Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

‘ନଟିଆ’ କାର୍ଟୁନ ଦେଖି ପିଲା ଏବେ ବିଗିଡିବାରେ ଲାଗିଛନ୍ତି , ବଢୁଛି ଅଭିଭାବକଙ୍କ ଚିନ୍ତା

15/11/2019 at 6:18 PM

ଭୁବନେଶ୍ବର(ରୁଦ୍ରନାରାୟଣ ଦାସ)୧୫|୧୧: ଏବେ ଛୋଟ ଛୋଟ ପିଲାମାନଙ୍କ ଭିତରେ ନଟିଆକୁ ନେଇ ଭାରି ଚର୍ଚ୍ଚା । ଘରେ, ସ୍କୁଲରେ ସାଙ୍ଗସାଥୀଙ୍କ ମେଳରେ ପିଲାମାନେ କେବଳ ନଟିଆ ଭଳି କଥା କହିବା,  ନଟିଆ ପରି ନଖରାମି କରିବାରେ ମାତିବାର ଦେଖିବାକୁ ମିଳୁଛି । ୟୁଟ୍ୟୁବ୍‌ରେ  ନଟଖଟ ନଟିଆର ଆକ୍ଟିଭିଟି ଦେଖି ଦେଖି ପିଲାମାନେ ମଧ୍ୟ ସେଇଭଳି ଆଚରଣ ଦେଖାଇବାକୁ ଲାଗିଲେଣି । ନଟିଆ କମେଡ଼ିକୁ ନେଇ ଏହାର ପ୍ରଯୋଜକ, ମିମିକ୍ରି ଆର୍ଟିଷ୍ଟ ବେଶ୍‌ ପ୍ରଶଂସା ସାଉଣ୍ଟୁଥିବା ବେଳେ ନଟିଆ ପ୍ରଭାବରେ ଏପଟେ ପିଲାମାନେ ଯେ ବିଗିଡ଼ି ଗଲେଣି ସେକଥା ଉପରେ କାହାର ନଜର ନାହିଁ । …..

ଏ ନଟିଆ ଏବେ ବାୟା କଲାଣି । ନଟିଆ ମାୟାରେ ପୂରା ବିଗିଡ଼ିଗଲେଣି ପିଲାନଟିଆ ଆଉ ତା’ ସାଙ୍ଗମାନେ ଯେଉଁଭଳି ଭାବେ ନଖରାମି  କରୁଛନ୍ତି, ସେସବୁକୁ ଏବେ କପି କଲେଣି ଛୋଟ ଛୋଟ ପିଲାଯାହା ଅଭିଭାବକଙ୍କ ମୁଣ୍ଡ ବିନ୍ଧାର କାରଣ ହେଲାଣି

ଆମେ କହୁଛୁ ଆଜିକାଲି ୟୁଟ୍ୟୁବ୍‌ରେ ପ୍ରସାରିତ ନଟିଆ କମେଡି କାର୍ଟୁନ୍‌ କଥା । ଏହି କାର୍ଟୁନ୍‌ ଶୋ’ର ପ୍ରଯୋଜକ ହୁଅନ୍ତୁ କି ମିମିକ୍ରି ଆର୍ଟିଷ୍ଟ ସମସ୍ତେ ଏବେ ନଟିଆର ପପୁଲାରିଟି ପାଇଁ ଖୁବ୍‌ ପ୍ରଶଂସା ସାଉଣ୍ଟିଛନ୍ତି । ହେଲେ ନଟିଆ ପ୍ରଭାବରେ ଏପଟେ ଘରେ ଘରେ ପିଲାମାନେ ଯେ ବିଗିଡ଼ି ଗଲେଣି ସେକଥା ଉପରେ କାହାର ନଜର ନାହିଁ ।

