ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ନୋଟିସ, ଘୁଞ୍ଚିଲା +୨ ପରୀକ୍ଷା
  • ||
  • ଆତ୍ମ ସମର୍ପଣ କଲେନି ସିଦ୍ଧୁ, ସ୍ୱାସ୍ଥ୍ୟଗତ ସମସ୍ୟା ଦର୍ଶାଇ ମାଗିଲେ ସମୟ
  • ||
  • ସନ୍ଧ୍ୟାରେ ରୟାଲ୍ସ ବନାମ କିଙ୍ଗସ, ଜିତିଲେ ପ୍ଲେ-ଅଫରେ ଏଣ୍ଟ୍ରି କରିବ ରାଜସ୍ଥାନ
  • ||
  • ଲାଲୁ ପରିବାରକୁ ଗୁଡ୍ ମର୍ଣ୍ଣିଂ କଲା ସିବିଆଇ : ସକାଳୁ ସକାଳୁ ୧୭ ଜାଗାରେ ଚଢଉ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୦ ପଜିଟିଭ୍
  • ||
  • ଶନିବାରଠୁ ବଢିବ ତାତି, ଆସନ୍ତା ସପ୍ତାହରେ ଲଘୁଚାପ
  • ||
  • ୨୭ ମାସ ପରେ ମୁକୁଳିଲେ ଆଜମ ଖାନ, ସ୍ୱାଗତ ପାଇଁ ପହଁଚିଲେ ଶିବପାଲ ଯାଦବ
  • ||
  • ରାଜଧାନୀରେ ବୋମାମାଡ, ସହିଦନଗର ଥାନା ପୋଲିସର ତଦନ୍ତ ଜାରି
  • ||
  • ମଧ୍ୟାହ୍ନରେ ଆତ୍ମସମର୍ପଣ କରିବେ ସିଦ୍ଧୁ, ବର୍ଷେ ପାଇଁ ଯିବେ ଜେଲ୍ !
  • ||
  • ଆଜି ଜେଲରୁ ମୁକୁଳି ପାରନ୍ତି ଆଜମ ଖାନ, ଜେଲରେ ପହଁଚିଲା ଜାମିନ ଆଦେଶ
  • ||

