ନୂଆଦିଲ୍ଲୀ ୦୬/୧୧: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ମନୋରଞ୍ଜନ ଜଗତର ଅନ୍ୟତମ ଦକ୍ଷ ଅଭିନେତ୍ରୀ ଅଟନ୍ତି। 'ରାଜି', 'ଡିୟର୍ ଜିନ୍ଦେଗି', 'କପୁର ଆଣ୍ଡ ସନ୍ସ' ଭଳି ମହାନ ଫିଲ୍ମ କରିଥିବା ଆଲିଆ ତାଙ୍କ ବ୍ୟକ୍ତିଗତ ଜୀବନକୁ ନେଇ ଆଲୋଚନାରେ ରହିଛନ୍ତି। ଆଲିଆଙ୍କୁ ନେଇ ଏକ ବଡ ସୂଚନା ସାମ୍ନାକୁ ଆସିଛି।

ସୂଚନା ଅନୁଯାୟୀ, ପ୍ରିୟଙ୍କା ଚୋପ୍ରା ଏବଂ ଦୀପିକା ପାଦୁକୋନଙ୍କ ପରେ ଆଲିଆ ଭଟ୍ଟ ହଲିଉଡରେ ପାଦ ଦେବାକୁ ପ୍ରସ୍ତୁତ ଅଛନ୍ତି। ଆଲିଆ ଭଟ୍ଟଙ୍କୁ ହଲିଉଡ ଟ୍ୟାଲେଣ୍ଟ ଏଜେନ୍ସି WME ସାଇନ୍ କରାଇଛି। WME କାଲିଫର୍ଣ୍ଣିଆରେ ଅବସ୍ଥିତ ଏକ ଆମେରିକୀୟ ଏଜେନ୍ସି। ଆଶା କରାଯାଉଛି ଯେ ଆଲିଆ ଭଟ୍ଟ ୨୦୨୨ ରେ ତାଙ୍କର ପ୍ରଥମ ହଲିଉଡ ପ୍ରୋଜେକ୍ଟ ଘୋଷଣା କରିପାରନ୍ତି।

ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ଆଲିଆ ତାଙ୍କ ନୂତନ ପ୍ରକଳ୍ପ ପାଇଁ ବହୁତ ଉତ୍ସାହିତ ଅଛନ୍ତି। ଏକ ସୂତ୍ରରୁ ଜଣାପଡିଛି ଯେ ଆଲିଆ ଭଟ୍ଟ ହଲିଉଡ ଅଭିନେତ୍ରୀ ଜେନିଫର ଲରେନ୍ସଙ୍କର ଜଣେ ବଡ଼ ପ୍ରଶଂସକ ଏବଂ ତାଙ୍କ ଶୈଳୀରେ ସେ ଫିଲ୍ମ କରିବାକୁ ଚାହୁଁଛନ୍ତି।