Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ସଂକ୍ରମଣ, ସୁସ୍ଥ ହୋଇ ଘରକୁ ଫେରିଲେ ଆଉ ୬୬୯ ଆକ୍ରାନ୍ତ
  • ||
  • ସରକାର ଓ କୃଷକଙ୍କ ମଧ୍ୟରେ ପ୍ରଥମ ବୈଠକ ବିଫଳ: ପୁଣି ଡିସେମ୍ବର ୩ରେ ଉଭୟ ପକ୍ଷ ମଧ୍ୟରେ ଆଲୋଚନା, ଜାରି ରହିବ ଆନ୍ଦୋଳନ
  • ||
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ରାମଙ୍କ ପରେ ରାବଣ ଚର୍ଚ୍ଚା: ନେପାଳ ପରେ ଆଗକୁ ଆସିଲା ଶ୍ରୀଲଙ୍କା, ରାବଣ ନେଇ ବିତର୍କ ଆରମ୍ଭ, ହେବ ଗବେଷଣା

21/07/2020 at 3:18 PM

ନୂଆଦିଲ୍ଲୀ ୨୧।୦୭: ରାମଙ୍କ ପରେ ଏବେ ଚର୍ଚ୍ଚାରେ ରାବଣ। ନେପାଳ ଭଗବାନ ରାମ ଏବଂ ଅଯୋଧ୍ୟା ଉପରେ ନିଜର ଦାବି ପ୍ରମାଣିତ କରିବା ପାଇଁ ପ୍ରତ୍ନତତ୍ଵ ଅଧ୍ୟୟନର ପ୍ରସ୍ତୁତି କରୁଛି। ଅନ୍ୟପଟେ ରାବଣକୁ ନେଇ ଶ୍ରୀଲଙ୍କାରେ ବିତର୍କ ଆରମ୍ଭ ହୋଇ ଯାଇଛି। ଦକ୍ଷିଣ ପଡୋଶୀ ଦେଶ ଶ୍ରୀଲଙ୍କା ଏବେ ରାବଣ ସମ୍ବନ୍ଧିତ ନିଜର ବିରାସତ ଖୋଜିବାରେ ଲାଗି ପଡିଛି। ଶ୍ରୀଲଙ୍କାର ବେସାମରିକ ବିମାନ ଚଳାଚଳ ବିଭାଗ ପୁରାଣରେ ବର୍ଣ୍ଣିତ ରାବଣ ଏବଂ ତାଙ୍କ ଦ୍ଵାରା  ବ୍ୟବହୃତ ବିମାନ ମାର୍ଗକୁ ନେଇ ଗବେଷଣା କରିବ।

ସିଂହଲ ଭାଷାରେ ଛପିଥିବା ଏକ ବିଜ୍ଞାପନରେ ଶ୍ରୀଲଙ୍କାର ବିମାନ ଚଳାଚଳ ପ୍ରାଧିକାରୀ ଲୋକଙ୍କୁ ରାଜା ରାବଣ ଓ ଲୁପ୍ତ ହୋଇ ସାରିଥିବା ପ୍ରାଚୀନ ବାୟୁ ମାର୍ଗକୁ ନେଇ କୌଣସି ବି ପ୍ରକାରର ଦସ୍ତାବିଜ କିମ୍ବା ସାହିତ୍ୟିକ ପ୍ରମାଣ ଉପଲବ୍ଧ କରାଇବାକୁ କହିଛି।

ବେସାମରିକ ବିମାନ ଚଳାଚଳ ଅଧିକାରୀ କହିଛନ୍ତି ରାଜା ରାବଣଙ୍କ ବିଷୟରେ ଜଣେ ଅଧିକାରୀ ସୂଚନା ସଂଗ୍ରହ ପାଇଁ ଗବେଷଣା କରାଯାଉଛି, କାରଣ ରାବଣଙ୍କ ବିଷୟରେ ଅନେକ ପ୍ରକାରର କାହାଣୀ ରହିଛି। ଅଧିକାରୀ କହିଛନ୍ତି ରାବଣଙ୍କ ବିମାନ ଏବଂ ତାଙ୍କ ଦ୍ଵାରା ଉପଯୋଗ ଆକାଶ ମାର୍ଗକୁ ନେଇ ମଧ୍ୟ ଅନେକ ବର୍ଷରୁ କାହାଣୀ ଚାଲି ଆସିଛି, ଏଥିପାଇଁ ଆମେ ଏହି ଘଟଣାର ଅଧ୍ୟୟନ କରିବାକୁ ଚାହୁଁଛୁ।

