ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାତକୋଶିଆର ବାଘୁଣୀ ସୁନ୍ଦରୀକୁ ନେଇ ଆଜି ପ୍ରଶାସନ ସ୍ତରର ହୋଇଛି ଗୁରୁତ୍ବପୂର୍ଣ୍ଣ ଆଲୋଚନା

9/10/2018 at 6:36 PM

ସାତକୋଶିଆ ୦୯/୧୦- ସାତକୋଶିଆରୁ ବାଘୁଣୀ ସୁନ୍ଦରୀକୁ ନେଇ ବଢିଛି ପ୍ରଶାସନର ଚିନ୍ତା । ଏଥିପାଇଁ ଆଜି ପ୍ରଶାସନ ସ୍ତରର ଏକ ଗୁରୁତ୍ବପୂର୍ଣ୍ଣ ଆଲୋଚନା ହୋଇଛି । ସାତକୋଶିଆରୁ ବାଘୁଣୀ ସୁନ୍ଦରୀକୁ ସ୍ଥାନାନ୍ତର ପାଇଁ ଦାବି ଉଠାଇଛନ୍ତି ସାତକୋଶିଆ ବାସୀ । ସେହିଭଳି ଜଳାପୋଡା ଭଙ୍ଗାରୁଜା କେସ୍ ଉଠାଇବା ପାଇଁ ଦାବି କରାଯାଇଛି ।ବନ୍ୟ ବିଭାଗ ବି କୋର ଏରିଆରେ ଥିବା ଗାଁ ଗୁଡିକୁ ଉଠାଇବାକୁ ପ୍ରସ୍ତାବ ରଖିଛି । ସେପଟେ ସାତକୋଶିଆର କୋର୍ ଏରିଆରେ ବାଘ କାହ୍ନା ସହ ଦୁଇ ବାଘୁଣୀ ବୁଲୁଥିବା ନେଇ ସୂଚନା ମିଲିଛି । ଅନୁଗୋଳ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଅପରାହ୍ନରେ ଏନେଇ ବସିଥିଲା ବୈଠକ । ଏଥିରେ ସାତକୋଶିଆ ପ୍ରଜାସୁରକ୍ଷା ସମିତି ର ସଭ୍ୟ, ଜିଲାପାଳ,ଏଡିଏମ୍ ଅନୁଗୋଳ ଡିଏଫ୍ଓ ଉପସ୍ଥିତ ଥିଲେ । କୋର ଏରିଆ ମଧ୍ୟରୁ କିଛି ଗାଁକୁ ଉଠାଇବା ପାଇଁ ବନ ବିଭାଗ ପ୍ରସ୍ତାବ ରଖିଥିବା ବେଳେ ସାତକୋଶିଆ ବାସୀ ସୁନ୍ଦରୀକୁ ଏଠାରୁ ଶିଘ୍ର ସ୍ଥାନନ୍ତର ପାଇଁ ଦାବି ଉଠାଇଛନ୍ତି । ତେବେ ଅନୁଗୋଳ ଆଡିସିନାଲ୍ ପିସିସିଏଫ୍ ଅନୁପସ୍ଥିତ ଥିବାରୁ ପ୍ରଜା ସୁରକ୍ଷା ସମିତି ଅସନ୍ତୋଷ ପ୍ରକାଶ କରିଛି । ସେପଟେ ସାତକୋଶିଆର କୋର ଏରିଆରେ କୁଆଡେ ବାଘ କାହ୍ନା ପାଖାପାଖି ଅଞ୍ଚଳରେ ରହୁଛି ବାଘୁଣୀ ସୁନ୍ଦରୀ । ସାତକୋଶିଆରେ ଥିବା ଅନ୍ୟଏକ ବାଘୁଣୀ ସହିତ ପୂର୍ବରୁ କାହ୍ନା ବୁଲୁଥିବା ବେଳେ ଏବେ ସୁନ୍ଦରୀକୁ କୋର ଏରିଆରେ ପଶିବା ପରେ କାହ୍ନା ଓ ସୁନ୍ଦରୀ ନିକଟତର ହେଲେଣି । ଉଭୟ ପରସ୍ପରଠାରୁ ୨ରୁ ୩ କିମି ଦୂରରେ ବିଚରଣ କରୁଛନ୍ତି । ସାତକୋଶିଆର ବାଘୁଣୀ କାହ୍ନାର ନିକଟତର ହେବାକୁ ଚେଷ୍ଟା କଲେ ବି କାହ୍ନା ଏବେ ସୁନ୍ଦରୀ ପ୍ରେମରେ ପଡିଛି । ବାନ୍ଧବଗଡର ସୁନ୍ଦରୀ, ସାତକୋଶିଆର ବାଘୁଣୀ ଓ କାହ୍ନା ଏବେ ପାଖାପାଖି ୬ ରୁ ୭ କିମି ବ୍ୟବଧାନରେ ରହୁଛନ୍ତି । ସୁନ୍ଦରୀ ଓ କାହ୍ନା ଯେ କୌଣସି ସମୟରେ ନିକଟତର ହେବେ ବୋଲି ଆଶା ରଖିଛି ବନ ବିଭାଗ । ଏହି ସମୟରେ ସାଧାରଣତଃ ବାଘ ବାଘୁଣୀଙ୍କର ମେଟିଂ ସମୟ ଥିବାରୁ ସୁନ୍ଦରୀ ସାଥୀ ସଂଧାନରେ ଥିବା ବିଶେଷଜ୍ଞ କହିଛନ୍ତି ।

   Related Posts