେ ଜାତୀୟ ସ୍ତରର ରାଜନୈତିକ ଦଳରେ ଯୋଗଦେବେ ବୋଲି ସଙ୍କେତ ଦେଇଛନ୍ତି । ସମ୍ଭବତଃ ଆସନ୍ତା ୧୫ତାରିଖରେ ଅମିତ ଶାହାଙ୍କ ସମ୍ବଲପୁର ଗସ୍ତ ବେଳେ ସେ ବିଜେପିରେ ଯୋଗଦେବେ ବୋଲି ଚର୍ଚ୍ଚା ହେଉଛି । ବିଜେପିର ଜଣେ ବରିଷ୍ଠ ନେତା ମଧ୍ୟ ଏହି ସୂଚନା ଦେଇଛନ୍ତି । ବିଜେପିରେ ଯୋଗଦେବା ପରେ ଆସନ୍ତା ବିଧାନସଭା ନିର୍ବାଚନରେ ସେ ସୋନପୁରରୁ ପ୍ରାର୍ଥୀ ହୋଇପାରନ୍ତି । ସୂଚନାଯୋଗ୍ୟ ଯେ ଡାକ୍ତର ଅଶ୍ବିନୀ ପୂଜାହାରୀଙ୍କ ନିଜ ଘର ସୋନପୁରର ରାଜାସାହିରେ । ଆଜି ସାମ୍ବାଦିକ ସମ୍ମିଳନୀରେ ଡାକ୍ତର ପୂଜାହାରୀ କହିଛନ୍ତି ଯେ, ଏ ସଂପର୍କରେ ସେ ଦିନେ ଦୁଇ ଦିନ ଭିତରେ ସବୁକଥା ସ୍ପଷ୍ଟ କରିବେ ।

ସୂଚନାଯୋଗ୍ୟ ଯେ, ଚିକିତ୍ସା ତ୍ରୁଟି ନେଇ ଭିମସାରର ତତ୍କାଳୀନ ନିର୍ଦ୍ଦେଶକ ଅଶ୍ବିନୀ ପୂଜାହାରୀଙ୍କ  ବିରୋଧରେ ସଂଗୀନ ଅଭିଯୋଗ ଆସିବା ପରେ ତଦନ୍ତ କରାଯାଇଥିଲା । ତଦନ୍ତ ରିପୋର୍ଟ ଆଧାରରେ ଗତ ଡିସେମ୍ବର ୭ତାରିଖରେ ଅଶ୍ବିନୀ ପୂଜାହାରୀଙ୍କୁ ଛୁଟିରେ ଯିବାକୁ କହିଥିଲେ ରାଜ୍ୟ ସରକାର । ଅଶ୍ବିନୀ ପୂଜାହାରୀଙ୍କ ବିରୋଧରେ ଜୁନିଅର ଡାକ୍ତରମାନେ ମଧ୍ୟ ଅଭିଯୋଗ ଆଣିଥିଲେ । ଏସବୁକୁ ନେଇ ଅଶ୍ବିନୀ ପୂଜାହାରୀଙ୍କୁ କାରଣ ଦର୍ଶାଅ ନୋଟିସ୍ ଦିଆଯାଇଥିଲା । ଏହାପରେ ସେ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ତାଙ୍କର ଜବାବ ଦେଇଥିଲେ । ତେବେ ରାଜ୍ୟ ସରକାର ଏହା ଉପରେ କୌଣସି ପଦକ୍ଷେପ ନେଇନଥିଲେ । ଏପରିକି ତାଙ୍କ ଉତ୍ତର ମିଳିଥିବା ନେଇ ମଧ୍ୟ କୌଣସି ସୂଚନା ଆସିନଥିଲା ।

