ori homes
raja reels contest
raja reels contest
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୯ କୋଭିଡ୍ ପଜିଟିଭ୍
  • ||

ତାଲିମ ଭିତ୍ତିକ ନିଯୁକ୍ତି ନାଁରେ ଶତାଧିକ ମହିଳାଙ୍କୁ ଠକେଇ ଅଭିଯୋଗ: ବିଧାୟକଙ୍କ ହସ୍ତକ୍ଷେପ ପରେ ପୋଲିସ ମାମଲା ରୁଜ୍ଜୁ କଲା

9/11/2018 at 5:07 PM

ଜୟପୁର ୯|୧୧: ତାଲିମ ଭିତ୍ତିକ ନିଯୁକ୍ତି ନାଁରେ ଶତାଧିକ ମହିଳାଙ୍କୁ ଠକେଇ ଅଭିଯୋଗ । ଏଭଳି ସଂଗୀନ ଅଭିଯୋଗ ଆସିଛି ଜୟପୁରରେ ଜଣେ ଆଇନଜୀବୀଙ୍କ ବିରୋଧରେ । ୭ଲକ୍ଷରୁ ଅଧିକ ଟଙ୍କା ଠକେଇ କରିଥିବା ନେଇ ସଂପୃକ୍ତ ଆଇନଜୀବୀ ଓ ତାଙ୍କର ଜଣେ ମହିଳା ସହଯୋଗୀଙ୍କ ବିରୋଧରେ ଜୟପୁର ଟାଉନ ଥାନାରେ ରୁଜୁ ହୋଇଛି ମାମଲା । …..

ପ୍ରଥ​‌ମେ ଟ୍ରେନିଂ । ତା’ପରେ ନିଯୁକ୍ତି । ଆଉ ମାସିକ ୬ହଜାର ଟଙ୍କା ଦରମାର ପ୍ରତିଶ୍ରୁତି । ଜଣେ କି ଦୁଇ ଜଣ ନୁହେଁ ପ୍ରାୟ ଦେଢ଼ଶହ ମହିଳାଙ୍କୁ ଏମିତି ଲୋଭ ଦେଖାଇ ସେମାନଙ୍କ ଠାରୁ ଲକ୍ଷାଧିକ ଟଙ୍କା ଠକି ନେଇଛନ୍ତି ଜୟପୁରର ଜଣେ ଆଇନଜୀବୀ କେ.ଏମ୍‌. ଖଲିଦ ଓ ତାଙ୍କର ଜଣେ ମହିଳା ସହଯୋଗୀ ବନିତା ବେହେରା । ଉଭୟଙ୍କ ବିରୋଧରେ ଜୟପୁର ଟାଉନଥାନାରେ ମାମଲା ରୁଜୁ ହୋଇଛି । ଅଭିଯୋଗ ଅନୁସାରେ, ଖଲିଦ ଓ ବନିତା ଆଦିବାସୀ ହରିଜନ ମହିଳା ଉନ୍ନୟନ କେନ୍ଦ୍ର ନାଁରେ ଏକ ଏନଜିଓ ଗଠନ କରିଥିଲେ । ଜୟପୁର, ନବରଂଗପୁର ଓ ବାମୁଣୀ ଗାଁର ମହିଳାଙ୍କୁ ଏଠାରେ ତାଲିମ ଭିତ୍ତିକ ନିଯୁକ୍ତି ଦେବାର ପ୍ରତିଶ୍ରୁତି ଦେଇ ଜଣକ ପିଚ୍ଛା ୧୫୫୦ ରୁ ୧୭୫୦ ଟଂକା ପର୍ଯ୍ୟନ୍ତ ଆଦାୟ କରିଥିଲେହେଲେ ସେମାନଙ୍କୁ ନା’ ମିଳିଲା ନିଯୁକ୍ତି ନା’ ମିଳିଲା ଦରମା

ଠକାମୀର ଶିକାର ମହିଳାମାନେ ପ୍ରାୟତଃ ସଂଖ୍ୟାଲଘୁ ସମ୍ପ୍ରଦାୟର ବୋଲି ଜଣାପଡ଼ିଛି । ଏ ନେଇ ସେମାନେ ଗଲା ୩ଦିନ ହେଲା  ଅଭିଯୋଗ ପାଇଁ ବିଭିନ୍ନ ଥାନାର ଚକ୍କର କାଟିଥିବା ବେଳେ ପୋଲିସ ଏମାନଙ୍କୁ ସହଯୋଗ କରିନଥିବା ଅଭିଯୋଗ ହୋଇଛି । ଶେଷରେ  ଜୟପୁର ବିଧାୟକଙ୍କ ହସ୍ତକ୍ଷେପ ପରେ ଟାଉନ ଥାନାରେ ମାମଲା ରୁଜୁ ହେବା ସହ ପୋଲିସ ୨ ଅଭିଯୁକ୍ତଙ୍କୁ ଡାକି ପଚରାଉଚୁରା କରିଛି।

   Related Posts