Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||
  • ଖଲ୍ଲିକୋଟ : ପାଖେଇ ଆସୁଛି ‘ଜଓ୍ବାଦ’, ଡଙ୍ଗା ଓ ଜାଲ ନଷ୍ଟ ହେବା ଆଶଙ୍କାରେ ମତ୍ସ୍ୟଜୀବୀ
  • ||

ଦୀର୍ଘ ୮ ମାସ ପରେ ମାଆ କୋଳକୁ ଫେରିଲା ପିଲା, ଆଖିରୁ ଠପ୍‌ ଠପ୍‌ ହୋଇ ଝରି ପଡିଲା ଲୁହ: କହିଲେ, ‘ମୋ ଛୁଆ ବିନା ମୋତେ ବହୁତ କଷ୍ଟ ହେଉଥିଲା’

28/09/2020 at 5:53 PM

ଜୟପୁର୨୮/୯: ଅପହରଣର ଦୀର୍ଘ ୮ ମାସ ପରେ ମାଆ କୋଳକୁ ଫେରିଲା ୧୮ ମାସର ଶିଶୁ କନ୍ୟା। ନିଜ ପିଲାକୁ ପାଇବା ପରେ ମାଆ ଆଖିରୁ ଲୁହ ଠପ୍‌ ଠପ୍ ହୋଇ ବୋହି ପଡିଥିଲା। ମହିଳା ଜଣଙ୍କ କହିଥିଲେ, ମୋ ଛୁଆ ବିନା ମୋତେ ଯେତିକି କଷ୍ଟ ହେଉଥିଲା, ସେଇଟା ମୁଁ ଜାଣିଛି। ନିଜ ପିଲାକୁ ଦେଖିବା ପାଇଁ ଚାତକ ପରି ଚାହିଁ ବସିଥିବା ମାଆ ମୁହଁରେ ଟିକେ ହସ ଦେଖିବାକୁ ମିଳିଛି। ଜୟପୁର ଟାଉନ ପୋଲିସର ସଠିକ ରଣନୀତି ଯୋଗୁଁ  ଆଜି ଗୋଟେ ମାଆ ନିଜ ପିଲାକୁ ଫେରି ପାଇଛି ।ଅପହରଣରକାରୀ ସ୍ବାମୀ- ସ୍ତ୍ରୀଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ବେଳେ ଉଦ୍ଧାର ଶିଶୁ କନ୍ୟାକୁ ତା ମାଆଙ୍କୁ ହସ୍ତାନ୍ତର କରିଛି ପୋଲିସ।

ଅପହରଣକାରୀ ସ୍ବାମୀ-ସ୍ତ୍ରୀ

ଗତ ବର୍ଷ ଡିସେମ୍ବର ମାସ ୨୮ ତାରିଖରେ ଜୟପୁର ବସଷ୍ଟାଣ୍ଡ ନିକଟରୁ କାଲିମେଳାର ଜଣେ ଦମ୍ପତି କୌଶଳ କ୍ରମେ ପ୍ରଥମେ ମାଆ ଝିଅଙ୍କୁ ଅଲଗା କରିବା ପରେ କୁନି ଝିଅଟିକୁ ଅପହରଣ କରି ନେଇଥିଲା। ଝିଅକୁ ହରାଇବା ପରେ ମାଆ ପାଗଳି ପରି ହେଉଥିଲେ। ଏ ନେଇ ପରିବାର ପକ୍ଷରୁ ଜୟପୁର ଥାନାରେ ଏତଲା ଦିଆଯାଇଥିଲା। ଜୟପୁର ପୋଲିସ୍ ଚାରିଆାଡ଼େ ଜାଲ ବିଛାଇ ଦେଇଥିଲା। ଶେଷରେ ଗତକାଲି ଆନ୍ଧ୍ରପ୍ରଦେଶର ଚିନ୍ତୁରରୁ ଶିଶୁଟିକୁ ଉଦ୍ଧାର କରିବା ସହ ଅପହରଣକାରୀ ସ୍ବାମୀ ବଦ୍ରୁ ନାୟକ ଓ  ସ୍ତ୍ରୀ ଶିବାନୀ ନାୟକଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି।

ସ୍ବାମୀଙ୍କ ଠାରୁ ନିର୍ଯାତନା ପାଇବା ପରେ ଦୁଃଖି ନିଜ ବର୍ଷକର ଶିଶୁ କନ୍ୟା ସହ ଘର ଛାଡି ବ୍ରହ୍ମପୁର ରେଳ ଷ୍ଟେସନରେ ଭିକ୍ଷାବୃତ୍ତି କରି ଚଳୁଥିଲା। ଏହି ସମୟରେ ମାଲକାନଗିରି ଜିଲ୍ଲା କାଲିମେଳାର ଏହି ଦମ୍ପତି ସେମାନଙ୍କୁ ସେଠାରେ ଭେଟ ହୋଇଥିଲା। ଦୁଃଖିଙ୍କ ଦୁଃଖ କାହାଣୀ ଶୁଣିବା ପରେ କାମ ଧନ୍ଦା ଯୋଗାଇ ଦେବା ବାହାନା କରି ପ୍ରଥମେ ମାଆ ଝିଅଙ୍କୁ କାଲିମେଳା ନେଇ ଯାଇଥିଲେ। ସେଠାରେ ଜୟପୁର ଯିବା କହି ମାଆ ଝିଅକୁ ଜୟପୁର ନେଇ ଆସିଥିଲେ। ଆଉ ଜୟପୁରରେ ମାଆ ଦୁଃଖିର ଖାଦ୍ୟରେ କିଛି ନିଶାଦ୍ରବ୍ୟ ଦେଇ ଝିଅକୁ ଅପହରଣ କରି ନେଇଯାଇଥିଲେ। ଜୟପୁର ପୋଲିସ୍ ମୋବାଇଲ ଟ୍ରାକିଂ କରି ଅଭିଯୁକ୍ତ ସ୍ବାମୀ-ସ୍ତ୍ରୀଙ୍କୁ ପୋଲିସ୍ ଗିରଫ କରିବା ସହ ଶିଶୁଟିକୁ ଉଦ୍ଧାର କରିଥିଲା।

   Related Posts