Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

୧୪୯ ବର୍ଷ ପରେ ବିରଳ ଆଂଶିକ ଚନ୍ଦ୍ରଗ୍ରହଣ : ପ୍ରାୟ ୩ ଘଣ୍ଟା ଧରି ଦୃଶ୍ୟମାନ ହେଲା ଏହି ମହାଜାଗତିକ ଦୃଶ୍ୟ

17/07/2019 at 9:51 AM

ଭୁବନେଶ୍ବର ୧୭|୭: ଆକାଶରେ ଛାଇ ଆଲୁଅର ଖେଳ । ଗୁରୁପୂର୍ଣ୍ଣିମାରେ ଆଂଶିକ କେତୁଗ୍ରସ୍ତ ଚନ୍ଦ୍ର ଗ୍ରହଣ ଦୃଶ୍ୟମାନ ହୋଇଛି ।  ସୂର୍ଯ୍ୟ ଏବଂ ଚନ୍ଦ୍ର ମଝିରେ ପୃଥିବୀ ଅବସ୍ଥାନ କରିବାରୁ ମଙ୍ଗଳବାର ରାତିରେ ଦୁର୍ଲଭ ଚନ୍ଦ୍ରଗ୍ରହଣ ଦେଖିବାକୁ ମିଳିଥିଲା । ୧୪୯ ବର୍ଷ ପୂର୍ବେ ୧୨ ଜୁଲାଇ ୧୮୭୦ର ଗୁରୁପୂର୍ଣ୍ଣିମାରେ ହୋଇଥିଲା ।

ଏହି ଚନ୍ଦ୍ରଗ୍ରହଣ ଏସିଆ, ଅଷ୍ଟ୍ରେଲିଆ, ଆଫ୍ରିକା, ଦକ୍ଷିଣ ଆମେରିକା ସହ ୟୁରୋପର ଅନେକ ଅଂଶରେ ଦୃଶ୍ୟମାନ ହୋଇଛି । ଏସିଆ ମହାଦେଶରେ ଭାରତ, ପାକିସ୍ତାନ, ଆଫଗାନିସ୍ତାନ, ଚୀନ, ସିଙ୍ଗାପୁର, ଫିଲିପାଇନସ୍, ମାଲେସିଆ, ଇଣ୍ଡୋନେସିଆ ସହ  ଇରାନ, ଇରାକ, ତୁର୍କୀ ଏବଂ ସାଉଦି ଆରବରେ ଏହି ଆଂଶିକ ଚନ୍ଦ୍ରଗ୍ରହଣ ଦୃଶ୍ୟମାନ ହୋଇଛି ।

ଚନ୍ଦ୍ରଗ୍ରହଣ ରାତି ଗୋଟାଏ ୩୧ ମିନିଟ୍ ରୁ ଆରମ୍ଭ ହୋଇ ୪ ଟା ୨୯ ମିନିଟ୍ ରେ​ ସର୍ବମୋକ୍ଷ ହୋଇଥିଲା । ଏହା ସଂପୂର୍ଣ୍ଣ ଚନ୍ଦ୍ରଗ୍ରହଣ ହୋଇନଥିବାରୁ ଚନ୍ଦ୍ରର ପ୍ରାୟ ୬୫ ପ୍ରତିଶତ ଅଂଶ ଛାଇ ଦେଖିବାକୁ ମିଳିଥିଲା । ଏହା ଖାଲି ଆଖିରେ ଦେଖାଯାଉଥିବା ବେଳେ ପ୍ରାୟ ୩ ଘଣ୍ଟା ପର୍ଯ୍ୟନ୍ତ ଦୃଶ୍ୟମାନ ହୋଇଥିଲା । ଦେଶର ବିଭିନ୍ନ ସ୍ଥାନରେ ଲୋକେ ରାତି ଉଜାଗର ରହି ଆକାଶରେ ଏହି ବିରଳ ସଂଯୋଗକୁ ଉପଭୋଗ କରିଥିଲେ ।

ତେବେ ସର୍ବମୋକ୍ଷ ପରେ ସ୍ନାନ କରି ସାରି ପୂଜାପାଠ ସହ ଦେବନୀତି,ଖାଦ୍ୟ ଗ୍ରହଣର ବିଧେୟ ରହିଛି । ଗ୍ରହଣର ସାତ ଦିନ ପର୍ଯ୍ୟନ୍ତ ଗ୍ରହଣ ସପ୍ତାହ ଲାଗୁଥିବାରୁ ଶୁଭ କାର୍ଯ୍ୟ ଓ ନୂତନ କାର୍ଯ୍ୟ ନ କରିବା ପାଇଁ ବିଶ୍ୱାସ ରହିଛି ।

   Related Posts