ଶ୍ରୀଲଙ୍କାର ପର୍ଯ୍ୟଟନ କ୍ଷେତ୍ର ଭାରତରୁ ଆସୁଥିବା ପର୍ଯ୍ୟଟକଙ୍କ ପାଇଁ ରାମାୟଣ ଟ୍ରେଲକୁ ମଧ୍ୟ ପ୍ରୋତ୍ସାହିତ କରୁଛି। ହେଲେ ଭାରତର ରାମାୟଣରେ ଖଳନାୟକ ରାବଣଙ୍କୁ ଶ୍ରୀଲଙ୍କା ସିଙ୍ଘଲ-ବୌଦ୍ଧ ଆସ୍ଥା ନଜରରୁ ଦେଖିଥାଏ। ଶ୍ରୀଲଙ୍କାରେ ରାବଣକୁ ଏକ ବାହାଦୂର ଓ ବିଦ୍ଵାନ ରାଜା ଭାବେ ଦର୍ଶାଇଥାଏ।

ସିଂହଲ-ବୌଦ୍ଧର ଏକ ସମୂହ ନିଜକୁ ରାବଣଙ୍କ ବଂଶଜ କହିଥାନ୍ତି।। ଏପରିକି ଶ୍ରୀଲଙ୍କା ନିଜର ପ୍ରଥମ ସାଟେଲାଇଟ୍‌ର ନାମ ରାବଣ-୧ ରଖିଥିଲା। ୨୦୧୬ରେ କଲୋମ୍ଵୋରେ ହୋଇଥିବା ସିଭିଲ ଏଭିଏସନର କନଫରେନ୍ସକୁ ସମ୍ବୋଧିତ କରି ତତ୍କାଳୀନ ବିମାନ ଚଳାଚଳ ମନ୍ତ୍ରୀ ନିର୍ମଳା ସୀତାରମଣ ସିରିପାଲାରେ କହିଥିଲେ ଯେ, ଆଧୁନିକ ବିମାନର ଇତିହାସ ରାଇଟ୍ ବ୍ରଦର୍ସଙ୍କଠୁ ଆରମ୍ଭ ହୋଇଥିଲା ମାତ୍ର ଶ୍ରୀଲଙ୍କାରେ କିମ୍ବଦନ୍ତୀ ରହିଛି, ରାବଣ ନାମକ ଜଣେ ବାହାଦୂର ରାଜା ଥିଲେ ଯିଏ ଦାନ୍ଦୁ ମୋନାରା ନାମକ ଏକ ବିମାନ ଉଡାଉଥିଲେ। ରାବଣ କେବଳ ଶ୍ରୀଲଙ୍କା ନୁହେଁ ବରଂ ପୂରା କ୍ଷେତ୍ରରେ ବିମାନ ଉଡାଉଥିଲେ।

ସମ୍ମିଳନୀରୁ ଏହି ନିଷ୍କର୍ସ ବାହାରିଥିଲା ଯେ, ରାବଣ ୫୦୦୦ ବର୍ଷ ପୂର୍ବେ ଶ୍ରୀଲଙ୍କାରୁ ବର୍ତ୍ତମାନର ଭାରତ ଅଭିମୁଖେ ବାହାରିଥିଲେ ଏବଂ ପୁଣି ସ୍ଵଦେଶ ଫେରି ଆସିଥିଲେ। ମାତ୍ର ଏହି କାହାଣୀକୁ ଖାରଜ କରାଯାଇଛି ରାବଣ ଭଗବାନ ରାମଙ୍କ ପତ୍ନୀ ସୀତାଙ୍କ ଅପହରଣ କରିଥିଲେ। ଶ୍ରୀଲଙ୍କା ସରକାରଙ୍କ ଏହା ଦାବି ଯେ, ଏହା ଏକ ଭାରତୀୟ ସଂସ୍କରଣ ଥିଲା ଓ ଏହାର ବୀପରିତ ଶ୍ରୀଲଙ୍କାରେ ରାବଣ ଜଣେ ମହାନ ରାଜା ଥିଲେ।

ଶ୍ରୀଲଙ୍କାରେ ଅନେକ ଲୋକ ମାନନ୍ତି ରାବଣ ଜଣେ ଦୟାଳୁ ଓ ବିଦ୍ଵାନ ରାଜା ଥିଲେ। କିଛି ଭାରତୀୟ ଧର୍ମଗ୍ରନ୍ଥରେ ରାବଣଙ୍କୁ ମହାନ ବ୍ରାହ୍ମଣ ରୂପେ ବର୍ଣ୍ଣିତ କରାଯାଇଛି। ଯାହାର ଅର୍ଥ ସେ ଜଣେ ମହାନ ବ୍ରାହ୍ମଣ କିମ୍ବା ମହାନ ବିଦ୍ଵାନ ଥିଲେ। ରାମାୟଣ ଅନୁଯାୟୀ ରାବଣ ପାଖରେ ପୁଷ୍କକ ନାମକ ଏକ ବିମାନ ଥିଲା। ଏହି ବିମାନରେ ରାବଣ ସୀତା ମାତାଙ୍କୁ ଅପହରଣ କରିଥିଲା।

   Related Posts