ଜୟପୁର ୮।୫: ରାଜ୍ୟରେ ଏବେ କରୋନାର ଦ୍ବିତୀୟ ଲହର ଜାରି ରହିଛି । ଏଭଳି ସ୍ଥିତିରେ ଚିନ୍ତା ବଢାଉଛି ଆନ୍ଧ୍ର ଷ୍ଟ୍ରେନ୍ ।କୋରାପୁଟ ସୀମାକୁ ଲାଗିଥିବା ବିଭିନ୍ନ ରାସ୍ତାକୁ କୋରାପୁଟ ଜିଲ୍ଲା ପ୍ରଶାସନ ତରଫରୁ ସିଲ୍ କରି ଦିଆଯାଇଛି । ସୀମା ସେପଟୁ ଆସୁଥିବା ଲୋକଙ୍କ ସ୍ବାସ୍ଥ୍ୟ ପରୀକ୍ଷା କରାଯିବା ସହ ୧୪ଦିନିଆ ବାଧ୍ୟତାମୂଳକ ସଂଗରୋଧ ପାଇଁ ନିୟମ କରିଛି ଜିଳ୍ଲା ପ୍ରଶାସନ ।
ତଥାପି କିଛି ଅମାନିଆ ଲୁଚି ଛପି ରାତି ସମୟରେ ଜିଲ୍ଲା ମଧ୍ୟରୁ ପ୍ରବେଶ କରୁଥିବାରୁ ଶେଷରେ ଆନ୍ଧ୍ରକୁ ସଂଯୋଗ କରୁଥିବା ରାସ୍ତାକୁ ବାଧ୍ୟ ହୋଇ ଜେସିବି ସହାୟତାରେ କାଟି ଦେଲା କୋରାପୁଟ ଜିଲ୍ଲା ପ୍ରଶାସନ । ନନ୍ଦପୁର ବ୍ଲକର ସୁଡୁବଠାରେ ପ୍ରଶାସନ ପକ୍ଷରୁ ରାସ୍ତା କାଟି ଦିଆଯାଇଛି । ତେବେ ରାଜ୍ୟର ବିଭିନ୍ନ ସୀମାକୁ ସିଲ୍ କରାଯାଇଥିବା ବେଳେ ପ୍ରଶାସନ ତରଫରୁ ଅମାନିଆଙ୍କୁ ଚେକ୍ ଦେବା ପାଇଁ ରାସ୍ତା କଟାଯିବା ଜିଲ୍ଲାରେ ପ୍ରଥମ ଘଟଣା ।
