Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ଆଡିଲେଡ୍ ଟେଷ୍ଟ୍ : ଲାରା ଓ ସଚିନଙ୍କ ୨ଟି ବଡ ରେକର୍ଡ ଭାଙ୍ଗିବେ କୋହଲି !

17/12/2020 at 8:14 AM

ଆଡିଲେଡ, ୧୭/୧୨ : ବିରାଟ କୋହଲିଙ୍କ ନେତୃତ୍ୱରେ ଟିମ୍ ଇଣ୍ଡିଆ ଗୁରୁବାର ଅଷ୍ଟ୍ରେଲିଆ ବିପକ୍ଷରେ ପ୍ରଥମ ଟେଷ୍ଟ୍ ମ୍ୟାଚ୍ ଖେଳିବା ପାଇଁ ପଡିଆକୁ ଓହ୍ଲାଇବ । ଉଭୟ ଦଳ ମଧ୍ୟରେ ପ୍ରଥମ ଟେଷ୍ଟ୍ ଗୁରୁବାରଠାରୁ ଆଡିଲେଡରେ ଆରମ୍ଭ ହେବ । ପ୍ରଥମ ମ୍ୟାଚ୍ ପିଙ୍କ୍ ବଲରେ ଖେଳାଯିବ । ଅଧିନାୟକ କୋହଲିଙ୍କ ପାଇଁ ଏହି ମୁକାବିଲା ଖାସ୍ ରହିବ । କାରଣ ଏହା ତାଙ୍କର ଅଷ୍ଟ୍ରେଲିଆ ଗସ୍ତରେ ଚଳିତ ବର୍ଷର ଶେଷ ମ୍ୟାଚ୍ ହେବ । ଏହାପରେ ସେ ପିତୃତ୍ୱ ଅବକାଶ ନେଇ ଭାରତ ଫେରି ଆସିବେ । ତେବେ ଏହି ମ୍ୟାଚରେ କୋହଲିଙ୍କ ପାଖରେ ଦୁଇଟି କିର୍ତ୍ତୀମାନ ସ୍ଥାପନା ପାଇଁ ସୁଯୋଗ ରହିଛି । ସେ ଆଡିଲେଡରେ ବ୍ରାଏନ୍ ଲାରା ଓ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିପାରନ୍ତି ।

ଆଡିଲେଡରେ କୌଣସି ବିଦେଶି ଖେଳାଳିଙ୍କ ବ୍ୟାଟରୁ ସର୍ବାଧିକ ରନ୍‌ର ରେକର୍ଡ ଏବେସୁଦ୍ଧା ଓ୍ୱେଷ୍ଟଇଣ୍ଡିଜର ପୂର୍ବତନ ଅଧିନାୟକ ବ୍ରାଏନ ଲାରାଙ୍କ ନାମରେ ରହିଛି । ସେ ଏହି ମଇଦାନରେ ମୋଟ ୬୧୦ ରନ୍ କରିଛନ୍ତି । କୋହଲି ଏହି ରନଠୁ ମାତ୍ର ୧୭୯ ରନ୍ ପଛରେ ଅଛନ୍ତି । ଲାରା ଏଠାରେ ମୋଟ ୪ଟି ମ୍ୟାଚ୍ ଖେଳିଛନ୍ତି । ସେ ୭୬.୨୫ ଆଭରେଜରେ ୨ଟି ଶତକ ଲଗାଇଛନ୍ତି । କୋହଲି ଏବେସୁଦ୍ଧା ଏହି ଷ୍ଟାଡିୟମରେ ୪୩୧ ରନ୍ କରିଛନ୍ତି । ଏହାସହ ୩ଟି ଶତକ ମଧ୍ୟ ଲଗାଇଛନ୍ତି ।

ଏହା ବ୍ୟତୀତ କୋହଲି ସଚିନଙ୍କ ରେକର୍ଡ ଭାଙ୍ଗିବା ପାଇଁ ଆଉ ଗୋଟିଏ ଶତକ ପଛରେ ଅଛନ୍ତି । ତେନ୍ଦୁଲକର ଅଷ୍ଟ୍ରେଲିଆ ବିପକ୍ଷରେ ସର୍ବାଧିକ ୬ଟି ଶତକ ଲଗାଇଛନ୍ତି । କୋହଲି ମଧ୍ୟ ସମାନ ଶତକ ଅର୍ଜନ କରିଛନ୍ତି । ଯଦି କୋହଲି ଗୁରୁବାର ଆରମ୍ଭ ହେବାକୁ ଥିବା ମ୍ୟାଚରେ ୧୦୦ ରନ୍ କରନ୍ତି ତେବେ ସେ ସଚିନଙ୍କ ରେକର୍ଡ ଭାଙ୍ଗିଦେବେ ।

   Related Posts