Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

ଆଦିତ୍ୟଙ୍କ ଅପମୃତ୍ୟୁକୁ ବର୍ଷେ ପୁରିଲା : ଯଦି ହତ୍ୟା ନୁହେଁ , ତାହେଲେ କାହିଁକି ସେ ହାରିଲେ ଜୀବନ…

7/07/2021 at 1:00 PM

ଭୁବନେଶ୍ୱର ୦୭।୦୭: ସମାଜସେବୀ ଆଦିତ୍ୟ ଦାଶଙ୍କ ସୁଇସାଇଡ୍‌ ମିଷ୍ଟ୍ରିକୁ ବର୍ଷେ ପୁରିଛି । ବହୁ ବାଦବିବାଦ ସତ୍ତେ୍ୱ ଏଯାଏଁ ଘଟଣାରେ ପୂର୍ଣ୍ଣଚ୍ଛେଦ ପଡି଼ନଥିଲେ ବି ଅନେକାଂଶରେ ସ୍ପଷ୍ଟତା ଆସିଛି । ପ୍ରଥମେ ଏହା ଏକ ଯୋଜନାବଦ୍ଧ ହତ୍ୟା ବୋଲି ଚର୍ଚ୍ଚା ହେଉଥିବା ବେଳେ କ୍ରାଇମ୍‌ବ୍ରାଞ୍ଚ ଏହାକୁ ପରେ ଖଣ୍ଡନ କରିଥିଲା । ଯଦି ଆଦିତ୍ୟ ଆତ୍ମହତ୍ୟା କରିଥାନ୍ତି, ତେବେ ଏହା ପଛର କାହାଣୀର ରହସ୍ୟ ଏଯାଏଁ ଫିଟିପାରିନି ।

ଗତବର୍ଷ ଜୁଲାଇ ୭ ତାରିଖ ରାତିରେ ଶ୍ରୀଲିଙ୍ଗରାଜ ରେଳ ଷ୍ଟେସନର କେଇ ମିଟର ଦୂରରେ ଆଦିତ୍ୟଙ୍କ କ୍ଷତାକ୍ତ ମୃତଦେହ ରେଳଧାରଣାରୁ ମିଳିଥିଲା । ଭୁବନେଶ୍ୱର ଜିଆର୍‌ପି ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । କିନ୍ତୁ ଏହା ଆଦିତ୍ୟଙ୍କ ସମର୍ଥକମାନଙ୍କୁ ହଜମ ହୋଇନଥିଲା । ସୋସିଆଲ୍‌ ମିଡିଆରେ ଆଦିତ୍ୟଙ୍କୁ ନେଇ ଏକ ଝଡ଼ ଉଠିଥିଲା । ପରେ ଜିଆର୍‌ପି ହତ୍ୟା ମାମଲା ରୁଜୁ କରି ତଦନ୍ତ କରିଥିଲା । ଆଦିତ୍ୟଙ୍କ ପିପୁଲ ଫର୍‌ ସେବାର ସହକର୍ମୀ ଓ ସ୍ତ୍ରୀ ବିଦ୍ୟାଶ୍ରୀ ପ୍ରଥମେ ସନ୍ଦେହଘେରକୁ ଆସିଥିଲେ । ଯେହେତୁ ଉଭୟ ଗୋଷ୍ଠୀ ଗଣମାଧ୍ୟମ ସାମ୍ନାରେ ପରସ୍ପର ଉପରେ ଦୋଷାରୋପ କରୁଥିଲେ ।

ପୁଲିସ ସେମାନଙ୍କୁ ଥାନାକୁ ଡାକି ଏକାଧିକ ଥର ଜେରା କରିଥିଲା । ‘ହାର୍ଡ ଆଣ୍ଡ ବ୍ଲଣ୍ଟ ଟ୍ରୋମା’ ହିଁ ଆଦିତ୍ୟଙ୍କ ମୃତ୍ୟୁର ଏକମାତ୍ର କାରଣ ବ୍ୟବଚ୍ଛେଦ ରିପୋର୍ଟରେ ଦର୍ଶାଯାଇଥିଲା । କିନ୍ତୁ ସମୟକ୍ରମେ ତଦନ୍ତ ଦିଗହରା ହେବା ଦେଖି ମାମଲାଟି କ୍ରାଇମ୍‌ବ୍ରାଞ୍ଚକୁ ହସ୍ତାନ୍ତର କରାଗଲା । କ୍ରାଇମ୍‌ବ୍ରାଞ୍ଚ ପକ୍ଷରୁ ବିଦ୍ୟାଶ୍ରୀ ଓ ପିପୁଲ ଫର୍‌ ସେବାର ଅନ୍ୟ ୩ କର୍ମକର୍ତ୍ତାଙ୍କ ‘ଲାଏ ଡିଟେକ୍ସନ ଟେଷ୍ଟ’ ହୋଇଥିଲା । ପରେ ମାମଲାଟିର ନିରପେକ୍ଷ ଯାଞ୍ଚ ପାଇଁ ବିଦ୍ୟାଶ୍ରୀ ଓ ପିପୁଲ ଫର୍‌ ସେବା ପକ୍ଷରୁ ହାଇକୋର୍ଟରେ ଅପିଲ୍‌ କରାଯାଇଥିଲା ।

ଗତ ନଭେମ୍ବର ୨୦ରେ କ୍ରାଇମ୍‌ବ୍ରାଞ୍ଚ ପକ୍ଷରୁ ହାଇକୋର୍ଟରେ ରିପୋର୍ଟ ଦାଖଲ ହୋଇଥିଲା । ଯେଉଁଥିରେ ଆଦିତ୍ୟଙ୍କୁ ହତ୍ୟା କରାଯାଇଥିବା ନେଇ କୌଣସି ପ୍ରମାଣ ମିଳିନଥିବା ଦର୍ଶାଯାଇଥିଲା । ଯଦି ଆଦିତ୍ୟଙ୍କୁ ହତ୍ୟା କରାଯାଇନଥିଲା, ତେବେ ସେ କାହିଁକି ଆତ୍ମହତ୍ୟା କଲେ, ଏନେଇ ତଦନ୍ତକାରୀ ଟିମ୍‌ ସ୍ପଷ୍ଟ କରିନି । ଅନ୍ୟପଟେ ଏବେ ବି ତ୍ରିଲୋଚନ ବିହାରର ବୃଦ୍ଧାଶ୍ରମ ଆଦିତ୍ୟଙ୍କୁ ଝୁରୁଛି । ତାଙ୍କ ବାପା-ମା ପୁଅର ନ୍ୟାୟ ଆଶାରେ ଅନେଇ ବସିଛନ୍ତି ।

   Related Posts