ବ୍ଲୁ ହ୍ବେଲ୍ ପରେ ଏବେ ‘ମୋମୋ’ ଚାଲେଞ୍ଜ ଆତଙ୍କ : ପଶ୍ଚିମବଙ୍ଗରେ ମରିଲେଣି ୨ ଜଣ

24/08/2018 at 3:50 AM

ଦାର୍ଜିଲିଂ ୨୪/୮ : ବ୍ଲୁ ହ୍ବେଲ୍ ଗେମ ପରେ, କିକି ଚାଲେଞ୍ଜ ପରେ ଏବେ ‘ମୋମୋ’ ଚାଲେଞ୍ଜ ବିଭିନ୍ନ ସ୍ଥାନରେ ଆତଙ୍କ ସୃଷ୍ଟି କରିଛି | ଏହି ଚାଲେଞ୍ଜରେ ଅଂଶଗ୍ରହଣ କରି ପଶ୍ଚିମବଙ୍ଗର ଦୁଇଜଣ କିଶୋରଙ୍କ ଆତ୍ମହତ୍ୟା ଓ ଗେମ ଖେଳିବା ପାଇଁ କିଛି ଲୋକଙ୍କ ପାଖକୁ ବରାବର ଆମନ୍ତ୍ରଣ ଆସିବା ଉଦବେଗର ବିଷୟ ହୋଇଛି |
ସୂଚନାଯୋଗ୍ୟ ଯେ, ପଶ୍ଚିମବଙ୍ଗର ଦାର୍ଜିଲିଂ ଜିଲ୍ଲା ଅନ୍ତର୍ଗତ କୁରସିଓଙ୍ଗ ସହରର ମଣିଷ ସାରକି ନାମକ ଜଣେ ୧୮ ବର୍ଷ ବୟସ୍କ ଯୁବକ ବେକରେ ଦୌଡ଼ି ଲଗାଇ ଆତ୍ମହତ୍ୟା କରିଛନ୍ତି | ଆତ୍ମହତ୍ୟା ପୂର୍ବରୁ ସ୍ପ୍ରେ କରି ସେ ଇଂରାଜୀରେ “ଇଲୁମିନେଟ”, “ଡୋପଡ଼”, ହ୍ୟାଗିଂଗ ମ୍ୟାନ” ଓ ଜଣେ ଝିଅର ନାଁ ଲେଖିଥିଲେ | ଏହାକୁ ଆଧାର କରି ‘ମୋମୋ’ ଚାଲେଞ୍ଜ କାରଣରୁ ସେ ଆତ୍ମହତ୍ୟା କରିଥିବା ଅନୁମାନ କରାଯାଉଛି |
ସେହିଭଳି କୁରସିଓଙ୍ଗ ସହରର ଆଉ ଜଣେ ଯୁବତୀ ମଧ୍ୟ ସମାନ ଭାବେ ଗତ ୨୧ ତାରିଖରେ ଆତ୍ମହତ୍ୟା କରିଛନ୍ତି | ଏହା ପଛରେ ମଧ୍ୟ ‘ମୋମୋ’ ଚାଲେଞ୍ଜ ଥିବା ପୋଲିସ ଆଶଙ୍କା କରୁଛି |
ଅପରପକ୍ଷରେ ଜଲପାଈଗୁଡ଼ିର ବବିତା ରାୟ ନାମ୍ନୀ ଜଣେ ଯୁବତୀ ନିଜ ମାଙ୍କ ସହ ଝଗଡା କାରଣରୁ ନିଜ ଷ୍ଟେଟସ ଆଉ ବଂଚିବାକୁ ଚାହୁଁନାହିଁ ବୋଲି ଲେଖିଥିଲେ | ଏହା ପରେ ପରେ ସେ ‘ମୋମୋ’ ଚାଲେଞ୍ଜ ଖେଳିବା ପାଇଁ ଆମନ୍ତ୍ରଣ ପାଇଥିଲେ | ଏହି ଆମନ୍ତ୍ରଣଟି +୧(୨୫୧)୯୯୯୫୪୫୧ ନମ୍ବରରୁ ଆସିଥିଲା | କବିତା ଭୟଭୀତ ହୋଇ ତୁରନ୍ତ ନମ୍ବରଟିକୁ ବ୍ଲକ କରିଦେଇଥିଲେ ଏବଂ ନିଜ ଭାଇଙ୍କୁ କହି ପୋଲିସକୁ ସୂଚନା ଦେଇଥିଲେ |
ଗତବର୍ଷ ଦେଶରେ ପ୍ରାୟ ୧୫୦ ଜୀବନ ନେଇଥିବା ବ୍ଲୁ ହ୍ବେଲ୍ ଗେମ ଭଳି ଏହି ‘ମୋମୋ’ ଚାଲେଞ୍ଜ | ସାଧାରଣତଃ ହ୍ୱାଟ୍ସ ଆପ ମାଧ୍ୟମରେ ଏହି ଚାଲେଞ୍ଜ ପାଇଁ ଆମନ୍ତ୍ରଣ ଆସୁଥିଲେ ମଧ୍ୟ ଫେସବୁକ ଏବଂ ୟୁଟ୍ୟୁବରେ ମଧ୍ୟ ଏହାର ଆକାଉଣ୍ଟ ରହିଛି |
ଜାପାନ, କେକ୍ସିକୋ ଓ କଲମ୍ବିଆରୁ ସାଧାରଣତଃ ଗେମ ଖେଳିବା ପାଇଁ ଆମନ୍ତ୍ରଣ ଆସୁଥିବା ଜଣାପଡିଛି | ଖେଳର ନିୟମ ଅନୁସାରେ ଜଣଙ୍କୁ କିଛି ଗେମ ଖେଳିବାକୁ କୁହାଯାଇଥାଏ | ଏଥିରେ ବିଫଳ ହେଲେ ଖେଳାଳିଙ୍କ ପାଖକୁ ବିଭିନ୍ନ ଭୟାନକ ଓ ବିଭତ୍ସ ଛବି, ଭିଡିଓ ଏବଂ ଅଡିଓ ଆସିଥାଏ | ପରେ ପରେ ଖେଳ କରୁଥିବା ଆଡମିନଷ୍ଟ୍ରେଟର ଖେଳାଳିଙ୍କ ବ୍ୟକ୍ତିଗତ ଡାଟା ହାୟକ କରି ବ୍ଲାକ ମେଲିଙ୍ଗ କରିବା ଆରମ୍ଭ କରିଥାଏ |
‘ମୋମୋ’ କାଉଣ୍ଟରରେ ଜାପାନର ସ୍ଥପତି ଚିତ୍ରକର ମିଦୋରି ହାୟସିଂଙ୍କ ଦ୍ୱାରା ତିଆରି ହୋଇଥିବା ସ୍ଥାପତ୍ୟ ‘ମଦର ଗାର୍ଡ’କୁ ବ୍ୟବହାର କରାଯାଇଛି | ତେବେ ଏହି ଖେଳ ସହ ଏହାର ବା ହାୟସିଂଙ୍କ କୌଣସି ସମ୍ପର୍କ ରହିଛି କି ନାହିଁ ତାହା ଏଯାଏଁ ଜଣ ପଡ଼ିନାହିଁ |

   Related Posts