Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||

ଦୀର୍ଘ ୯ ମାସ ପରେ ଲାଗିଲା କାଳିଆ ଡୋରି, ଜଗାକୁ ଦର୍ଶନ କରି ଭାବ ବିହ୍ଵଳ ହେଲେ ଭକ୍ତ

26/12/2020 at 6:31 PM

ପୁରୀ ୨୬।୧୨: ଦୀର୍ଘ ୯ମାସ ପରେ ଆଜି ଶ୍ରୀ ମନ୍ଦିରରେ କାଳିଆ ସାଆନ୍ତଙ୍କ ଦର୍ଶନ କରି ଆତ୍ମସନ୍ତୋଷ ଲାଭ କରିଛନ୍ତି ପୁରୀ ବାସିନ୍ଦା । ଆଜି ପୁରୀ ସହରର ୭ଟି ଓ୍ବାର୍ଡ଼ବାସୀଙ୍କୁ ମହାପ୍ରଭୁଙ୍କ ଦର୍ଶନ ସୁଯୋଗ ମିଳିଥିବା ବେଳେ ସକାଳ ସାଢ଼େ ୭ଟାରୁ ଧାଡ଼ି ଲଗାଇଥିଲେ ଶ୍ରଦ୍ଧାଳୁ । ସେମାନଙ୍କୁ ମିଳିଥିବା ଟୋକନ୍ ସହ ପରିଚୟ ପତ୍ର ଦେଖାଇ ସିଂହଦ୍ବାର ପଟେ ପ୍ରବେଶ କରିବା ସହ ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନ ପରେ ଉତ୍ତର ଦ୍ବାରରେ ପ୍ରସ୍ଥାନ କରୁଥିଲେ । ଶୃଙ୍ଖଳିତ ଦର୍ଶନ ବ୍ୟବସ୍ଥା ପାଇଁ ପ୍ରଶାସନର ପଦକ୍ଷେପକୁ ସ୍ବାଗତ କରିଥିଲେ ଲୋକେ।

ତୋ ଦର୍ଶନ, ତୋ ଚନ୍ଦନ, ତୋ ଛଡ଼ା କୁସୁମ, ତୋ କୈବଲ୍ୟ, ତୋ ନିର୍ମାଲ୍ୟ, ଅମୃତ ସମାନ । ଦୀର୍ଘ ୯ମାସର ଲମ୍ବା ଅପେକ୍ଷା ପରେ କାଳିଆ ସାଆନ୍ତଙ୍କ ଟିକିଏ ଝଲକ ପାଇଁ ଆତୁର ଭକ୍ତମନ । ଆଉ ଯେତେବେଳେ ପୁଣି କାଳିଆ ସହିତ ଆଖି ମିଳାଇବାର ସୁଯୋଗ ମିଳିଛି ସେତେବେଳେ ଭାବବିହ୍ବଳ ହୋଇପଡ଼ିଛି ଭକ୍ତ । କାହିଁ କେତେ ଦିନରୁ କାଳିଆକୁ ଭେଟି ସବୁ ଅଳି ଅର୍ଦଳି କରିବାକୁ ମନ କରିଥିବା ଭକ୍ତର ଇଚ୍ଛା ଆଜି ପୂରଣ ହୋଇଛି। ଶ୍ରୀମନ୍ଦିର ଯାଇ ଶ୍ରୀଜଗନ୍ନାଥଙ୍କୁ ଦର୍ଶନ ମାତ୍ରକେ ଯେମିତି ଆନନ୍ଦ ଉଲ୍ଲାସରେ ଭରିଯାଇଛି ଭକ୍ତ ମନ ।

ଆଜି ଶ୍ରୀମନ୍ଦିର ଯାଇ ଶ୍ରୀଜଗନ୍ନାଥଙ୍କୁ ଦର୍ଶନ କରିବାର ସୁଯୋଗ ପାଇଛନ୍ତି ପୁରୀ ସହରବାସୀ । ପ୍ରଥମ ଦିନରେ ୭ଟି ଓ୍ବାର୍ଡ଼ ବାସୀଙ୍କୁ ମିଳିଛି ପ୍ରଶାସନର ଅନୁମତି । ନିୟମ ଅନୁସାରେ ଆଜି ସକାଳୁ ସକାଳୁ ଧାଡ଼ିରେ ଯାଇ ପାଇଥିବା ଟୋକନ୍ ସହ ନିଜର ପରିଚୟ ପତ୍ର ଦେଖାଇ ଶ୍ରୀମନ୍ଦିରରେ ପ୍ରବେଶ କରିଥିଲେ ଶ୍ରଦ୍ଧାଳୁ । ସିଂହଦ୍ବାର ବାଟେ ପ୍ରବେଶ କରି ୨୨ ପାହାଚ ଚଢ଼ି କାଳିଆ ଦର୍ଶନ ପରେ ଉତ୍ତର ଦ୍ବାରପଟେ ହୋଇଥିଲା ପ୍ରସ୍ଥାନ ବ୍ୟବସ୍ଥା । ଶୃଙ୍ଖଳିତ ଦର୍ଶନ ବ୍ୟବସ୍ଥା ପାଇଁ ପ୍ରଶାସନର ପଦକ୍ଷେପକୁ ସ୍ବାଗତ କରିଥିଲେ ଲୋକେ । ସୁରକ୍ଷା ଦୃଷ୍ଟିରୁ ୧୮ ପ୍ଲାଟୁନ ଫୋର୍ସ ସମେତ ପୋଲିସ ଅଧିକାରୀଙ୍କୁ  ନିୟୋଜିତ କରାଯାଇଛି।

ଆଜି ଠାରୁ ପୁରୀ ସହର ବାସୀଙ୍କ ପାଇଁ ଆରମ୍ଭ ହୋଇଥିବା ଦର୍ଶନ ବ୍ୟବସ୍ଥା ଆସନ୍ତା ୩୧ ତାରିଖ ପର୍ଯ୍ୟନ୍ତ ଚାଲିବ । ନୂଆବର୍ଷରେ ଅର୍ଥାତ୍‌ ଜାନୁଆରୀ  ୧ ଓ ୨ ତାରିଖରେ ଭିଡ଼କୁ ନଜରରେ ରଖି  ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ବନ୍ଦ କରାଯାଇଥିବା ବେଳେ ଜାନୁଆରୀ ୩ ତାରିଖରୁ ସର୍ବସାଧାରଣ ଦର୍ଶନ ପାଇଁ ମିଳିବ ସୁଯୋଗ ।  ଯେଉଁଥିରେ ପୁରୀ ବାହାର ଲୋକମାନେ ଶ୍ରୀମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିପାରିବେ । ତେବେ ଦର୍ଶନ ପାଇଁ ଆସୁଥିବା ଶ୍ରଦ୍ଧାଳୁଙ୍କୁ କୋଭିଡ୍‌  ନେଗେଟିଭ୍‌ ରିପୋର୍ଟ ଦେଖାଇବାକୁ ପଡ଼ିବ । ଏଥି ସହ ୬୫ ବର୍ଷରୁ ଅଧିକ ଏବଂ ୧୦ବର୍ଷରୁ କମ୍‌ ବୟସର ପିଲାମାନଙ୍କୁ ସାଥୀରେ ନଆଣିବାକୁ ପରାମର୍ଶ ଦେଇଛି ପୁରୀ ପ୍ରଶାସନ ।

   Related Posts