Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଦଳା : ଖାକି ଉପରେ ଖାକିର ଜୁଲମ୍, ବିଚ୍ ରାସ୍ତାରେ ଏସଆଇଙ୍କୁ ଆକ୍ରମଣ କଲେ ଜେଲ୍ ଓ୍ୱାର୍ଡର
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୪୩୨ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୩୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଗାଜା ଉପରେ ଇସ୍ରାଏଲର ପୁଣି ରକେଟ୍ ଆକ୍ରମଣ, ଭାଙ୍ଗିଲା ଅସ୍ତ୍ରବିରତି ରାଜିନାମା
  • ||
  • ମର୍ମନ୍ତୁଦ ଦୁର୍ଘଟଣା : ଟ୍ରଲରକୁ ପଛପଟୁ ପିଟିଲା ପିକ୍‌ଅପ୍‌ ଭ୍ୟାନ୍‌, ୨ ମୃତ
  • ||

ସାଵରିମାଳା ମନ୍ଦିରରେ ୨ଜଣ ମହିଳା ପ୍ରବେଶ ନେଇ ତେଜିଲା ଆନ୍ଦୋଳନ : ୭୫୦ ବିକ୍ଷୋଭକାରୀ ଗିରଫ

4/01/2019 at 8:32 AM

ଅଶାନ୍ତ କେରଳ। ତେଜିଲା ସବରିମାଳା ବିବାଦ। ପରମ୍ପରା ଭଙ୍ଗକରି ମନ୍ଦିରର ମହିଳାଙ୍କ ପ୍ରବେଶ ପ୍ରତିବାଦରେ ରାଜ୍ୟ ପଡୁଛି ଉଠୁଛି। ରାଜ୍ୟବ୍ୟାପୀ ବ୍ୟାପକ ହିଂସାବେଳେ ଆଉ ଜଣେ ଶ୍ରୀଲଙ୍କାର ମହିଳା ଶଶିକଳା ଓ ତାଙ୍କ ସ୍ବାମୀ  ୧୮ଟି ପାହାଡ ଡେଇଁ ମନ୍ଦିରର ପ୍ରବେଶ କରିଛନ୍ତି। ଗତକାଲି ମନ୍ଦିର ବନ୍ଦ ହେବାର ଠିକ୍ ପୂର୍ବରୁ ରାତି ୧୦.୫୫ରେ ସେ ଆୟପ୍ପାଙ୍କୁ ଦର୍ଶନ କରିଥିବା କୁହାଯାଇଛି। ବୁଧବାର ଦୁଇ ଜଣ ମହିଳା ବିନ୍ଦୁ ଓ କନକଦୁର୍ଗା ମନ୍ଦିରରେ ପ୍ରବେଶ କରିଥିଲେ।ତେବେ ସେମାନେ ଅତି ପବିତ୍ର ଗଣାଯାଉଥିବା ୧୮ଟି ପାହାଚ ଡେଇଁ ମନ୍ଦିରରେ ପ୍ରବେଶ କରିନଥିଲେ। ସାଧା ପୋଷାକର ପୋଲିସର କଡା ସୁରକ୍ଷା ଭିତରେ ଶଶିକଳା ଆୟାପ୍ପାଙ୍କ ଦର୍ଶନ କରିଥିଲେ।

ସବରିମାଳାରେ ମହିଳାଙ୍କ ପ୍ରବେଶ ପ୍ରତିବାଦରେ ଏଯାଏ ପୋଲିସ ୭୫୦ ବିକ୍ଷୋଭକାରୀଙ୍କୁ ଗିରଫ କରିଛି। ବ୍ୟାପକ ହିଂସା ଘଟଣାରେ ଜଣେ ବିକ୍ଷୋଭକାରୀଙ୍କ ମୃତ୍ୟ ହୋଇଛି। ୨୧ଜଣ ପୋଲିସଙ୍କ ସମେତ ୧୦୦ରୁ ଉର୍ଦ୍ଧ୍ବ ଆହତ ହୋଇଛନ୍ତି। ରାଜ୍ୟରେ ଆଇନଶୃଙ୍ଖଳା ପରିସ୍ଥିତି ନେଇ ମୁଖ୍ୟମନ୍ତ୍ରୀ ପିନାରାୟି ବିଜୟନଙ୍କୁ ରିପୋର୍ଟ ମାଗିଛନ୍ତି କେରଳ ରାଜ୍ୟପାଳ ପି ସଥଶିବମ। ସବରିମାଳାରେ ମନ୍ଦିରରେ ମହିଳାଙ୍କ ପ୍ରବେଶ ନେଇ ଥିବା କଟକଣାକୁ ହଟାଇ ଐତିହାସିକ ରାୟ ଦେଇଥିଲେ ସୁପ୍ରିମକୋର୍ଟ। ସୁପ୍ରିମକୋର୍ଟଙ୍କ ରାୟକୁ କାର୍ଯ୍ୟକାରୀ କରିବାପାଇଁ ତାଙ୍କ ସରକାର ପ୍ରତିଶ୍ରୁତିବଦ୍ଧ ବୋଲି କହିଛନ୍ତି ମୁଖ୍ୟମନ୍ତ୍ରୀ ପିନାରାୟି ବିଜୟନ। ଏଥିପାଇଁ କୌଣସି ପ୍ରକାର ହିଂସାକୁ ବରଦାସ୍ତ କରାଯିବନି ବୋଲି କହିଛନ୍ତି କେରଳ ମୁଖ୍ୟମନ୍ତ୍ରୀ।

   Related Posts