Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଫଲାଇନ୍‌ରେ ହେବ ମାଟ୍ରିକ୍ ଏବଂ ଯୁକ୍ତ ୨ ପରୀକ୍ଷା : ଗଣଶିକ୍ଷା ମନ୍ତ୍ରୀ
  • ||
  • ହରିୟାଣା : ଚଳନ୍ତା କାର ଉପରେ ଓଲଟି ପଡିଲା କଣ୍ଟେନର, ୩ ମୃତ
  • ||
  • ଅଷ୍ଟ୍ରେଲିଆକୁ ଆଉ ଏକ ଝଟକା, ଷ୍ଟାର୍କ ଆହତ, ପ୍ରଥମ ଟି୨୦ରୁ ପଡିବେ ବାଦ୍ !
  • ||
  • ବରଗଡ : ଟ୍ରକ୍‌ ସହ ଧକ୍କା ହେଲା ବରଯାତ୍ରୀ ବୋଲେରୋ, ୩ ମୃତ, ୪ ଗୁରୁତର
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜଧାନୀରୁ ପୁଣି ବ୍ରାଉନସୁଗାର ଜବତ, ୪ ଗିରଫ
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୩୪ କରୋନା ସଂକ୍ରମିତ, ୩୨୦୦୧୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||

ଏମିତି ସ୍ତ୍ରୀ ଜଗତେ ନାହିଁ ! ସ୍ବାମୀଙ୍କ ମୃତ୍ୟୁର ୪ ଦିନ ପର୍ଯ୍ୟନ୍ତ ଅନ୍ତିମ ସଂସ୍କାର କଲେ ନାହିଁ, କହିଲେ ‘ଆଗ ଘର ମୋ ନାଁରେ କର’

19/11/2020 at 10:03 AM

ସିଦ୍ଧାର୍ଥନଗର ୧୯।୧୧: ସ୍ବାମୀଙ୍କ ଶବ ସଂସ୍କାର କରୁନାହାନ୍ତି ସ୍ତ୍ରୀ । ୪ ଦିନ ଧରି ପଡିରହିଛି ଶବ । ସ୍ବାମୀଙ୍କ ଘର ନିଜ ନାଁରେ କରାଇବାକୁ ଜିଦ୍ ଧରି ବସିଛନ୍ତି ସ୍ତ୍ରୀ । ଶେଷରେ ପ୍ରଶାସନର ହସ୍ତକ୍ଷେପ ପରେ ହୋଇଛି ଶବ ସଂସ୍କାର ।

ସୂଚନା ଅନୁସାରେ ଉତ୍ତରପ୍ରଦେଶ ସିଦ୍ଧାର୍ଥନଗର ଜିଲ୍ଲାର ଉସକା ବଜାର ଅଞ୍ଚଳରେ ରହୁଥିଲେ ଗଜେନ୍ଦ୍ର ପ୍ରସାଦ । ଗଜେନ୍ଦ୍ରଙ୍କ ମୃତ୍ୟୁ ପରେ ତାଙ୍କ ସ୍ତ୍ରୀ ଅଞ୍ଜୁ ୪ଦିନ ପର୍ଯ୍ୟନ୍ତ ସ୍ବାମୀଙ୍କ ଶବ ସଂସ୍କାର ନକରିବାକୁ ଜିଦ୍ ଧରିଥିଲେ । ତାଙ୍କ ଜିଦ୍ ଥିଲା ପ୍ରଶାସନ ପ୍ରଥମେ ତାଙ୍କ ସ୍ବାମୀ ଘରକୁ ତାଙ୍କ ନାଁରେ କରନ୍ତୁ, ତାପରେ ସେ ଶବ ସଂସ୍କାର କରିବେ । ଗଜେନ୍ଦ୍ରଙ୍କ ପରିବାର ଲୋକ ସେହି ଘରେ କବଜା କରି ରହିଥିବା ସେ ଅଭିଯୋଗ କରିଥିଲେ ।

