ନ୍ୟୁୟର୍କ ୦୬/୧୧: ଯେତେବେଳେ ତାଲିବାନ ଆଫଗାନିସ୍ତାନ ଦଖଲ କରିଥିଲା, ବହୁ ସଂଖ୍ୟକ ଲୋକ ଦେଶ ଛାଡିବାକୁ ଚାହିଁଥିଲେ । ପରିସ୍ଥିତି ଏମିତି ହୋଇଥିଲା ଯେ, ଲୋକେ ଦେଶଛାଡିବାକୁ ବାଧ୍ୟ ହୋଇଥିଲା । ଲୋକାରଣ୍ୟ ହୋଇଯାଇଥିଲା କାବୁଲ ବିମାନବନ୍ଦର । ବହୁ ସଂଖ୍ୟାରେ ଲୋକେ ଏକାଠି ହୋଇଥିଲେ । ସେ ଆଶା କରିଥିଲେ ଯେ କିଛି ଦେଶ ତାଙ୍କୁ ଜୀବନ ବଞ୍ଚାଇବା ସହ ଶରଣ ଦେବେ ।
ସେଥିମଧ୍ୟରୁ ଜଣେ ହେଉଛି ମିର୍ଜା ଅଲି ଅହମ୍ମଦ । ସେ ଏବଂ ତାଙ୍କ ପତ୍ନୀ ସୁରୟା ମଧ୍ୟ ପାଞ୍ଚ ପିଲାଙ୍କ ସହ କାବୁଲ ବିମାନବନ୍ଦରରେ ପହଞ୍ଚିଥିଲେ । ସେଠାରେ ସେ ତାଙ୍କର ଦୁଇ ମାସର ଶିଶୁକୁ ଆମେରିକୀୟ ସୈନିକଙ୍କୁ ଦେଇଥିଲେ। ହେଲେ ଘଟମାକୁ ଦୀର୍ଘଦିନ ବିତିଯାଇଥିଲେ ସୁଦ୍ଧା ବର୍ତ୍ତମାନ ତାଙ୍କ ବିଷୟରେ କୌଣସି ପତ୍ତା ନାହିଁ । ସେ କହିଛନ୍ତି ଯେ ଅଗଷ୍ଟ ୧୯ରେ ସେ ପତ୍ନୀ ଏବଂ ୫ପିଲାଙ୍କ ସହ କାବୁଲ ବିମାନବନ୍ଦର ବାହାରେ ଥିଲେ । ସେଠାରେ ବହୁତ ଭିଡ଼ ଜମିଥିଲା । ସେ ଅନୁଭବ କଲେ ଯେ ତାଙ୍କର ଦୁଇ ମାସର ପୁଅ ସୋହେଲଙ୍କୁ କୌଣସି ଆଘାତ ନ ହେଉ ।
ଏହି ସମୟରେ ବିମାନବନ୍ଦର ଭିତରେ ୫ ମିଟର ଉଚ୍ଚ କାନ୍ଥ ଉପରେ ଠିଆ ହୋଇଥିବା ଜଣେ ଆମେରିକୀୟ ସୈନିକ ସାହାଯ୍ୟ ଆବଶ୍ୟକ କି ବୋଲି ପଚାରିଥିଲେ । ତେଣୁ ମିର୍ଜା ସୋହେଲଙ୍କୁ ତାଙ୍କୁ ଦେଇଥିଲେ । ସେ ଆଶା କରିଥିଲେ ଯେ କିଛି ସମୟ ପରେ ସେ ଭିତରକୁ ଯାଇ ସୋହେଲଙ୍କୁ ଫେରାଇ ଆଣିବେ । ହେଲେ ସବୁକିଛି ଶେଷ ହୋଇଯାଇଥିଲା । କିନ୍ତୁ ଯେତେବେଳେ ସେମାନେ ଭିତରକୁ ଗଲେ, ସୋହେଲଙ୍କୁ ଆଉ ଦେଖିବାକୁ ମିଳିଲା ନାହିଁ ।
ମିର୍ଜା ଅଲି ଆମେରିକାର ଦୂତାବାସରେ ୧୦ ବର୍ଷ ଧରି ସୁରକ୍ଷା କର୍ମୀ ଭାବରେ କାର୍ଯ୍ୟ କରିଥିଲେ । ସେ ପ୍ରତ୍ୟେକ ଅଧିକାରୀଙ୍କୁ ତାଙ୍କ ପିଲା ବିଷୟରେ ପଚାରିବା ଆରମ୍ଭ କଲେ । ସେ କହିଛନ୍ତି ଯେ ଜଣେ ସାମରିକ କମାଣ୍ଡର ତାଙ୍କୁ କହିଥିଲେ ଯେ ବିମାନବନ୍ଦରଟି ଏକ ଶିଶୁ ପାଇଁ ଅତ୍ୟନ୍ତ ବିପଦଜନକ ଏବଂ ତାଙ୍କୁ ପିଲାମାନଙ୍କ ପାଇଁ ଏକ ସ୍ୱତନ୍ତ୍ର ଅଞ୍ଚଳକୁ ସ୍ଥାନାନ୍ତର କରାଯାଇଥାନ୍ତା ।
କିନ୍ତୁ ସେମାନେ ସେଠାରେ ପହଞ୍ଚିବା ପରେ ଏହା ଖାଲିଥିଲା । ଗଣମାଧ୍ୟମର ରିପୋର୍ଟ ଅନୁଯାୟୀ, ମିର୍ଜା ଅଲି କହିଛନ୍ତି, 'ଆମେରିକୀୟ କମାଣ୍ଡର ବିମାନ ବନ୍ଦର ବୁଲି ମୋ ସହ ଖୋଜିବାକୁ ଯାଇଥିଲେ । ସେ କହିଥିଲେ ଯେ ସେ ଇଂରାଜୀ କହି ନ ଥିବାରୁ ସେ କମାଣ୍ଡରଙ୍କ ନାମ କେବେବି ଜାଣି ନଥିଲେ । ଯୋଗାଯୋଗ ପାଇଁ ସହକର୍ମୀଙ୍କ ସାହାଯ୍ୟ ନେଇଥିଲେ । ଏଥିରେ ୩ ଦିନ ବିତିଗଲା ।
ମିର୍ଜା ଅଲି ପତ୍ନୀ ସୁରୟା ଏବଂ ସେମାନଙ୍କର ପିଲାଙ୍କ ସହିତ ପ୍ରଥମେ କଭାରକୁ ଏକ ବିମାନରେ ଗଲେ ଏବଂ ପରେ ଜର୍ମାନୀ ଗଲେ । ଶେଷରେ ସେ ଆମେରିକାରେ ପହଞ୍ଚିଥିଲେ । ପରିବାର ବର୍ତ୍ତମାନ ଟେକ୍ସାସର ଫୋର୍ଟ ବ୍ଲିସରେ ଅନ୍ୟ ଆଫଗାନିସ୍ତାନ ଶରଣାର୍ଥୀଙ୍କ ସହ ଆମେରିକାର କୌଣସି ସ୍ଥାନରେ ବସବାସ କରିବାକୁ ଅପେକ୍ଷା କରିଛନ୍ତି । ତାଙ୍କର ଏଠାରେ କୌଣସି ସମ୍ପର୍କୀୟ ନାହାଁନ୍ତି । ହେଲେ ଏଯାଏଁ ସୋହେଲ ସମ୍ପର୍କରେ କୌଣସି ସୂଚନା ମିଳିପାରିନି ।