ରାଜ୍ୟ ସରକାରଙ୍କ ଉଦାସୀନତାକୁ ନଜରରେ ରଖି ଡାକ୍ତର ପୂଜାହାରୀ ବାରମ୍ବାର ରିମାଇଣ୍ଡର ଦେଇଥିଲେ । କିନ୍ତୁ ଏଥିରୁ ମଧ୍ୟ କୌଣସି ସୁଫଳ ନମିଳିବାରୁ ଗତ ଜାନୁଆରୀ ୧୫ତାରିଖରେ ଡାକ୍ତର ପୂଜାହାରୀ ରାଜ୍ୟ ସରକାରଙ୍କୁ ଏକ ଚେତାବନୀ ପତ୍ର ଲେଖିଥିଲେ । ତାଙ୍କ ସଂପର୍କରେ ୧୫ଦିନ ଭିତରେ କୌଣସି ନିଷ୍ପତ୍ତି ନନେଲେ ସେ ଚାକିରୀରୁ ଇସ୍ତଫା ଦେବେ ବୋଲି ଏହି ପତ୍ରରେ ଦର୍ଶାଇଥିଲେ । ଫେବୃଆରୀ ୧ତାରିଖରେ ସମୟ ପୁରିଥିଲେ ମଧ୍ୟ ରାଜ୍ୟ ସରକାର କୌଣସି ପଦକ୍ଷେପ ନେଇନଥିଲେ । ଫଳରେ ସେ ଆହୁରି ୭ଦିନ ଅପେକ୍ଷା କରି ଗତକାଲି ରାଜ୍ୟପାଳଙ୍କ ନିକଟକୁ ଇମେଲ୍ ଯୋଗେ ତାଙ୍କ ଇସ୍ତଫା ପତ୍ର ପଠାଇଦେଇଥିବା ଆଜି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ଗତକାଲି ଇସ୍ତଫା ଦେବା ପରେ ଡାକ୍ତର ପୂଜାହାରୀ ଆଜି ତାଙ୍କ ସରକାରୀ କ୍ବାର୍ଟର ମଧ୍ୟ ଖାଲି କରିଦେଇଛନ୍ତି । ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ ଭିମସାରର ଉନ୍ନତି କରିବା ପାଇଁ ସେ ଉଦ୍ୟମ କରୁଥିବାରୁ ବହୁ ଲୋକଙ୍କର ଅସୁବିଧା ହେଲା । ଏହି ଲୋକମାନେ ତାଙ୍କ ବିରୋଧରେ ଷଡଯନ୍ତ୍ର କଲେ । ଷଡଯନ୍ତ୍ରରେ ଖୋଦ୍ ରାଜ୍ୟ ସରକାର ମଧ୍ୟ ପକ୍ଷଭୁକ୍ତ ହେଲେ । ଭିମସାରର ସିଟ୍ ସଂଖ୍ୟା ୧୫୦ରୁ ୨୦୦କୁ ବୃଦ୍ଧି କରିବା ଲାଗି ସେ ଉଦ୍ୟମ କରିଥିଲେ । ଡାକତମାନଙ୍କ ଘରୋଇ ଚିକିତ୍ସା ଉପରେ ଅଙ୍କୁଶ ଲଗାଇଥିଲେ । ପିଜି ପରୀକ୍ଷା ହସ୍ପିଟାଲ ଭିତରେ କରିବା ପାଇଁ ପଦକ୍ଷେପ ନେଇଥିଲେ । ଏସବୁ ଜୁନିୟର ଡାକ୍ତର ଓ ତାଙ୍କର ସହଯୋଗୀମାନଙ୍କୁ ଅଡୁଆରେ ପକାଇଲା ।

ଆର୍ମି ହସ୍ପିଟାଲରୁ ଇସ୍ତଫା ଦେଇ ନିଜ ଅଞ୍ଚଳରେ ଥିବା ହସ୍ପିଟାଲର ଉନ୍ନତି କରିବା ଲାଗି ସେ ଆସିଥିଲେ । କିନ୍ତୁ ତାହା କରାଇ ଦିଆଗଲାନାହିଁ ବୋଲି ଡାକ୍ତର ପୂଜାହାରୀ ଆଜି ସାମ୍ବାଦିକ ସମ୍ମିଳନୀରେ କ୍ଷୋଭ ପ୍ରକାଶ କରିଛନ୍ତି । ତେବେ ସେ ଯେକୌଣସି କ୍ଷେତ୍ରରେ ରହିଲେ ମଧ୍ୟ ଭିମସାରର ଉନ୍ନତି ପାଇଁ  କାମ କରିବେ ବୋଲି କହିଛନ୍ତି ।ମୁଖ୍ୟତଃ ରାଜ୍ୟ ସରକାରଙ୍କ ଅବହେଳା ଓ ଅଣଦେଖା କାରଣରୁ ସେ ଇସ୍ତଫା ଦେଇଥିବା ପ୍ରକାଶ କରିଛନ୍ତି ।

   Related Posts