Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ଆରମ୍ଭ ହେଲା ଆଦିବାସୀ ମେଳା : ୨୫ ଜନଜାତିଙ୍କ ଘର ଓ ଜୀବନଶୈଳୀ ଦେଖଣାହାରୀଙ୍କୁ କରୁଛି ଆକୃଷ୍ଟ, ୧୫ ଦିନ ଧରି ଚାଲିବ

26/01/2019 at 7:27 PM

ଭୁବନେଶ୍ବର୨୬|୧: ଆରମ୍ଭ ହେଲା ଆଦିବାସୀ ମେଳା । ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟନାୟକ । ୧୫ ଦିନ ଧରି ଚାଲିବାକୁ ଥିବା  ମେଳାରେ ଆଦିବାସୀ ଘର ସହ  ସେମାନଙ୍କ ଚଳଣି, ପରଂପରା,ଜୀବନ ଜିବୀକା ଓ ପ୍ରାଚୀନ  କଳା ସଂସ୍କୃତିର ଝଲକ ଦେଖିବାକୁ ମିଳିବ । ଏଥିସହ ଚଳିତ ବର୍ଷ ୨୫ଟି ଜନଜାତିଙ୍କ ଘର  ଦେଖିବାକୁ ମିଳିବ ମେଳାରେ ।ତେବେ ମେଳାରେ ଏମାନଙ୍କୁ ସ୍ବାଗତ ଜଣାଇବା ସହ ୧୫ ଦିନ ଧରି ରାଜଧାନୀବାସୀ ଓ ଜନଜାତି ସଂପ୍ରଦାୟର ଲୋକଙ୍କ ମଧ୍ୟରେ ହେବ ବିଭିନ୍ନ ପ୍ରକାର ଭାବର ଆଦାନ ପ୍ରଦାନ  ।

କାଠବାଡର ପାଚେରୀ ଭିତରେ ଗୋବର ଓ ନାଲି ମାଟିରେ ଲିପା ଘର ।ରଙ୍ଗ ବେରଙ୍ଗ ର ଚିତ୍ରରେ  ଚିତ୍ରିତ ନୁଆଁଣିଆ ଚାଳ ଛପର ଘର । ଘର ଆଗରେ ପଡିଛି  ବିଭିନ୍ନ ଶସ୍ୟର ତଳି । କାରଣ ଏହା ହେଉଛି ଆଦିବାସୀ ମାନଙ୍କ ଘର । ସହରରେ ଏମାନେ ବାନ୍ଧିଛନ୍ତି ମେଳି । ଏହା ହେଉଛି  ଆଦିବାସୀ ମେଳାର  ଦୃଶ୍ୟ । ବଣ ପାହାଡ ଛାଡି ଏବେ ଏମାନେ ରାଜଧାନୀରେ । ଭୁବନେଶ୍ବର ଇଡକୋ ପ୍ରଦର୍ଶନୀ ପଡିଆରେ  ଆରମ୍ଭ ହୋଇଯାଇଛି ଆଦିବାସୀ ମେଳା । ତେବେ ଚଳିତ ବର୍ଷ ୨୫ଟି ଜନଜାତିଙ୍କ ଘର  ଦେଖଣାହାରୀଙ୍କୁ କରିବ ଆକୃଷ୍ଟ ।  ବିଶେଷ କରି ସଉରା, କୁଟିଆ ,ମାଟିଆ ,ଓରାମ ,ମୁଣ୍ଟା ,କିଷାନ , ପ୍ରମୁଖଙ୍କ ଘର ଏବର୍ଷ ମେଳାର ଆକର୍ଷଣ ସାଜିବ ।  ତେବେ ମେଳାରେ ଜନଜାତିର ଲୋକଙ୍କୁ ମୁଖ୍ୟମନ୍ତ୍ରୀ ସ୍ବାଗତ ଜଣାଇଛନ୍ତି  । ରାଜ୍ୟ ସରକାର  ଆଦିବାସୀଙ୍କ ଉନ୍ନତିଲାଗି ଗୁରୁତ୍ବ ଦେଇ ବିଭିନ୍ନ ପଦକ୍ଷେପ ନେଉଥିବା ବେଳେ ମେଳା ସେମାନଙ୍କ ଲାଗି  ସହାୟକ ହେବ ବୋଲି କହିଛନ୍ତି ।

