Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଦୀର୍ଘ ୨ ମାସ ପରେ ରାଜ୍ୟରେ ଗଡିଲା ବସ: ବିଭିନ୍ନ ସ୍ଥାନରୁ ସାମ୍ନାକୁ ଆସିଲା ଅବହେଳାର ଦୃଶ୍ୟ

28/05/2020 at 6:21 PM

ଭୁବନେଶ୍ବର୨୮/୫: ୨ମାସ ପରେ ଆଜିଠାରୁ ରାଜ୍ୟରେ ଘରୋଇ ବସ୍‌ ସେବା ଆରମ୍ଭ ହୋଇଥିଲେ ମଧ୍ୟ ସ୍ଥିତି ସ୍ବାଭାବିକ ହୋଇପାରିନାହିଁ । ଅନେକ ଜାଗାରେ ବସ୍‌ ଚାଲୁନଥିବାରୁ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି ଯାତ୍ରୀ । ହେଲେ ପରିବହନ ମନ୍ତ୍ରୀଙ୍କ କହିବା କଥା ଧୀରେ ଧୀରେ ସ୍ଥିତିରେ ସୁଧାର ଆସିବ ଆଉ ଜୁନ୍‌ ୧ ସୁଦ୍ଧା ପରିସ୍ଥିତି ସ୍ବାଭାବିକ ହେବ ।

୨ ମାସ ପରେ ଆଜିଠୁ ରାଜ୍ୟରେ ଆରମ୍ଭ ହେଲା ଘରୋଇ ବସ ସେବା । ହେଲେ ପ୍ରଥମ ଦିନରେ ସାମ୍ନାକୁ ଆସିଲା ଅବ୍ୟବସ୍ଥାର ମାଳ ମାଳ ଚିତ୍ର । କୋଉଠି କାଁ ଭାଁ ବସ ଚାଲିଲା ତ ଆଉ କେଉଁଠି ଗଡ଼ିଲାନି ଗୋଟେ ବି ଗାଡ଼ି। ଗତକାଲି ପରିବହନ ମନ୍ତ୍ରୀଙ୍କ ଘୋଷଣା ପରେ ଯେଉଁ ଯାତ୍ରୀମାନେ ଆଜି ବସସେବା ଉପରେ ନିର୍ଭର କରିଥିଲେ ଅନେକ ଯାଗାରେ ସେମାନଙ୍କୁ ନିରାଶ ହେବାକୁ ପଡ଼ିଲା । ଜଣେ ଯାତ୍ରୀ ଭୁବନେଶ୍ବର ଏୟାରପୋର୍ଟରୁ ଆସି ବ୍ରହ୍ମପୁର ଯିବାକୁ ବରମୁଣ୍ଡା ବସ୍‌ଷ୍ଟାଣ୍ଡରେ ପହଞ୍ଚିଲା ବେଳକୁ ଜାଣିଲେ ବସ୍‌ ନାହିଁ । କେବଳ ଏଇ ଜଣେ ନୁହଁନ୍ତି ୟାଙ୍କ ଭଳି ଅନେକ ଯାତ୍ରୀଙ୍କୁ ଆଜି ନିରାଶ ହେବାକୁ ପଡ଼ିଛି ।

କେବଳ ଭୁବନେଶ୍ବର କାହିଁକି ରାଜ୍ୟର ଅନ୍ୟ ସ୍ଥାନରେ ମଧ୍ୟ ସମାନ ସମସ୍ୟା ନଜରକୁ ଆସିଥିଲା । ବାଲେଶ୍ବର, ଯେଉଁଠି ଦିନକୁ ଦେଢ଼ଶହରୁ ଅଧିକ ବସ ଚଳାଚଳ କରେ ସେଠି ଆଜି ଗୋଟିଏ ବି ବସ୍‌ ଗଡ଼ିଲାନି। ଫଳରେ ଯାତ୍ରୀମାନଙ୍କୁ ଦୀର୍ଘ ସମୟ ଅପେକ୍ଷା କରିବା ପରେ ନିରାଶ ହେବାକୁ ପଡ଼ିଛି । କେଉଁଠି ବସ୍‌ ଥିଲା ହେଲେ ଯାତ୍ରୀ ନଥିଲେ ତ ଆଉ କେଉଁଠି ଯାତ୍ରୀ ଥିଲେ କିନ୍ତୁ ଚାଲିନଥିଲା ଗାଡ଼ି । ଏମିତିରେ ପରିବହନ ମନ୍ତ୍ରୀଙ୍କ କହିବା କଥା ଧୀରେ ଧୀରେ ସ୍ଥିତିରେ ସୁଧାର ଆସିବ ଆଉ ଜୁନ୍‌ ୧ ସୁଦ୍ଧା ପରିସ୍ଥିତି ସ୍ବାଭାବିକ ହେବ ।

ବସ୍‌ରେ ଯାତ୍ରା କରିବା ସମୟରେ ଯାତ୍ରୀମାନେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ସେପଟେ ଯାତ୍ରୀଙ୍କ ତାପମାତ୍ରା ମାପିବାକୁ ସରକାର ଥର୍ମାଲ୍‌ ସ୍କାନର ଯୋଗାଇଦେବାକୁ ଦାବି କରିଛି ବସ୍‌ ମାଲିକ ସଂଘ । ତେବେ ବସ୍‌ ଭଡ଼ା ଯାହା ଥିଲା ତାହା ଅପରିବର୍ତ୍ତିତ ରହିଛି ବୋଲି ପୁଣି ଥରେ ସ୍ପଷ୍ଟ କରିଛନ୍ତି ପରିବହନ ମନ୍ତ୍ରୀ ।

   Related Posts