Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୟୂରଭଞ୍ଜ : ଗାଧୋଇବା ବେଳେ ଖସିଗଲା ଗୋଡ, ପୋଖରୀରେ ବୁଡି ୨ ଶିଶୁ ମୃତ
  • ||
  • ସମ୍ବଲପୁର : ଯୁବକଙ୍କୁ ନିର୍ମମ ଭାବେ ହତ୍ୟା, ଉଦ୍ଧାର ହେଲା ରକ୍ତ ଜୁଡୁବୁଡୁ ମୃତଦେହ
  • ||

ଫିଟିବ ଗୁମର ! ଆଦିତ୍ୟଙ୍କ ସାଙ୍ଗ ବିଶ୍ୱମୋହନଙ୍କୁ ଜେରା କଲା ଜିଆର୍‌ପି

25/07/2020 at 12:27 PM

ଭୁବନେଶ୍ୱର ୨୫।୦୭ : ସମାଜସେବୀ ଆଦିତ୍ୟ ଦାଶ ମୃତ୍ୟୁ ମାମଲାରେ ଜିଆରପିର ତନାଘନା । ଆଦିତ୍ୟଙ୍କ ସାଙ୍ଗ ବଲାଙ୍ଗୀରର ବିଶ୍ଵମୋହନ ଭୋଇଙ୍କୁ ୨ଘଣ୍ଟା ଜେରା କରିଛି ଜିଆରପି । ବିଶ୍ବମୋହନ ଏବଂ ଆଦିତ୍ୟଙ୍କ ଭିତରେ ଘନିଷ୍ଠ ବନ୍ଧୁତା ଥିଲା । ଆଦିତ୍ୟଙ୍କ ସହ ପ୍ରାୟ ସବୁଦିନେ ସେ କଥା ହୁଅନ୍ତି ବୋଲି ଆଦିତ୍ୟଙ୍କ ପତ୍ନୀ କହିଥିଲେ । ଏଭିତରେ ଜିଆରପି ଆଦିତ୍ୟଙ୍କ ୩୦ରୁ ଅଧିକ ବନ୍ଧୁଙ୍କୁ ଜେରା କରି ସାରିଛି । ଆଦିତ୍ୟଙ୍କ ମୃତ୍ଯୁ ରହସ୍ୟ ଖୋଲିବାକୁ ଜିଆରପି ତନାଘନା କରୁଛି । ସୁଇସାଏଡ ନୋଟ୍ ଆଦିତ୍ୟ ନିଜେ ଲେଖିଥିବା handwriting bureau ଯାଞ୍ଚ ରିପୋର୍ଟରେ ଆସିବା ପରେ ଏବେ ତାଙ୍କ ମୃତ୍ୟୁ ରହସ୍ୟ ଆହୁରି ଗୋଳମାଳିଆ ହୋଇ ଯାଇଛି ।

ତଦନ୍ତକାରୀ ଅଧିକାରୀ ଥାନାରେ ବିଶ୍ୱଙ୍କୁ ନାନା ପ୍ରଶ୍ନ ପଚାରିଥିଲେ । ଆଦିତ୍ୟଙ୍କ ଡେଥ୍‌ ସହ କିଛି ଲିଙ୍କ ଅଛି କି ନାହିଁ । ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଚାଲିଥିବା ଝଗଡାର କାରଣ କ’ଣ ? ଆଦିତ୍ୟ ମୃତ୍ୟୁ ପୂର୍ବରୁ ଏ ବାବଦରେ ବିଶ୍ୱଙ୍କୁ କିଛି କହିଥିଲେ କି? ଜେରା ବେଳେ କିିଛି ସନ୍ତୋଷଜନକ ଉତ୍ତର ମିଳିନଥିବା ପୁଲିସ କହିଛି । ମୃତ୍ୟୁର ୬ ଦିନ ପୂର୍ବରୁ ଫୋନ୍‌ ଯୋଗେ ବିଶ୍ୱ-ଆଦିତ୍ୟ କଥା ହୋଇଥିଲେ । ସେତେବେଳେ ସବୁକିଛି ଠିକ୍‌ ଥିଲା ବୋଲି ବିଶ୍ୱ ପୁଲିସ ସାମ୍ନାରେ କହିଛନ୍ତି । ଏହାଛଡ଼ା ପାରିବାରିକ କଳହକୁ ନେଇ କିଛି ସୂଚନା ଦେଇଥିବା ସେ ପୁଲିସକୁ ଜଣାଇଛନ୍ତି । ସୂଚନା ଥାଉ କି, ବିଶ୍ୱ-ଆଦିତ୍ୟ କଲେଜ ବେଳର ସାଙ୍ଗ ଥିଲେ । ଉଭୟେ ବଲାଙ୍ଗିରର ରାଜେନ୍ଦ୍ର ମହାବିଦ୍ୟାଳୟରେ ଯୁକ୍ତ ଦୁଇ ଏକାଠି ପଢ଼ୁଥିଲେ । ଲକ୍‌ଡାଉନ୍‌ ଯୋଗୁ ବିଶ୍ୱ କିନ୍ତୁ ଆଦିତ୍ୟଙ୍କ ବାହାଘରକୁ ଆସିପାରି ନଥିଲେ ।

ସେପଟେ ସୁଇସାଇଡ୍‌ ନୋଟ ଆଦିତ୍ୟ ଲେଖିଥିବା ରିପୋର୍ଟ ଆସିଛି । ଏହାପରେ ପୁଲିସ ଆଦିତ୍ୟଙ୍କ ଡେଥ୍‌ ମିଷ୍ଟ୍ରିର ତଦନ୍ତରେ ପୂର୍ଣ୍ଣଛେଦ ପକାଇବା ପ୍ରକ୍ରିୟା ଆରମ୍ଭ କରିଛି । କେଉଁ କାରଣ ଯୋଗୁଁ ଆଦିତ୍ୟ ଡିପ୍ରେସନରେ ରହୁଥିଲେ, ତାହା ଜଣାପଡିବା ପରେ ପୁଲିସ ଘଟଣାର ତଦନ୍ତ ଶେଷ କରିବ ।

   Related Posts