ନୂଆଦିଲ୍ଲୀ, ୦୯।୦୯ : ଆଫଗାନିସ୍ତାନରେ ତାଲିବାନ ସରକାର ଗଠନ ହୋଇସାରିଛି । ସଙ୍ଗଠନର ପ୍ରତିଷ୍ଠାତା ମୁଲ୍ଲା ଉମରଙ୍କ ପୁତ୍ର ମୁଲ୍ଲା ୟାକୁବ ଦେଶର ନୂଆ ପ୍ରତିରକ୍ଷା ମନ୍ତ୍ରୀ ହୋଇଛନ୍ତି । ମୁଲ୍ଲା ୟାକୁବ ହେଉଛି ସେହି ଆତଙ୍କବାଦୀ ଯିଏ କାନ୍ଦାହାର ବିମାନ ହାଇଜାକ୍ ମାମଲର ମାଷ୍ଟର ମାଇଣ୍ଡ ଅଟେ ।
ସୂଚନାନୁସାରେ, ୧୯୯ ଡିସେମ୍ବର ୨୪ରେ ଆତଙ୍କବାଦୀମାନେ ଇଣ୍ଡିଆନ ଏୟାରଲାଇନ୍ସର ବିମାନ ଆଇସି-୮୧୪ରକୁ ହାଇଜାକ୍ କରିଦେଇଥିଲେ । ଆତଙ୍କବାଦୀ ମାସୁହ ଅଜହର ସମେତ ମୁସ୍ତାକ ଅହମ୍ମଦ ଉରଗର, ଅହମ୍ମଦ ଉମର ସୟିଦର ମୁକ୍ତି ପାଇଁ ବିମାନକୁ ଅପହରଣ କରାଯାଇଥିଲା । ଆତଙ୍କବାଦୀମାନେ ଏହାକୁ କାଠମାଣ୍ଡୁରୁ କାନ୍ଦାହାର ନେଇ ଯାଇଥିଲେ । ବିମାନରେ ୧୭୬ ଭାରତୀୟ ଯାତ୍ରୀ ଥିଲେ । ବିମାନକୁ ସେମାନେ ୭ ଦିନ ଧରି ବନ୍ଧକ କରି ରଖିଥିଲେ ।
ସବୁଠାରୁ ବଡ କଥା ହେଉଛି ଯେ, ବିମାନକୁ ତାଲିବାନ ଆତଙ୍କବାଦୀମାନେ ଚାରିଆଡୁ ଘେରି ରହିଥିଲେ । ଭାରତ ବିମାନକୁ ମୁକୁଳାଇବାକୁ ସାମରିକ କାର୍ଯ୍ୟାନୁଷ୍ଠାନ ନେବାକୁ ଚାହୁଥିଲା ବେଳେ ତାଲିବାନ ଓ ମୁଲ୍ଲା ଉମର ଅନୁମତି ଦେଇନଥିଲା । ଏବେ ଏହି ମୁଲ୍ଲାର ପୁତ୍ର ମହମ୍ମଦ ୟାକୁବ ଆଫଗାନିସ୍ତାନର ପ୍ରତିରକ୍ଷା ମନ୍ତ୍ରୀ ହୋଇଛି ।
ୟାକୁବ ସିରାଜୁଦ୍ଦୀନ ହକ୍କାନୀକୁ ଆଫଗାନିସ୍ତାନ ଗୃହମନ୍ତ୍ରୀ କରାଯାଇଛି । ସେ ଏକ ଦୁର୍ଦ୍ଦାନ୍ତ ଆତଙ୍କବାଦୀ ଅଟେ । ତାଲିବାନର ନୂଆ ମନ୍ତ୍ରୀ ମଣ୍ଡଳକୁ ନେଇ ବିଶ୍ୱର ଚିନ୍ତା ବଢିଯାଇଛି ।