Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ବଦଳିଲେ ନେପାଳ କମ୍ୟୁନିଷ୍ଟ ପାର୍ଟି ଅଧ୍ୟକ୍ଷ, ସଂସଦ ଭଙ୍ଗ କରିଥିଲେ, ଏବେ ଓଲିଙ୍କ ହାତରୁ ଗଲା ପାର୍ଟି !

22/12/2020 at 9:10 PM

କାଠମାଣ୍ଡୁ ୨୨।୧୨: ନେପାଳ ସଂସଦ ଭଙ୍ଗ ସହ ପ୍ରଧାନମନ୍ତ୍ରୀ କେ.ପି.ଶର୍ମା ଓଲିଙ୍କ ହାତରୁ ନେପାଳ କମ୍ୟୁନିଷ୍ଟ ପାର୍ଟି(ଏନସିପି) ଅଧ୍ୟକ୍ଷ ପଦ ମଧ୍ୟ ଯାଇଛି। ମଙ୍ଗଳବାର ଏଥିଲାଗି ଅନୁଷ୍ଠିତ ନିର୍ବାଚନରେ ଅବସ୍ଥାପିତ ଅଧ୍ୟକ୍ଷ ଓଲିଙ୍କ ବିପକ୍ଷରେ ବରିଷ୍ଠ କମ୍ୟୁନିଷ୍ଟ ନେତା ମାଧବ ଚନ୍ଦ୍ର ନେପାଲ ପ୍ରତିଦ୍ୱନ୍ଦ୍ୱୀତା କରିଥିଲେ। ଏଥିରେ ସମସ୍ତ ୩୧୫ କେନ୍ଦ୍ରୀୟ କମିଟି ସଦସ୍ୟ ମାଧବଙ୍କ ସପକ୍ଷରେ ଭୋଟ ଦେଇଛନ୍ତି। ଫଳରେ ସରକାର ଭଙ୍ଗ ସହ ଓଲିଙ୍କ ହାତରୁ ପର୍ଟିର ଡୋର ମଧ୍ୟ ଖସିଯାଇଛି।

ଏନସିପି ମୁଖପାତ୍ର ଏକ ସାମ୍ବାଦିକ ସମ୍ମିଳନୀରେ ନିର୍ବାଚନ ଫଳାଫଳ ଘୋଷଣା କରିଛନ୍ତି। ଏଥିରେ ଓଲିଙ୍କ ସ୍ଥାନରେ ମାଧବ କୁମାର ନେପାଲ  ଏନସିପି ମୁଖ୍ୟ ନିର୍ବାଚିତ ହୋଇଥିବା କହିଛନ୍ତି। ଅନ୍ୟପକ୍ଷରେ ଓଲିଙ୍କ ବିରୋଧରେ ଦଳ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ କରିବ ବୋଲି ମଧ୍ୟ ସେ ସୂଚିତ କରିଛନ୍ତି। ଓଲି ଉଭୟ ପ୍ରଧାନମନ୍ତ୍ରୀ ଓ ନେପାଳ କମ୍ୟୁନିଷ୍ଟ ପାର୍ଟି ଅଧ୍ୟକ୍ଷ ପଦ ମାଡି ବସିଥିଲେ। ଯାହାକୁ ବରିଷ୍ଠ ନେତା ପ୍ରଚଣ୍ଡ ବିରୋଧ କରୁଥିଲେ। ସେ ହୁଏତ ପ୍ରଧାନମନ୍ତ୍ରୀ ଅବସ୍ଥାପିତ ରହିପାରନ୍ତି ନେଚେତ ପାର୍ଟିର ଚେୟାରମ୍ୟାନ୍‌ ଯାହା ବି ହେଲେ ଗୋଟିଏ ପଦବୀରେ ରହନ୍ତୁ ବୋଲି ଦାବି କରୁଥିଲେ।

କ୍ଷମତା ଲୋଭରେ ଓଲି ନା ଦଳୀୟ ମୁଖ୍ୟପଦ ଛାଡୁଥିଲେ ନା ପ୍ରଧାନମନ୍ତ୍ରୀ ପଦ। ଏଥିରେ ଦେଶ ରାଜନୈତିକ ସଂକଟ ଆଡକୁ ମୁହାଁଇଥିବା ବେଳେ ଓଲି ଶନିବାର ମନ୍ତ୍ରୀମଣ୍ଡଳର ଜରୁରି ବୈଠକ ଡକାଇ ସଂସଦ ଭଙ୍ଗ ଲାଗି ସୁପାରିଶ ଗୃହୀତ କରାଇ ନେଇଥିଲେ। ପ୍ରସ୍ତାବକୁ ରାଷ୍ଟ୍ରପତି ବିଦ୍ୟାଦେବୀ ଭଣ୍ଡାରୀଙ୍କ ଅନୁମୋଦନ ଲାଗି ଉପସ୍ଥାପିତ କରାଯିବା ବେଳେ ସେ ଏହାକୁ ମଞ୍ଜୁର କରି ଆଗାମୀ ସାଧାରଣ ନିର୍ବାଚନ ଲାଗି ଦିନ ମଧ୍ୟ ଘୋଷଣା କରିଥିଲେ।

ଓଲି ସଂସଦ ଭଙ୍ଗ କରିବାମାତ୍ରେ ପାର୍ଟି ଚେୟାରମ୍ୟାନ ପଦବୀ ଲାଗି ମଙ୍ଗଳବାର ନିର୍ବାଚନ କରିଥିବା ବେଳେ ଏଥିରେ ଓଲିଙ୍କ ସପକ୍ଷରେ ଗୋଟିଏ ବି ଭୋଟ ନ ପଡିବା ତାଙ୍କ ପରବର୍ତ୍ତି ରାଜନୈତିକ ଭବିଷ୍ୟତକୁ ଅନ୍ଧକାରକୁ ଠେଲିଦେଇଛି। ପାର୍ଟି ଏବେ ଓଲିଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଲାଗି ମଧ୍ୟ କହିବା ଓଲିଙ୍କ କ୍ଷମତା ମୋହକୁ ଜୋରଦାର ଝଟକା ଲାଗିଛି।

   Related Posts