ପିଲାମାନଙ୍କୁ ଯାହା ପଚାରିଲେ ସେମାନେ ନଟିଆ ଭଳି ଖନେଇ କହିବାକୁ ଚେଷ୍ଟା କରୁଛନ୍ତି । ନଟିଆର ଦୀପାବଳି ଏପିସୋଡ୍‌ରେ ନଟିଆର ସାଙ୍ଗମାନେ ଘର ଭିତରକୁ ବାଣ ଫିଙ୍ଗିବାର ଦେଖି ପିଲାମାନେ ମଧ୍ୟ ଘର ଭିତରକୁ ବାଣ ପିଙ୍ଗିବା ଭଳି ଅଭିଯୋଗ ହୋଇଛି ।

କିଏ ଘରେ ଭିତରକୁ ବାଣ ଫିଙ୍ଗୁଛି ତ ଆଉ କିଏ ମଶାରି କଣା କଲାଣିନଟିଆର ନଖରାମି ପିଲାମାନଙ୍କ ଉପରେ ଏମିତି ପ୍ରଭାବ ପକାଇଛି ଯେ, ସେମାନେ ପ୍ରତ୍ୟେକ କଥାରେ ନଟିଆ ଓ ତା’ର ସାଙ୍ଗ ମାନଙ୍କ ଚରିତ୍ର ଭଳି ଆଚରଣ ଦେଖାଉଛନ୍ତି । ମନସ୍ତତ୍ବବିତ୍‌ଙ୍କ ଅନୁସାରେ ପିଲାମାନେ ଯାହା ଦେଖନ୍ତୁ ତାକୁ କପି କରନ୍ତି ଆଉ  କାମରେ ଲଗାଇବାକୁ ଚେଷ୍ଟା କରନ୍ତି । ସେମାନେ ଭଲ କଥା ଦେଖିଲେ ଭଲ କଥା ଶିଖିବେ । ଆଉ ଖରାପ ଦେଖିଲେ ଖରାପ କାମ ହିଁ କରିବେ । ଏମିତିରେ ନଟିଆର ଦୁଷ୍ଟାମୀ ଦେଖି ଦେଖି ଛୋଟ ଛୋଟ ପିଲାଏ ମଧ୍ୟ  ଦୁଷ୍ଟାମୀରେ ମାତିଲେଣି ।

ସାମାଜିକ ଗଣମାଧ୍ୟମ ସାହାରା ନେଇ ରାତାରାତି ପପୁଲାର ହେବାକୁ ଚାହୁଁଥିବା ନଟିଆ କମେଡି କାର୍ଟୁନ୍‌ର କର୍ମକର୍ତ୍ତାମାନେ ମଧ୍ୟ ଏକଥାକୁ ଗୁରୁତ୍ବ ଦେବା ଦରକାର । ନଟିଆ କାର୍ଟୁନ୍‌ରେ ଗୋଟେ ଚରିତ୍ରର ଦୁଷ୍ଟାମୀକୁ ନଦେଖାଇ ଯଦି ସମାଜ ପ୍ରତି ତା’ର କର୍ତ୍ତବ୍ୟ, ଦାୟିତ୍ବବୋଧକୁ ଚିତ୍ରିତ କରିପାରନ୍ତେ ତାହା ବୋଧହୁଏ ଛୋଟ ଛୋଟ ପିଲାମାନଙ୍କ ଉପରେ ଭଲ ପ୍ରଭାବ ପକାଇପାରନ୍ତା ।

କାରଣ ପିଲାମାନେ ହେଉଛନ୍ତି ମାଟି ପିଣ୍ଡୁଳା । ସେମାନଙ୍କୁ ଯେମିତି ଗଢ଼ିବା ସେମାନେ ସେମିତି ତିଆରି ହେବେ ।ତେଣୁ ସମାଜର ବୁଦ୍ଧିଜୀବୀ ମାନେ ଏହା ଉପରେ ଚିନ୍ତା କରିବାର ଆବଶ୍ୟକତା ରହିଛି ।

   Related Posts