Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପାଟକୁରା ନିର୍ବାଚନ ହାରିବାପରେ ବିଜୟ ମହାପାତ୍ର ଏବେ କରିବେ କଣ? ତାଙ୍କ ରାଜନୀତିର ଗତି କୁଆଡେ ଜାଣନ୍ତୁ…

24/07/2019 at 7:09 PM

ଭୁବନେଶ୍ବର୨୪|୭: ପୁଣି ଅଧୁରା ରହିଗଲା ବିଜୟ ମହାପାତ୍ରଙ୍କ ବିଧାନସଭା ଏଣ୍ଟ୍ରି ସ୍ବପ୍ନ । ୨୦୦୦ ମସିହାରୁ ବିଜୟ ମହାପାତ୍ରଙ୍କ ବିଧାନସଭାରେ ଏଣ୍ଟ୍ରି କରିବା ସ୍ବପ୍ନ ଅଧାହିଁ ରହିଯାଇଛି। ପ୍ରଶ୍ନ ଉଠୁଛି ବିଜୟ ଏବେ ରାଜନୀତିର କେଉଁ ପନ୍ଥା ଆପଣାଇବେ।

ବିଜୁଙ୍କ ଆଶୀର୍ବାଦରୁ ଲଗାତର ୪ ଥର ଜିତିଥିଲେ। ଆଉ ନବୀନଙ୍କ କୋପରୁ ଲଗାତର ୪ ଥର ହାରିଲେଣି। ବିଜୟ ମହାପାତ୍ରଙ୍କଠାରୁ ବିଧାନସଭା ରହିଲାଗଲା ୧୭ ହଜାର ୯ଶହ ୨୦ଭୋଟ୍‌।

ଯେଉଁମାନେ ବିଜୟଙ୍କ ପାଇଁ ଲମ୍ଫ ପ୍ରଦାନ କରିଥିଲେ ସେମାନେ ଏବେ ନିରାଶ, ନମ୍ବର ଗେମ୍‌ରେ ୧ ବିଧାୟକ ବୃଦ୍ଧି କରିବାକୁ ଥିବା ବିଜେପି ନିରାଶ ଆଉ ବିଜୟ ବି ରାଜନୀତିର ସନ୍ଦିହାନ ଚାରିଛକକୁ ଚାଲିଆସିଛନ୍ତି।

 ବିଜେଡିର ତମାମ ବଡନେତା, ଡଜନେ ମନ୍ତ୍ରୀ ଏବଂ ୫୦ରୁ ଅଧିକ ବିଧାୟକ ଯେଉଁଭଳି ରଣକ୍ଷେତ୍ର ସଜାଇଥିଲେ ସେଥିରେ ସେଥିରେ ସେମାନେ ସଫଳ ହେଲେ, ପରାଜୟ ବରଣ କଲେ ବିଜୟ ।

ପ୍ରଶ୍ନ ଉଠୁଛି ବିଜୟ କରିବେ କଣ । କଣ ତାଙ୍କ ରାଜନୈତିକ ଭବିଷ୍ୟତ ଉପରେ ପ୍ରଶ୍ନ ଚିହ୍ନ ଲାଗିଯିବ । କଣ ବିଜୟ ମହାପାତ୍ର ରାଜନୀତିରୁ ସନ୍ୟାସ ନେବେ । ନା ଶେଷରକ୍ତବିନ୍ଦୁ ପର୍ଯ୍ୟନ୍ତ ଲଢିବେ ।  ଏଭଳି ଅନେକ ପ୍ରଶ୍ନ ଏବେ ବିଜୟ ପ୍ରେମୀଙ୍କ ମନରେ ଉଙ୍କି ମାରିଲାଣି ।

କଣ ବିଜେପି ତାଙ୍କୁ କେଉଁପଦରେ ଥଇଥାନ କରିବ । ରାଜ୍ୟସଭା ପଠାଇବା ଲାଗି ବିଜେପି ଅଙ୍କ କଷିବ କି?। ତାଙ୍କୁ ପୁଣି ଠିଆ କରାଇବାକୁ ଚେଷ୍ଟା କରିବ?  

ବିଜୟ ମହାପାତ୍ର ଯେଉଁ ମିଜାଜର ନେତା ସେ ବିଜେପିରେ ପୁଣି ରହିବେ ନା ପୁଣି ଅସନ୍ତୋଷ ବ୍ୟକ୍ତ କରି ଦଳରୁ ଅଲଗା ହେବେ ପ୍ରଶ୍ନ ବି ଉଠିବା ସ୍ବାଭାବିକ । ଏଭଳି ହେଲେ ବିଜୟ କରିବେ କଣ ।

   Related Posts