Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ପିଆଜ କିଲୋ ୨୨ : ବିକିବେ ସରକାର

15/01/2020 at 4:14 PM

ନୂଆଦିଲ୍ଲୀ ୧୫/୧: ଦରବୃଦ୍ଧି ସମସ୍ୟା ଏବେ କେନ୍ଦ୍ର ସରକାରଙ୍କ ନିଦ ହଜାଇ ଦେଇଛି। ବିଭିନ୍ନ ପ୍ରକାରର ଖାଦ୍ୟ ସମସ୍ୟା ବିଶେଷ କରି ପିଆଜର ବର୍ଦ୍ଧିତ ଦର ଦେଶର ଖୁଚୁରା ମୁଦ୍ରାସ୍ଫୀତିକୁ ୬ବର୍ଷର ସର୍ବୋଚ୍ଚ ସ୍ତରରେ ପହଞ୍ଚାଇ ଦେଇଛି। ଏଭଳି କ୍ଷେତ୍ରରେ ସରକାର ଲୋକଙ୍କୁ କିଲୋ ପିଛା ୨୨ଟଙ୍କାରେ ପିଆଜ ଯୋଗାଇ ଦେବେ ବୋଲି ମଙ୍ଗଳବାର କହିଛନ୍ତି।

ଖାଉଟି ବ୍ୟାପାର,ଖାଦ୍ୟ ଏବଂ ସାଧାରଣ ବଣ୍ଟନ ମନ୍ତ୍ରୀ ରାମ ବିଳାସ ପାଶଓ୍ବାନ କହିଛନ୍ତି ଯେ,୧୮,୦୦୦ ଟନ୍ ପିଆଜ ବର୍ତ୍ତମାନ ସୁଦ୍ଧା ଆମଦାନୀ ଆମଦାନୀ ହୋଇଛି। ସବୁ ପ୍ରକାରର ଉଦ୍ୟମ ସତ୍ବେ ମାତ୍ର ୨୦୦୦ଟନ୍ ବିକ୍ରି ହୋଇଛି। ବର୍ତ୍ତମାନ କିଲୋ ପିଛା ୨୨ଟଙ୍କାରେ ପିଆଜ ଯୋଗାଇ ଦେବା ପାଇଁ ସରକାର ନିଷ୍ପତ୍ତି ନେଇଥିବା କଥା ସେ କହିଛନ୍ତି। ସୂଚନାଯୋଗ୍ୟ ଗତବର୍ଷ,ଅଧିକାଂଶ ସହରରେ କିଲୋ ପିଛା ପିଆଜ ଦର ୧୦୦ଟଙ୍କା ଟପିଥିଲା।

ଖାଉଟି ବ୍ୟାପାର ମନ୍ତ୍ରାଳୟର ଜଣେ ବରିଷ୍ଠ ଅଧିକାରୀ ଡିସେମ୍ବରରେ କହିଥିଲେ ଯେ, ଆମଦାନୀ କରାଯାଇଥିବା ପିଆଜ ଦେଶରେ ପର୍ଯ୍ୟାୟ କ୍ରମେ ପହଞ୍ଚୁଛି। ୧୧୬୦ ଟନ୍ ପିଆଜ ପହଞ୍ଚିଛି। ୩ରୁ ୪ଦିନ ମଧ୍ୟରେ ଅତିରିକ୍ତ ୧୦,୫୬୦ ଟନ୍ ପିଆଜ ପହଞ୍ଚିବ ବୋଲି ସେ ସେହି ସମୟରେ କହିଥିଲେ। ତୁର୍କୀ,ଇଜିପ୍ଟ ଏବଂ ଆଫଗାନିସ୍ତାନରୁ ଉଭୟ ନାଲି ଓ ହଳଦିଆ ପିଆଜ ଆସିଛି। ମୁମ୍ବାଇ ବନ୍ଦରରେ ଏସବୁ ପହଞ୍ଚିଥିବା ଅଧିକାରୀଜଣକ କହିଥିଲେ। ସୂଚନାଯୋଗ୍ୟ ,ଖାଦ୍ୟ ସାମଗ୍ରୀ ମହଙ୍ଗା ହେବା ଫଳରେ ଉଭୟ ଖୁଚୁରା ଏବଂ ପାଇକାରୀ ମୁଦ୍ରାସ୍ଫୀତିରେ ବଡ଼ ଧରଣର ବୃଦ୍ଧି ଘଟିଛି।

   Related Posts