Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଜାମିନ ଆବେଦନ ପ୍ରତ୍ୟାହାର କରିନେଲେ ମିଷ୍ଟର୍ କୁନ୍ଦ୍ରା, ଶିଳ୍ପା କହିଲେ-ମୁଁ ମୋ କାମରେ ବ୍ୟସ୍ତ ଥିଲି ଜାଣିନଥିଲି ସେ କ’ଣ କରୁଥିଲେ

17/09/2021 at 12:26 PM

ମୁମ୍ବାଇ ୧୭/୦୭ : ଗତ ଦେଢ ମାସ ଧରି ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରା ଜେଲରେ ଅଛନ୍ତି। ଅଶ୍ଳୀଳ ଫିଲ୍ମ ନିର୍ମାଣ ଏବଂ ତାହାକୁ ବିଭିନ୍ନ ଆପ୍ ମାଧ୍ୟମରେ ପ୍ରସାରଣ କରିଥିବାରୁ ତାଙ୍କୁ ଗିରଫ କରାଯାଇଛି। ନିକଟରେ ଏହି ପ୍ରସଙ୍ଗରେ ଆଉ ଏକ ଖବର ସାମ୍ନାକୁ ଆସିଛି। ରାଜ କୁନ୍ଦ୍ରା ତାଙ୍କ ଜାମିନ ଆବେଦନ ପ୍ରତ୍ୟାହାର କରି ନେଇଥିବା ସୂଚନା ମିଳିଛି। ମୁମ୍ବାଇ ପୋଲିସ ମୁମ୍ବାଇ ସେସନ କୋର୍ଟରେ ୧୫୦୦ ପୃଷ୍ଠାର ଚାର୍ଜସିଟ୍ ଦାଖଲ କରିଥିଲା, ଯେଉଁ କାରଣରୁ ରାଜ ବର୍ତ୍ତମାନ ଜାମିନ ଆବେଦନ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛନ୍ତି।

ବାର ଏବଂ ବେଞ୍ଚର ଏକ ଟୁଇଟ୍ ଅନୁଯାୟୀ ରାଜ କୁନ୍ଦ୍ରା ଖୁବ୍ ଶୀଘ୍ର ମୁମ୍ବାଇ ମହାନଗର ନିଗମ ଆଗରେ ଜାମିନ ଆବେଦନ କରିବାକୁ ଯାଉଛନ୍ତି। ଅଗଷ୍ଟ ୭ ରେ ରାଜ କୁନ୍ଦ୍ରାଙ୍କ ଜାମିନ ଆବେଦନକୁ କୋର୍ଟ ପ୍ରତ୍ୟାଖ୍ୟାନ କରିଥିଲେ।

ରାଜ କୁନ୍ଦ୍ରାଙ୍କ ଉପରେ ଅଶ୍ଳୀଳ ଫିଲ୍ମ ନିର୍ମାଣ ଏବଂ ମୋବାଇଲ୍ ଆପରେ ତାହାକୁ ଷ୍ଟ୍ରିମିଂ କରିବାର ଅନେକ ଗୁରୁତର ଅଭିଯୋଗ ହୋଇଛି। ପୋଲିସ ଏହି ଘଟଣାରେ ନିରନ୍ତର ଅନୁସନ୍ଧାନ କରୁଛି। ଯେଉଁଠାରେ ଏପର୍ଯ୍ୟନ୍ତ ୫୦ ରୁ ଅଧିକ ଲୋକଙ୍କୁ ପଚରାଉଚରା କରାଯାଇଛି। ଏହି ମାମଲା ୨୦୨୦ ମସିହାରେ ଆରମ୍ଭ ହୋଇଥିଲା। ସେହି ସମୟରେ ରାଜ କୁନ୍ଦ୍ରାଙ୍କ ବିରୋଧରେ ଏକ ଏଫ୍ଆଇଆର୍ ପଞ୍ଜୀକୃତ ହୋଇଥିଲା, ପରେ ତାଙ୍କୁ ମୁମ୍ବାଇ ଘରୁ ପୋଲିସ ଗିରଫ କରିଥିଲା।

୧୫୦୦ ପୃଷ୍ଠାର ଚାର୍ଜସିଟରେ ୪୩ ସାକ୍ଷୀଙ୍କ ନାମ ଦିଆଯାଇଛି। ଏହି ମାମଲାରେ ଶିଳ୍ପାଙ୍କ ବିବୃତ୍ତି  ସାମ୍ନାକୁ ଆସିଛି ଯାହା ସେ ପୋଲିସକୁ ଦେଇଛନ୍ତି। ଏହି ୪୩ ସାକ୍ଷୀଙ୍କ ମଧ୍ୟରେ ଶିଳ୍ପା ଶେଟ୍ଟୀ ଏବଂ ଶେର୍ଲିନ୍ ଚୋପ୍ରା ଅଛନ୍ତି। ସୂଚନା ଅନୁଯାୟୀ, ଶିଳ୍ପା ଶେଟ୍ଟୀ ମୁମ୍ବାଇ ପୋଲିସକୁ କହିଛନ୍ତି ଯେ ସେ ତାଙ୍କ କାର୍ଯ୍ୟରେ ବହୁତ ବ୍ୟସ୍ତ ଥିଲେ, ରାଜ କୁନ୍ଦ୍ରା କ’ଣ କରୁଛନ୍ତି ତାହା ସେ ଜାଣି ନଥିଲେ।

ତାଙ୍କର ଏହି ବିବୃତ୍ତି ମୁମ୍ବାଇ ପୋଲିସ ଦ୍ୱାରା କୁନ୍ଦ୍ରା ଏବଂ ତାଙ୍କ କମ୍ପାନୀର ଆଇଟି ମୁଖ୍ୟ ରିଆନ୍ ଥର୍ପେଙ୍କ ବିରୋଧରେ ଅଶ୍ଳୀଳ ରାକେଟ୍ ମାମଲାରେ ଦାଖଲ ହୋଇଥିବା ୧୪୦୦ ପୃଷ୍ଠାର ଚାର୍ଜସିଟର ଏକ ଅଂଶ। ଶିଳ୍ପା ତାଙ୍କ ବିବୃତ୍ତିରେ କହିଛନ୍ତି ଯେ ରାଜ କୁନ୍ଦ୍ରା ୨୦୧୫ ମସିହାରେ ଭିଆନ୍ ଇଣ୍ଡଷ୍ଟ୍ରିଜ୍ ଲିମିଟେଡ୍ ଆରମ୍ଭ କରିଥିଲେ। ୨୦୨୦ ପର୍ଯ୍ୟନ୍ତ ମୁଁ ତାଙ୍କ ସହିତ ଜଣେ ନିର୍ଦ୍ଦେଶକ ଭାବରେ ଥିଲି, କିନ୍ତୁ ପରେ ବ୍ୟକ୍ତିଗତ କାରଣରୁ ମୁଁ ଇସ୍ତଫା ଦେଇଥିଲି। ବର୍ତ୍ତମାନ ଏହା ଦେଖିବାକୁ ବାକି ରହିଲା ଯେ ଏହି ମାମଲାରେ ପରବର୍ତ୍ତୀ ସମୟରେ କେଉଁ ନୂଆ ମୋଡ଼ ଆସୁଛି।

   Related Posts