ଅସହ୍ୟ ତାତି ଆଉ ଗରମ ପରେ ସମସ୍ତଙ୍କର ଅପେକ୍ଷା ଥାଏ କେତେବେଳ ଆକାଶରୁ ଖସିବ ଶୀତଳତାର ଟୋପା ସବୁ । ବର୍ଷାରେ ପ୍ରକୃତିର ରୂପ ସତରେ ଅବର୍ଣ୍ଣନୀୟ । ଆକାଶରେ ଭସା ମେଘ, ସବୁଜିମାରେ ଭରିଥାଏ ଚାରିପାଖ । ମନଲୋଭା ଦୃଶ୍ୟରେ ସତରେ ଆନମନା ହୋଇଯାଆନ୍ତି କୋରାପୁଟବାସୀ ଏବଂ ପର୍ଯ୍ୟଟକ । ବର୍ଷା ଆସିଛି । ମାଟି ଜୀବନ ପାଇଛି । ଫୁଲ ବି ହସୁଛି । ମନ ଆନନ୍ଦରେ ଗୀତ ଗାଉଛି ଚାଷୀ । କୋରାପୁଟର ସୁଉଚ୍ଚ ପାହାଡ଼ ସବୁଜିମାରେ ଭରିଯାଇଛି । ଆକାଶରେ ଭସା ବାଦଲ । ରିମ୍ ଝିମ୍ ଶଦ୍ଦ କରି ବେଳେ ବେଳେ ଅଜାଡ଼ି ବି ହୋଇଯାଇଛି । ସତରେ ପ୍ରକୃତିର ରୂପ ଇର୍ଷଣୀୟ । ମୌସୁମୀ ଆଗମନରେ କୋରାପୁଟିଆଙ୍କ ଖୁସି କହିଲେ ନସରେ । ସେପଟେ ପ୍ରକୃତିର ମନଲୋଭା ଦୃଶ୍ୟକୁ ଉପଭୋଗ କରିବାକୁ ଲାଗିଛି ପର୍ଯ୍ୟଟକଙ୍କ ଭିଡ଼