Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଡ ଘରେ ‘ଭିନେ’ କଳି : ହିନ୍ଦୁଜା ୪ ଭାଇଙ୍କ ସମ୍ପର୍କରେ ଆତ୍ମୀୟ ବାଧକ, ମାମଲା କୋର୍ଟରେ
  • ||
  • କାନପୁର ଟେଷ୍ଟ : କିଓ୍ୱି ବୋଲରଙ୍କ ଦମଦାର ବୋଲିଂ, ପ୍ରଥମ ଇନିଂସରେ ଭାରତ ୩୪୫ରେ ଅଲଆଉଟ୍
  • ||
  • ପଦାର୍ପଣ ଟେଷ୍ଟରେ ଶ୍ରେୟସ ଆୟରଙ୍କ ଦମଦାର ଶତକ, ନିରାଶ କଲେ ରିଦ୍ଧିମାନ ଶାହ ଓ ଅକ୍ଷର ପଟେଲ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୧୯ କରୋନା ସଂକ୍ରମିତ, ୧୦୪୮୨୨୮ରେ ପହଞ୍ଚିଲା ସଂଖ୍ୟା
  • ||
  • ଜନ୍ମହେଲା ୨ ମୁଣ୍ଡିଆ ଶିଶୁ, ହସ୍ପିଟାଲରେ ଛାଡି ଫେରାର ହୋଇଗଲେ ବାପା-ମାଆ
  • ||
  • ମାତିଲେ ଝାଡଖଣ୍ଡୀ ହାତୀପଲ, ନଷ୍ଟକଲେ ଧାନ ଫସଲ
  • ||
  • ଟ୍ରକ୍ ସହ ଧକ୍କା ହେଲା କିଙ୍ଗଫିସର ବସ୍, ଏକାଧିକ ଯାତ୍ରୀ ଆହତ
  • ||
  • ଗଜପତିରେ ଅପରେସନ ଗ୍ରୀନ୍ କ୍ଲିନ୍, ୧୪ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଅପରେସନ ନୀଳ ଜହର : ୧୫ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ପଦାର୍ପଣ ଟେଷ୍ଟରେ ଶ୍ରେୟସଙ୍କ ଦମଦାର ବ୍ୟାଟିଂ, ଭାଙ୍ଗିଲେ ଗାଭାସ୍କରଙ୍କ ରେକର୍ଡ
  • ||

କଂଗ୍ରେସ ନେତା ପ୍ରଦୀପ ମାଝୀଙ୍କ ବିରୋଧରେ ମାମଲା ରୁଜୁ : କଂଗ୍ରେସକୁ ଘେରିଲା ବିଜେପି

27/12/2019 at 5:09 PM

ଭୁବନେଶ୍ବର ୨୭/୧୨: ନିଆଁ ଲଗାଇବାକୁ ମନ୍ତବ୍ୟ ପାଇଁ କଂଗ୍ରେସ ନେତା ପ୍ରଦୀପ ମାଝୀଙ୍କ ବିରୋଧରେ ମାମଲା ରୁଜୁ ହୋଇଛି । ପୋଲିସ ନିଜ ଆଡ଼ୁ ଏତଲା ଦେଇ ବିଭିନ୍ନ ଦଫାରେ ମାମଲା ରୁଜୁ କରିଛି । ପୋଲିସର ଏଭଲି ଆକ୍ସନର ଜବାବ ବି ରଖିଛନ୍ତି ପ୍ରଦୀପ । ସେପଟେ ପୂରା ଘଟଣାରେ ଦୁଃଖ ପ୍ରକାଶ କରି ପ୍ରଦୀପଙ୍କୁ ଜବାବ ତଲବ କରିଛନ୍ତି ପିସିସି ସଭାପତି ।

ନିଆଁ ଲଗାଇବା ନିର୍ଦ୍ଦେଶ ଏବେ ପ୍ରଦୀପ ମାଝିଙ୍କ ପାଇଁ ଅଡ଼ୁଆ ହୋଇଛି । ନବରଂଗପୁର ଟାଉନ ଥାନା ପୋଲିସ ପ୍ରଦୀପଙ୍କ ବିରୋଧରେ ମାମଲା ରୁଜୁ କରିଛି। ହିଂସାକୁ ଉସୁକାଉଥିବା ଅଭିଯୋଗରେ ତାଙ୍କ ବିରୋଧରେ ଲାଗିଛି ଦଫା। ପୂର୍ବତନ ସାଂସଦ ପ୍ରଦୀପ ମାଝୀଙ୍କ ସମେତ ୧୫ ଜଣଙ୍କ ନାଁରେ ବିଭିନ୍ନ ଦଫାରେ ମାମଲା ରୁଜୁ ହୋଇଛି । ପୋଲିସର ଏହି ଆକ୍ସନ ପରେ ପ୍ରଦୀପ ବି ପ୍ରତିକ୍ରିୟା ରଖିଛନ୍ତି । ପ୍ରଦୀପ ପାଲଟା ପ୍ରଶ୍ନ କରିଛନ୍ତି, ପୋଲିସ ତାଙ୍କ ନାଁରେ ତ ମାମଲା ରୁଜୁ କରିପାରିବ ହେଲେ ପୀଡ଼ିତାଙ୍କୁ ନ୍ୟାୟ ଦେଇପାରିବ କି? 

ସେପଟେ ମଉକା ଦେଖି କଂଗ୍ରେସକୁ ଘେରିଛି ବିଜେପି । ବିଜେପି କହିଛି ଏହା ହେଉଛି କଂଗ୍ରେସର ଚରିତ୍ର ।  କଂଗ୍ରେସ ସବୁବେଳେ ହିଂସାକୁ ଉସକାଇଥାଏ । ସାରା ଦେଶରେ କଂଗ୍ରେସ ଏବେ ଏୟା ହିଁ କରୁଛି ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆକ୍ଷେପ କରିଛନ୍ତି। ବିଜେଡି ବି ଏହି ପ୍ରସଙ୍ଗରେ ପ୍ରତିକ୍ରିୟା ରଖି କହିଛି ପ୍ରଦୀପଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ହେବା ଉଚିତ । ପୂରା ଘଟଣା ଲାଗି ଦୁଃଖ ପ୍ରକାଶ କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । କାହିଁକି ଦଳର କାର୍ଯ୍ୟକାରୀ ସଭାପତି ଏଭଳି ହିଂସାତ୍ମକ ମନ୍ତବ୍ୟ ଦେଲେ, ସେଥିଲାଗି ଜବାବ ତଲବ ହୋଇଥିବା କହିଛନ୍ତି ।

ଯଦିଓ ପ୍ରଦୀପ ନିଜ ବକ୍ତବ୍ୟକୁ ନେଇ ଏବେବି ଅଡ଼ି ରହିଛନ୍ତି। ତେବେ ଦେଶରେ ଦେଖାଦେଇଥିବା ଆଣ୍ଟି ସିଏଏ ହିଂସାତ୍ମକ ଆନ୍ଦୋଳନ ସହିତ ଏବେ ଏହାକୁ ଯୋଡୁଛି ବିଜେପି।  ଯାହାକୁ ନେଇ କଂଗ୍ରେସ ଚାପକୁ ଆସିଯାଇଛି। 

   Related Posts