Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଳାତକ ବିଜୟ ମାଲ୍ୟାକୁ ଦେବାଳିଆ ଘୋଷଣା କଲେ ଲଣ୍ଡନ ହାଇକୋର୍ଟ
  • ||
  • ଅକ୍ଟୋବର ୩ରେ JEE ଆଡଭାନ୍ସଡ୍‌ ପରୀକ୍ଷା, କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଘୋଷଣା
  • ||
  • ଭୁବନେଶ୍ବରରୁ ଦିନକରେ ୨୮୬ କରୋନା ଆକ୍ରାନ୍ତ ଚିହ୍ନଟ, ୨୩୧ ସୁସ୍ଥ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୨୦୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୮୯ ଡିସଚାର୍ଜ
  • ||
  • ପେଗାସସ ତାଲିକାରେ ଇଡି ଅଫିସର, ବିଏସଏଫର ପୂର୍ବତନ ଡିଜି ଓ କେଜ୍ରିଓ୍ଵାଲଙ୍କ ସହଯୋଗୀଙ୍କ ନାମ
  • ||
  • ଧର୍ମେନ୍ଦ୍ରଙ୍କୁ କର୍ଣ୍ଣାଟକ ପର୍ଯ୍ୟବେକ୍ଷକ ଦାୟିତ୍ଵ, ଦୂର କରିବେ ଅସ୍ଥିରତା !
  • ||
  • ପୁରୀ : ପୁରୀ ବଳିଆପଣ୍ଡାରେ ‘ଡ୍ରିଙ୍କ୍‌ ଫ୍ରମ୍‌ ଟ୍ୟାପ୍‌ ମିଶନ୍’ ଆରମ୍ଭ
  • ||
  • ସାଲେପୁର : ପ୍ରଲୋଭନ ଦେଖାଇ ନାବାଳିକାଙ୍କ ସହ ଶାରିରୀକ ସମ୍ପର୍କ, ବିବାହ ପାଇଁ କହିବାରୁ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ୍ କଲେ ଯୁବକ !
  • ||
  • ସାଲେପୁର : ବାଇକ୍‌କୁ ଧକ୍କା ଦେଲା ଟ୍ରକ୍, ଦମ୍ପତ୍ତି ଗୁରୁତର
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ୧୦ଟି ଗେଟ୍ ଦେଇ ଜଳ ନିଷ୍କାସିତ, ଜଳସ୍ତର ୬୦୯.୯୩ ଫୁଟ
  • ||

ସ୍ପଟ୍‌ରେ ଛାନଭିନ୍ ପରେ କ୍ରାଇମବ୍ରାଞ୍ଚ୍‌ର ଜେରା : ଆଦିତ୍ୟଙ୍କ ୩ ବନ୍ଧୁଙ୍କୁ ସିରିଜ୍ ପ୍ରଶ୍ନ କଲେ ତଦନ୍ତକାରୀ ଅଧିକାରୀ, କାଲି ଆଶ୍ରମ ଓ ବିଦ୍ୟାଶ୍ରୀଙ୍କ ଘରକୁ ଯିବେ

30/07/2020 at 9:07 PM

ଭୁବନେଶ୍ୱର, ୩୦|୦୭ : ଆଦିତ୍ୟ ଦାସ ମୃତ୍ୟୁର ତଦନ୍ତ ଭାର କ୍ରାଇମ୍ ବ୍ରାଞ୍ଚ ନେବା ପରେ ଅନେକ ରହସ୍ୟ ଉନ୍ମୋଚନ ହେବ ବୋଲି ଆଶା କରାଯାଉଛି ।  ଗୁରୁବାର ତଦନ୍ତକାରୀ ଟିମ୍ ଆଦିତ୍ୟଙ୍କ ବନ୍ଧୁ ବିକାଶ, ପପୁ, ପ୍ରୀତମଙ୍କୁ ଜେରା କରିଛି। ଆଶ୍ରମରେ ହୋଇଥିବା ଟଙ୍କା ହେରଫେର କାରବାରକୁ ନେଇ ଏହି ୩ଜଣଙ୍କୁ ଜେରା କରାଯାଇଥିବା ସୂଚନା ମିଳିଛି । ବିଦ୍ୟାଶ୍ରୀ ଓ ଆଦିତ୍ୟଙ୍କୁ ନେଇ ବିଭିନ୍ନ ଦିଗ ଉପରେ ୩ ଜଣଙ୍କୁ ପଚରାଉଚରା କରିଛି କ୍ରାଇମବ୍ରାଞ୍ଚ ଟିମ୍। ସେପଟେ ଶୁକ୍ରବାର ପିପୁଲ ଫର ସେବା ଆଶ୍ରମ ଓ ବିଦ୍ୟାଶ୍ରୀଙ୍କ ଘରକୁ ଯାଇ ତଦନ୍ତ ପାଇଁ କ୍ରାଇମବ୍ରାଞ୍ଚର ଟିମ୍ ଯିବ ବୋଲି ଜଣାପଡିଛି ।