କେବଳ ଆଦିବାସୀ ଘର ନୁହେଁ ସେମାନଙ୍କ ଚଳଣି, ପରଂପରା,ଜୀବନ ଜିବୀକା ଓ ପ୍ରାଚୀନ  କଳା ସଂସ୍କୃତି ର ସ୍ବତନ୍ତ୍ରତାକୁ ମେଳାରେ ଦେଖିବାକୁ ମିଳିଛି । ଏଥିସହ ସଂଧ୍ୟାରେ ଏକାଠି ହୋଇ  ନାଚ ଗିତ ମଧ୍ୟ କରିବେ ଏହି ଜନଜାତି ଲୋକମାନେ । ସେପଟେ ମେଳାରେ ରହିଛି  ବିଭିନ୍ନ ବନ୍ୟଜାତ ସାମଗ୍ରୀର ବିକ୍ରିବଟା ପାଇଁ ସ୍ବତନ୍ତ୍ର ଷ୍ଟଲ । ଆଦିବାସୀ ଖାଦ୍ୟ ଲାଗି ରହିଛି ସ୍ବତନ୍ତ୍ର ଖାଦ୍ୟ ମେଳା  । ତେବେ ଅନୁସୂଚୀତ ଜାତି ଓ ଜନଜାତି ଉନ୍ନୟନ  ବିଭାଗ  ପକ୍ଷରୁ  ଆୟୋଜିତ ଏହି ଆଦିବାସୀ ମେଳାକୁ  ଉପଭୋଗ କରିବା ପାଇଁ ଏବେ ରାଜଧାନୀ ବାସୀ ଯେମିତି ପ୍ରସ୍ତୁତ ଏଠାକୁ ଆସିଥିବା ଆଦିବାସୀ ଲୋକେ ମଧ୍ୟ ମେଳାରେ ଯୋଗଦେିଥିବାରୁ ବେଶ ଖୁସି ।

ଆଜିଠାରୁ ୯ ତାରିଖ ଯାଏଁ ୧୫  ଦିନ ଧରି ଚାଲିବାକୁ ଥିବା ଏହି ମେଳାରେ ଦିନ ୨ଟାରୁ ରାତି ୯ଟା ପର୍ଯ୍ୟନ୍ତ ମଜାଉଠାଇବେ ଲୋକେ । ତେବେ ପ୍ରଗତିର ମହାସ୍ରୋତରେ ଆଦିବାସୀଙ୍କୁ  ସାମିଲ କରିବାଲାଗି  ପ୍ରତିବର୍ଷ ଆୟୋଜିତ ହେଉଥିବା ଏହି ମେଳାରେ ପ୍ରଥମ ଦିନ ଗହଳି ଦେଖିଲେ ଏହାର ଲୋକପ୍ରିୟତା ବଢିବାରେ ଲାଗିଛି  ତାହା ଷ୍ଫଷ୍ଟ ।

ସେପଟେ ବିଜେପି ଅନୁସୁଚିତ ଜନଜାତି ମୋର୍ଚା ଆଦିବାସିଙ୍କ  ସ୍ବାର୍ଥକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛି । ଆଦିବାସୀ ମେଳା ମାତ୍ର କିଛି ଦିନପାଇଁ ବଜାର ସୃଷ୍ଟି କରୁଥିବା ବେଳେ ସ୍ଥାୟୀ ବଜାର ଲାଗି ସରକାର କାହିଁକି ଏଯାଏଁ ପଦକ୍ଷେପ ନେଉନାହାନ୍ତି ବୋଲି ପ୍ରଶ୍ନ କରିଛି ବିଜେପି । କେନ୍ଦ୍ର ସରକାର ଏବାବଦରରେ ଅର୍ଥ ପ୍ରଦାନ କରୁଥିଲେ ବି ସରକାର ତାହାକୁ କାର୍ଯ୍ୟକାରୀ କରୁନାହାନ୍ତି ବୋଲି ବିଜେପି ଅଭିଯୋଗ କରିଛନ୍ତି ।

   Related Posts