Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଚେନ୍ନାଇ : ତାମିଲନାଡୁ କୁନ୍ନୁରରେ ସିଡିଏସ୍ ବିପିନ ରାଓ୍ବତଙ୍କ ହେଲିକପ୍ଟର କ୍ରାସ୍
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||
  • କଟକ : ଟ୍ରେନିଂ ପାଇଁ ଦିଲ୍ଲୀରୁ ଆସି କଟକ ଷ୍ଟେସନରେ ଯବାନ ନିଖୋଜ, ସ୍ବିଚ୍ ଅଫ୍ ଆସୁଛି ମୋବାଇଲ୍
  • ||
  • ଝାରସୁଗୁଡା : ଝାରସୁଗୁଡା କୋଲାବିରା ଅଞ୍ଚଳରେ ହାତୀ ଉପଦ୍ରବ, ଭାଙ୍ଗିଲେ ଘର ପାଚେରୀ
  • ||

ମହାରାଷ୍ଟ୍ର ରାଜନୀତିରେ ଘଡିକେ ଘୋଡା ଛୁଟୁଛି: ଆଦିତ୍ୟଙ୍କୁ ସମୟ ଦେବାକୁ ମନା କଲେ ରାଜ୍ୟପାଳ, ଡାକିଲେ ଏନସିପିକୁ

11/11/2019 at 8:16 PM

ମୁମ୍ବାଇ ୧୧।୧୧:  ମହାରାଷ୍ଟ୍ରରେ ସରକାର ଗଠନ ନେଇ ଉପୁଜିଥିବା ସମସ୍ୟାର ସମାଧାନ ଏ ଯାଏଁ  ସମ୍ଭବ ହୋଇନି। ରାଜ୍ୟ ରାଜନୀତିରେ ଏବେ ଘଡିକେ ଘୋଡା ଛୁଟୁଛି। ରବିବାର ରାଜ୍ୟପାଳ ଦ୍ୱିତୀୟ ସଂଖ୍ୟା ଗରିଷ୍ଠ ଦଳ ଭାବେ ଶିବସେନାକୁ ଆମନ୍ତ୍ରଣ କରିଥିଲେ। ସୋମବାର ସନ୍ଧ୍ୟା ସାଢେ ୭ଟା ସୁଦ୍ଧା ଦଳର ନିଷ୍ପତ୍ତି ଜଣାଇବାକୁ କହିଥିଲେ। ସେହି ଅନୁସାରେ ଶିବସେନା ପକ୍ଷରୁ ବିଧାୟକ ଦଳ ନେତା ଏକନାଥ ସିନ୍ଦେ, ଆଦିତ୍ୟ ଠାକରେ ଓ ଅନ୍ୟ ନେତାମାନେ ରାଜ୍ୟପାଳ ଭଗତ ସିଂ କେଶ୍ୟୋରୀଙ୍କୁ ଭେଟିଥିଲେ। ସରକାର ଗଠନ ଲାଗି ଆଦିତ୍ୟ ଦଳ ଆଗ୍ରହୀ ଥିବା କହିବା ସହ ୪୮ ଘଣ୍ଟା ସମୟ ମାଗିଥିଲେ। ତେବେ ରାଜ୍ୟପାଳ ମନା କରିଦେଇଛନ୍ତି।

ଏଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀକୁ ଏ ବିଷୟରେ ସୂଚନା ଦେଇଛନ୍ତି ଆଦିତ୍ୟ । ସରକାର ଗଠନ ନିମନ୍ତେ ପ୍ରକ୍ରିୟା ଲାଗି ଅନୁନ୍ୟ ୪୮ ଘଣ୍ଟା ସମୟ ଦରକାର ବୋଲି ଆମେ ରାଜ୍ୟପାଳଙ୍କୁ ନିବେଦନ କରିଛୁ ବୋଲି ସେ କହିଥିଲେ। ହେଲେ ରାଜ୍ୟପାଳ ମନା କରିଛନ୍ତି। ତେବେ ଆମେ ଆମ ଉଦ୍ୟମ ଜାରି ରଖିବୁ ବୋଲି ଆଦିତ୍ୟ କହିଛନ୍ତି। ସେପଟେ ସନ୍ଧ୍ୟାରେ ରାଜ୍ୟପାଳ ତୃତୀୟ ସଂଖ୍ୟା ଗରିଷ୍ଠ ଦଳ ଭାବେ ଏନସିପିକୁ ସରକାର ଗଠନ ନିମନ୍ତେ ଆମନ୍ତ୍ରଣ କରିଥିବା ଜଣାପଡିଛି। ରାଜଭବନ ପକ୍ଷରୁ ଏନସିପି ଅଧ୍ୟକ୍ଷ ଅଜିତ ପାୱାରଙ୍କୁ ଡାକିଥିବା ଜଣାପଡିଛି।

ତେବେ ରାଜ୍ୟରେ ମେଣ୍ଟ ସରକାରକୁ ସମର୍ଥନ ନେଇ କଂଗ୍ରେସ ଏବେବି ଅନିର୍ଣ୍ଣୟ ସ୍ଥିତିରେ ଥିବା ଜଣାପଡିଛି। ମଙ୍ଗଳବାର ମୁମ୍ବାଇ ବୈଠକପରେ ହିଁ କଂଗ୍ରେସରେ ଏ ନେଇ କିଛି ନିଷ୍ପତ୍ତି ହୋଇପାରେ ବରିଷ୍ଠ କଂଗ୍ରେସ ନେତା ମଲ୍ଲିକାର୍ଜୁନ ଖଡଗେଙ୍କ ସୂଚନାରୁ ଏହା ଜଣାପଡିଛି। ତେବେ ଶିବସେନା ପରେ ରାଜ୍ୟପାଳ ଏବେ ଏନସିପି ଆଡକୁ ମୁହଁ କରିଥିବାରୁ ରାଜ୍ୟରେ ଆଗାମୀ ରାଜନୈତିକ ସମୀକରଣ କ’ଣ ହେବ ଏବେ ତା ଉପରେ ସଭିଁଙ୍କର ନଜର।

   Related Posts