ଅନୁଗୋଳ ୧୧।୦୯: ଖାଦ୍ୟ ଅନ୍ଵେଷଣରେ ଆସି ହାତୀ କୂଅରେ ଖସି ପଡିଥିଲା। ଗଜରାଜଙ୍କୁ ଉଦ୍ଧାର ପାଇଁ ଜେସିବି ଜରିଆରେ ବନ ବିଭାଗ ଅଭିଯାନ ଚଳାଇଥିଲା । କିଛି ଘଣ୍ଟାର ପରିଶ୍ରମ ପରେ ହାତୀଟିକୁ ଉଦ୍ଧାର କରାଯାଇଛି । ଏହି ଘଟଣା ଅନୁଗୁଳ ବାଲିଜେରେଙ୍ଗ ଗାଁର।
{"id":421381,"sizeSlug":"large","linkDestination":"none"}ଅନୁଗୁଳର ବାଲିଜେରେଙ୍ଗ ଗାଁରେ ଗତକାଲି ବିଳମ୍ବିତ ରାତିରେ ଖାଦ୍ୟ ଅନ୍ଵେଷଣରେ ଆସିଥିବା ଗୋଟିଏ ହାତୀ କୂଅରେ ପଡ଼ିଯାଇଥିଲା । ଜୀବନ ବଞ୍ଚାଇବାକୁ ଆପ୍ରାଣ ଉଦ୍ୟମ କରିଥିଲେ ମଧ୍ୟ ବାହାରିବା ଏକ ପ୍ରକାର ମୁସ୍କିଲ୍ ହୋଇ ଯାଇଥିଲା। ସକାଳେ ହାତୀ ଗର୍ଜନ ଶୁଣି ଗାଁ ଲୋକେ ଉଦ୍ଧାର ପାଇଁ ଚେଷ୍ଟା କରିଥିଲେ। ହେଲେ ପାରିନଥିଲେ ।
{"id":421382,"sizeSlug":"large","linkDestination":"none"}ଏହା ପରେ ଗାଁ ଲୋକେ ବନ ବିଭାଗ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ବନ ବିଭାଗ ଜେସିବି ଆଣି କୁଅ ମୁହଁକୁ ଅଳ୍ପମାତ୍ରାରେ ଖୋଳି ରାସ୍ତା ନିର୍ମାଣ କରିଥିଲେ। ଏଥିସହ କୂଅରେ ଦମକଳ ବାହିନୀ ପାଣି ଭର୍ତ୍ତି କରିଥିଲେ। ଚାରି ଘଣ୍ଟାର ପରିଶ୍ରମ ପରେ ହାତୀଟି ଉଦ୍ଧାର ହୋଇଥିଲା।
{"id":421383,"sizeSlug":"large","linkDestination":"none"}ଅନୁଗୁଳ ପୁରୁଣାଗଡ଼ ସେକ୍ସନର ବାଲିଜେରେଙ୍ଗ ଅଞ୍ଚଳରେ ବେଶ କିଛି ଦିନ ହେଲା ହାତୀମାନେ ଖାଦ୍ୟ ଅନ୍ବେଷଣରେ ଜନବସତି ଆଡ଼କୁ ମାଡ଼ି ଆସୁଛନ୍ତି । ଆଉ ଏଭଳି ଭାବେ ବିଭିନ୍ନ ଖାଲ କିମ୍ବା କୂଅରେ ପଡିଯାଉଛନ୍ତି । କେବଳ ଜଙ୍ଗଲୀ ହାତୀ ନୁହନ୍ତି ବାରାହ, ଭାଲୁ ଭଳି ଜଙ୍ଗଲୀ ଜନ୍ତୁ ବି ଖାଦ୍ୟ ଅନ୍ବେଷଣରେ ଆସି ଏମିତି ହଲ୍ଲାପଟା ହେଉଛନ୍ତି । ଜଙ୍ଗଲୀ ଜନ୍ତୁ ଜନବସତି ଆଡକୁ ମାଡି ଆସୁଥିବାରୁ ଲୋକଙ୍କୁ ବନ ବିଭାଗ ସଚେତନ କରାଉଛି।