Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ଲିଙ୍ଗରାଜ ମନ୍ଦିର ଉଚ୍ଛେଦକୁ ନେଇ ବଢୁଛି ଅସନ୍ତୋଷ : ଆନ୍ଦୋଳନ ପରେ ବନ୍ଦ ହେଲା ଉଚ୍ଛେଦ କାମ

10/12/2019 at 4:39 PM

ଭୁବନେଶ୍ବର ୧୦/୧୨: ଆନ୍ଦୋଳନ ପରେ ବନ୍ଦ ହେଲା ଲିଙ୍ଗରାଜ ମନ୍ଦିର ନିକଟରୁ ଉଚ୍ଛେଦ କାମ । ବୁଧବାର ବିଏମସି କମିଶନରଙ୍କ ସହ ଆଲୋଚନା ପରେ ଉଚ୍ଛେଦ କାମ ଜାରି ରହିବ କି ବନ୍ଦ ହେବ ସେ ନେଇ ନିଷ୍ପତ୍ତି ନିଆଯିବ । ଥଇଥାନ ଦାବିରେ ମଙ୍ଗଳବାର ବ୍ୟବସାୟୀ ସଂଘ ଲିଙ୍ଗରାଜ ଥାନା ସମ୍ମୁଖରେ ଆନ୍ଦୋଳନରେ ବସିଥିଲା । ଏହି ଆନ୍ଦୋଳନକୁ ସମର୍ଥନ କରି ବିଜେପି କଂଗ୍ରେସ ବି ଧାରଣାରେ ବସିଥିଲା ।

ଲିଙ୍ଗରାଜ ମନ୍ଦିର ଚାରିପାଖ ଉଚ୍ଛେଦକୁ ନେଇ ବଢୁଛି ଅସନ୍ତୋଷ । ଆଗେ ଥଇଥାନ ପରେ ଉଛେଦ- ଏହି ଦାବି ନେଇ ମଙ୍ଗଳବାର ଆନ୍ଦୋଳନ ବ୍ୟାପକ ହେବା ପରେ ଭଙ୍ଗା କାର୍ଯ୍ୟ ସ୍ଥଗିତ ରଖିଛି ପ୍ରଶାସନ । ସକାଳ ୮ଟା ବେଳକୁ ବୁଲଡୋଜର ଧରି ବିଏମସି, ବିଡିଏ ଅଧିକାରୀ ପହଞ୍ଚିବା ପୂର୍ବରୁ ଥଇଥାନ ଦାବିରେ ଲିଙ୍ଗରାଜ ଥାନା ସମ୍ମୁଖରେ ଧାରଣାରେ ବସିଥିଲେ ବ୍ୟବସାୟୀ । ଏହାକୁ ସମର୍ଥନ କରି କଂଗ୍ରେସ, ବିଜେପି ନେତା ଓ କର୍ମୀ ଧାରଣାରେ ସାମିଲ ହୋଇଥିଲେ । ଥଇଥାନ ସହ ଉଚ୍ଛେଦ ପରେ କଣ ସବୁ କାର୍ଯ୍ୟକ୍ରମ କରାଯିବ ସେ ନେଇ ସବିଶେଷ ତଥ୍ୟ ଦେବାକୁ ଦାବି କରିଥିଲେ ।  ଯାହାକୁ ନେଇ ପ୍ରଶାସନ ଅଡୁଆରେ ପଡିଥିଲା ।

ଆନ୍ଦୋଳନକାରୀ ଓ ପ୍ରଶାସନ ମଧ୍ୟରେ ପାଖାପାଖି ୩ ଘଣ୍ଟା ଧରି ଆଲୋଚନା ହୋଇଥିଲା । ତେବେ ବୁଧବାର ବିଏମସି କମିଶନରଙ୍କ ସହ ଆଲୋଚନା ପରେ ଉଚ୍ଛେଦ କାମ ଜାରି ରହିବ କି ବନ୍ଦ ହେବ ସେ ନେଇ ନିଷ୍ପତ୍ତି ନିଆଯିବ । ବିଏମସି କମିଶନରଙ୍କ ସହ ୧୦ ଜଣିଆ ପ୍ରତିନିଧି ଦଳ ଆଲୋଚନା କରିବେ । ସେପଟେ ଏକାମ୍ର ବିଧାୟକ କହିଛନ୍ତି ୭୮ ଜଣ ଦୋକାନୀଙ୍କୁ ଥଇଥାନ କରାଯାଇଛି । ଉଚ୍ଛେଦ ହୋଇଥିବା ଅନ୍ୟ ଦୋକାନୀଙ୍କ ତାଲିକା ଦେବାକୁ ବ୍ୟବସାୟୀ ସଂଘକୁ କୁହାଯାଇଛି । ତେବେ ଏତେ ସବୁ ପରେ ବି କାହିଁକି ବ୍ୟବସାୟୀ ସଂଘ ଧାରଣା ଦେଲା ବୋଲି ବିଧାୟକ ପ୍ରଶ୍ନ କରିଛନ୍ତି ।

 

   Related Posts