ନୂଆଦିଲ୍ଲୀ ୦୬/୧୧: ମଣିଷଙ୍କ ପରେ ଏବେ କରୋନାର ଆଲଫା ଭାରିଏଣ୍ଟ ଭୂତାଣୁ ପଶୁମାନଙ୍କ ଶରୀରରେ ଦେଖାଦେଇଛି । ପିସିଆର ଟେଷ୍ଟରୁ ଦୁଇଟି ବିଲେଇ ଏବଂ କୁକୁର କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏମିତି ମାମଲା ବିରଳ ବୋଲି ବିଶେଷଜ୍ଞ ଟିମ୍ ଦାବି କରିଥିବା ବେଳେ ମଣିଷଙ୍କ ପାଖରୁ ପୋଷା ପଶୁମାନଙ୍କ ପାଖକୁ ସଂକ୍ରମଣ ହେଉଛି। ଅନ୍ୟ ମାଧ୍ୟମରେ ଏହି ସଂକ୍ରମଣ ବ୍ୟାପୁନାହିଁ ବୋଲି ସେମାନେ କହିଛନ୍ତି ।
ବ୍ରିଟେନର ରାଲଫ୍ ଭେଟେନାରୀ ରେଫେରାଲ୍ ସେଣ୍ଟର ମୁଖ୍ୟ ଡାକ୍ତର ଲୁକା ଫର୍ସେନ ଅଧ୍ୟୟନ ସମ୍ପର୍କରେ କହିଛନ୍ତି, ଏମିତି ଏକ ଗବେଷଣାରୁ ସ୍ପଷ୍ଟ ହୋଇଛି ଯେ ଘରୋଇ ପ୍ରାଣୀ ଏହି ଭୂତାଣୁ ଦ୍ବାରା ସଂକ୍ରମିତ ହେଉଛନ୍ତି । ଏହି ଗବେଷଣାରୁ ଜଣାପଡ଼ିଛି ଯେ କୁକୁର ଏବଂ ବିଲେଇ କରୋନା ସଂକ୍ରମିତ ହେଉଛନ୍ତି। ପଶୁମାନଙ୍କ ହୃଦୟରେ ବ୍ୟତିକ୍ରମ ଦେଖିବାକୁ ମିଳୁଛି ।
କିନ୍ତୁ ଏହା ପୂର୍ବରୁ ଏମିତି କିଛି ଦେଖିବାକୁ ମିଳୁନଥିଲା। ଅନ୍ୟ ବିଲେଇ ଏବଂ କୁକୁରଙ୍କ ଠାରେ ହୃଦ ରୋଗ ଦେଖାଦେବାର ୬ ସପ୍ତାହ ପରେ ଆଣ୍ଡିବଡି ସୃଷ୍ଟି ହେଉଥିବା ଜଣାପଡ଼ିଛି। କରୋନାର ଆଲଫା ଭାରିଏଣ୍ଟ ଭୂତାଣୁ ଦ୍ବାରା ସଂକ୍ରମିତ ହେବା ପରେ କୁକୁର ଏବଂ ବିଲେଇଙ୍କ ହାର୍ଟରେ ଜ୍ବଳନ ହୋଇଥାଏ ବୋଲି ବିଶେଷଜ୍ଞ କହିଛନ୍ତି ।