ରବିବାର ଦିନ ଗଜେନ୍ଦ୍ର ପ୍ରସାଦଙ୍କ ମୃତ୍ୟୁ ହୋଇଥିଲା । ମୃତ୍ୟୁ ପରେ ଗଜେନ୍ଦ୍ରଙ୍କ ସ୍ତ୍ରୀ କହିଥିଲେ ଯେ, ପୁଅ ଗୁଜୁରାଟରୁ ନଫେରିବା ଯାଏଁ ତାଙ୍କ ଅନ୍ତିମ ସଂସ୍କାର କରାଯିବନି । ମଙ୍ଗଳବାର ରାତିରେ ପୁଅ ଫେରିଆସିବା ପରେ ମଧ୍ୟ ଅନ୍ତିମ ସଂସ୍କାର ହୋଇନଥିବା ପୋଲିସ ଖବର ପାଇଥିଲା । ଫଳରେ ତାଙ୍କ ଘରେ ପୋଲିସ ପହଞ୍ଚିଥିଲା । ପଚରାଉଚରା ବେଳେ ଗଜେନ୍ଦ୍ରଙ୍କ ସ୍ତ୍ରୀ ଅଞ୍ଜୁ ଏବଂ ଝିଅ କହିଥିଲେ ଯେ, ଯେପର୍ଯ୍ୟନ୍ତ ଗଜେନ୍ଦ୍ରଙ୍କ ଘର ତାଙ୍କ ନାଁରେ ହୋଇନାହିଁ ସେପର୍ଯ୍ୟନ୍ତ ସେ ତାଙ୍କ ଅନ୍ତିମ ସଂସ୍କାର କରିବେନାହିଁ ।

ଉଲ୍ଲେଖଯୋଗ୍ୟ ଯେ, ଗଜେନ୍ଦ୍ର ୨୦୧୬ ମସିହାରେ ଅନ୍ୟ ଜଣଙ୍କୁ ଘର ବିକ୍ରି କରିଦେଇଥିଲେ । ମାତ୍ର ତାଙ୍କ ସ୍ତ୍ରୀ ଗଜେନ୍ଦ୍ରଙ୍କ ମାନସିକ ସ୍ଥିତି ଠିକ୍ ନଥିବା ଦର୍ଶାଇ କୋର୍ଟରେ ଆବେଦନ କରିଥିଲେ । ଏପର୍ଯ୍ୟନ୍ତ ମାମଲା କୋର୍ଟରେ ବିଚାରାଧିନ ରହିଛି । ମାତ୍ର ଗଜେନ୍ଦ୍ରଙ୍କ ଘର ତାଙ୍କ ପରିବାରଲୋକଙ୍କ କବଜାରେ ରହିଥିଲା । ଏବେ ଗଜେନ୍ଦ୍ରଙ୍କ ମୃତ୍ୟୁ ପରେ ପ୍ରଶାସନ ତାଙ୍କ ନାଁରେ ଘର କରିଦେବାକୁ କହି ଅଡି ବସିଥିଲେ ଅଞ୍ଜୁ । ପୋଲିସ ଏବଂ ପ୍ରଶାସନର ବୁଝାସୁଝା ପରେ ଗଜେନ୍ଦ୍ରଙ୍କ ସାନ ଭାଇ ଅନ୍ତିମ ସଂସ୍କାର କରିଛନ୍ତି । ଘଟଣାରେ ସିଓ ଏବଂ ଏସଡିଏମ କହିଛନ୍ତି ଯେ, ମାମଲା କୋର୍ଟରେ ବିଚାରାଧିନ ରହିଛି । କୋର୍ଟ ଯାହା ନିଷ୍ପତ୍ତି ନେବେ ତାହା କାର୍ଯ୍ୟକାରୀ କରାଯିବ ।

   Related Posts