Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

ମୁମ୍ବାଇ ପରେ ଅହମଦାବାଦ ପାଲଟିଲା କରୋନା ହଟସ୍ପଟ୍ : ବୃଦ୍ଧି ପାଉଛି ମୃତକଙ୍କ ସଂଖ୍ୟା

27/04/2020 at 12:58 PM

ନୂଆଦିଲ୍ଲୀ ୨୭/୦୪ : ମୁମ୍ବାଇ ପରେ ଅହମଦାବାଦ କରୋନା ହଟସ୍ପଟ ପାଲଟିଛି | ଅହମଦାବାଦରେ ମୃତକଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି | କରୋନା ସଂକ୍ରମଣ ସଂଖ୍ୟା ଲଗାତାର ବଢ଼ିବାରେ ଲାଗିଛି | ରାଜଧାନୀ ଦିଲ୍ଲୀରେରେ ଗତ ୨୪ ଘଣ୍ଟାରେ ୨୦୩ ନୂଆ ମାମଲା ସାମ୍ନାକୁ ଆସିଛି | ଦିଲ୍ଲୀରେ କରୋନା ସଂକ୍ରମଣ ସଂଖ୍ୟା ୨୯୧୮ରେ ପହଞ୍ଚିଛି | ଏସବୁ ଭିତରେ ଅହମଦାବାଦରୁ ଏକ ଚିନ୍ତିତ କଲା ଭଳି ଘଟଣା ସାମ୍ନାକୁ ଆସିଛି | ମହାରାଷ୍ଟ୍ର ରାଜଧାନୀ ମୁମ୍ବାଇ ପରେ ବର୍ତ୍ତମାନ ଅହମଦାବାଦରେ ସବୁଠାରୁ ଅଧିକ କରୋନା ମାମଲା ସାମ୍ନାକୁ ଆସିଛି | ଅହମଦାବାଦକୁ ବର୍ତ୍ତମାନ କରୋନା ହଟସ୍ପଟ ଭାବେ ଚିହ୍ନଟ କରାଯାଇଛି | ଗତ ୨୪ ଘଣ୍ଟା ମଧ୍ୟରେ ଏଠାରେ ୧୯ ଜଣଙ୍କ ମୃତ୍ୟୁ ହୋଇଥିବାବେଲେ ୧୦୦ ନୂଆ ମାମଲା ସାମ୍ନାକୁ ଆସିଛି |

ଅହମଦାବାଦରେ କରୋନା ଭାଇରସରେ ସଂକ୍ରମଣ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି | ଏଠାରେ ଏବେ ସୁଦ୍ଧା ୧୦୫ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇସାରିଛି | ମୁମ୍ବାଇରେ ଏବେ ସୁଦ୍ଧା ୨୦୪ ଜଣ କରୋନାରେ ପ୍ରାଣ ହରାଇଛନ୍ତି | ଅହମଦାବାଦ ବର୍ତ୍ତମାନ ଭୟଙ୍କର ସ୍ଥିତି ଆଡକୁ ଗତି କରୁଥିବା ଜଣାପଡୁଛି | ଗତ ଗୋଟିଏ ସପ୍ତାହରେ ଏଠାରେ କରୋନା ସଂକ୍ରମିତଙ୍କ ମୃତ୍ୟୁ ସଂଖ୍ୟା ୬୦ ପ୍ରତିଶତ ବୃଦ୍ଧି ପାଇଛି | ଏପ୍ରିଲ ୨୦ ତାରିଖ ପରେ ସହରରେ ୬୭ ଜଣଙ୍କ କରୋନା ଯୋଗୁଁ ମୃତ୍ୟୁ ହୋଇଛି | ଏହି ମୁମ୍ବାଇରୁ ଅଧିକ ରହିଛି | 

କେବଳ ଅହମଦାବାଦରେ ୨୧୧୮ ଜଣ କରୋନାରେ ସଂକ୍ରମିତ ହୋଇଛନ୍ତି | ମହାରାଷ୍ଟ୍ରକୁ ବାଦ ଦେଲେ ଏହି ସଂଖ୍ୟା ଅନ୍ୟ ସବୁ ରାଜ୍ୟ ଠାରୁ ଅଧିକ | ରାଜସ୍ତାନ ଓ ମଧ୍ୟପ୍ରଦେଶରେ ମଧ୍ୟ କରୋନା ରୋଗୀଙ୍କ ସଂଖ୍ୟା ଅହମଦାବାଦ ପାଖାପାଖି ରହିଛି | କିନ୍ତୁ ରାଜସ୍ତାନ ଓ ମଧ୍ୟପ୍ରଦେଶରେ ମୃତ୍ୟୁ ସଂଖ୍ୟା ଅହମଦାବାଦରୁ କମ ଅଛି | ରାଜସ୍ତାନରେ ଏବେ ସୁଦ୍ଧା ୪୧ ଜଣଙ୍କ ମୃତ୍ୟୁ ହୋଇଥିବାବେଲେ ମଧ୍ୟପ୍ରଦେଶରେ ୧୦୩ ଜଣଙ୍କ ମୃତ୍ୟୁ ହୋଇଛି |

ଗୁଜରାଟରେ ଗତ ୧୨ ଦିନରେ ୩୩୦୦ରୁ ଅଧିକ କରୋନା ମାମଲା ସାମ୍ନାକୁ ଆସିଛି  | ଏହି ୧୨ ଦିନରେ ଅହମଦାବାଦରେ କରୋନା ସଂକ୍ରମିତଙ୍କ ସଂଖ୍ୟା ୪ ଗୁଣ ବୃଦ୍ଧି ପାଇଛି | ତେବେ ଏହା ସଂକେତ ଦେଉଛି ଯେ, ରାଜ୍ୟ ସରକାର ଓ ସ୍ୱାସ୍ଥ୍ୟ ମନ୍ତ୍ରାଳୟ ଗୁଜରାଟରେ ଯେତିକି କରୋନା ରୋଗୀଙ୍କ ସଂଖ୍ୟା ଆଶଙ୍କା କରିଥିଲେ ସ୍ଥିତି ତାଠାରୁ ବହୁତ ଅଧିକ | କେବଳ ସେତିକି ନୁହେଁ ଗୁଜରାଟରେ କରୋନା ରୋଗୀଙ୍କ ଯାଞ୍ଚ ସଂଖ୍ୟା ମଧ୍ୟ ବହୁତ କମ ରହିଛି | ଗୁଜରାଟରେ ଏବେ ପର୍ଯ୍ୟନ୍ତ ୫୧ ହାଜର ୯୧ ନମୁନା ପରୀକ୍ଷା ହୋଇଛି ଯାହା ମହାରାଷ୍ଟ୍ରର ଅଧାରୁ ମଧ୍ୟ କମ | ମହାରାଷ୍ଟ୍ରରେ ଏବେ ସୁଦ୍ଧା ୧.୧୬ ଲକ୍ଷରୁ ଅଧିକ ନମୁନା ପରୀକ୍ଷା କରାଯାଇଛି | ଗୁଜରାଟ ତୁଳନାରେ ତାମିଲନାଡୁରେ କରୋନା ପଜିଟିଭ ସଂଖ୍ୟା ବହୁତ କମ ଥାଇ ମଧ୍ୟ ଏବେ ସୁଦ୍ଧା ୮୭ ହଜାର ନମୁନା ପରୀକ୍ଷା କରାଯାଇଛି |

   Related Posts