ସମାଜସେବୀ ଆଦିତ୍ୟ ଦାସ ମୃତ୍ୟୁ ଘଟଣାରେ  କ୍ରାଇମବ୍ରାଞ୍ଚକୁ ସଫଳତା ମିଳିବ ବୋଲି ଆଶା କରାଯାଉଛି । ଲିଙ୍ଗରାଜ ଷ୍ଟେସନ ଯାଇ କ୍ରାଇମବ୍ରାଞ୍ଚ ଟିମ୍ ଖୋଳତାଡ ଆରମ୍ଭ କରିଛି  ।ଆଦିତ୍ୟଙ୍କ ମୃତଦେହ ମିଳିଥିବା ସ୍ଥାନକୁ ଉଭୟ କ୍ରାଇମବ୍ରାଞ୍ଚ ଓ ଜିଆରପି ଟିମ୍ ଯାଇଥିଲେ । ଦୀର୍ଘଦିନ ଧରି ଘଟଣାର ତଦନ୍ତ ଜିଆରପି କରୁଥିଲେ ମଧ୍ୟ ଏଯାଏଁ କୌଣସି ନିଷ୍କର୍ସରେ ପହଁଞ୍ଚି ପାରିନଥିବା ବେଳେ ପୋଲିସ ଡିଜି ଘଟଣାର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେବାର ମାତ୍ର ଦୁଇ ଘଣ୍ଟା ମଧ୍ୟରେ ଜିଆରପିରୁ କାଗଜପତ୍ର ସଂଗ୍ରହ କରିଛି କ୍ରାଇମବ୍ରାଞ୍ଚ ଟିମ୍ । ଜଣେ ଡିଏସପିଙ୍କ ନେତୃତ୍ବରେ ୨ ଜଣିଆ ଟିମ୍ ପହଞ୍ଚି ଜିଆରପି ଠାରୁ କାଗଜପତ୍ର ଗ୍ରହଣ କରିଛି । ତେଣୁ ତଦନ୍ତ ଆରମ୍ଭରୁ କ୍ରାଇମବ୍ରାଞ୍ଚ ଆକ୍ସନ ମୋଡକୁ ଆସିଥିବାରୁ କ୍ରାଇମବ୍ରାଞ୍ଚ ତଦନ୍ତରେ ଆଦିତ୍ୟଙ୍କ ମୃତ୍ୟୁ ରହସ୍ୟ ଖୋଲିବା ସହ ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ଯାହା ସ୍ପଷ୍ଟ ହେବ ବୋଲି ଆଶା ସଂଚାର ହୋଇଛି ।

ଗତ ୭ ତାରିଖ ସକାଳେ ଲିଙ୍ଗରାଜ ରୋଡ୍ ରେଲୱେ ଷ୍ଟେସନ ପାଖ ରେଳ ଧାରଣାରୁ ମାନବପ୍ରେମୀ ଆଦିତ୍ୟ ଦାସଙ୍କ ମୃତଦେହ ଉଦ୍ଧାର ହୋଇଥିଲା । ଏନେଇ ଜିଆରପି ପୋଲିସ ତଦନ୍ତ କରୁଥିଲା । ମାମଲାରେ ଆଦିତ୍ୟଙ୍କ ପତ୍ନୀ ଏବଂ ୩୦ରୁ ଅଧିକ ବନ୍ଧୁଙ୍କୁ ଜେରା କରିଛି । ଆଦିତ୍ୟଙ୍କ ସୁଇସାଇଡ ନୋଟ୍ ମିଳିବା ପରେ ମାମଲା ନେଇ ଟ୍ବିଷ୍ଟ ଆସିଥିଲା । ହାଣ୍ଡ ରାଇଟିଂ ବ୍ୟୁରୋ ଏହା ଆଦିତ୍ୟଙ୍କ ହାତ ଲେଖା ବୋଲି କହିଥିଲା । ତେବେ ଏହି ମାମଲାରେ ବେଶି କିଛି ସୁରାଗ ମିଳିପାରିନଥିବା ବେଳେ ଏବେ କ୍ରାଇମବ୍ରାଞ୍ଚ ତଦନ୍ତ ଛାନଭିନ୍ ଆରମ୍ଭ କରିଛି ।

   Related Posts