Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ଶୀତ ଦିନରେ ଗଣ୍ଠି ଯନ୍ତ୍ରଣାରୁ ମୁକ୍ତି ପାଇବାକୁ ନିଶ୍ଚୟ ସେବନ କରନ୍ତୁ ଏହି ୪ଟି ଜିନିଷ

8/12/2020 at 4:32 PM

ଭୁବନେଶ୍ୱର ୦୮/୧୨ : ଶୀତ ଦିନରେ ଥଣ୍ଡା, କାଶ, ଜ୍ୱର ହେବା ସାଧାରଣ କଥା। ତାଛଡା ଥଣ୍ଡା ଯୋଗୁଁ ବିଭିନ୍ନ ପ୍ରକାର ସମସ୍ୟା ମଧ୍ୟ ଦେଖାଦେଇଥାଏ। ବିଶେଷକରି ବୟସ୍କ ବ୍ୟକ୍ତିଙ୍କ ଆଣ୍ଠୁଗଣ୍ଠିରେ ଯନ୍ତ୍ରଣା ହୋଇଥାଏ ଯାହାଫଳରେ ଚଲାବୁଲା କରିବାକୁ ତାଙ୍କୁ ସମସ୍ୟା ହୋଇଥାଏ। କିନ୍ତୁ ଆଜିକାଲି ଯୁବକ ଯୁବତୀଙ୍କ ମଧ୍ୟରେ ଏହି ସମସ୍ୟା ଦେଖିବାକୁ ମିଳୁଛି। ହାଡ ଦୁର୍ବଳ ହୋଇଗଲେ ଥଣ୍ଡା ପାଗରେ ଆଣ୍ଠୁଗଣ୍ଠି ଯନ୍ତ୍ରଣା ହୋଇଥାଏ। ହାଡ ମଜବୁତ ରଖିବାକୁ ଡାଏଟରେ କ୍ୟାଲସିୟମ୍ ଓ ଭିଟାମିନ୍-ଡି ଯୁକ୍ତ ଖାଦ୍ୟ ଅଧିକ ସେବନ କରିବା ଉଚିତ। ଆଣ୍ଠୁଗଣ୍ଠି ଯନ୍ତ୍ରଣାରୁ ମୁକ୍ତି ପାଇବାକୁ ଲୋକେ ଔଷଧ ଓ ତେଲ ମାଲିସର ସାହାରା ନେଇଥାନ୍ତି। କିନ୍ତୁ ଔଷଧ ବିନା ମଧ୍ୟ ଏହି ସମସ୍ୟାରୁ ମୁକ୍ତି ମିଳିପାରିବ। ଖାଦ୍ୟପେୟ ଏବଂ କିଛି ଘରୋଇ ଉପାୟରେ ଗଣ୍ଠି ଯନ୍ତ୍ରଣାରୁ ମୁକ୍ତି ପାଇପାରିବେ। ଜାଣନ୍ତୁ ଏମିତି କିଛି ଘରୋଇ ଉପାୟ ଯାହାଦ୍ୱାରା ଗଣ୍ଠି ଯନ୍ତ୍ରଣାରୁ ଆଶ୍ବସ୍ତି ମିଳିବ।

. ପିଜୁଳି ସାଲାଡ୍ ପିଜୁଳି ସାଲାଡ୍ ଶୀତ ଦିନରେ ଗଣ୍ଠି ଯନ୍ତ୍ରଣାରୁ ମୁକ୍ତି ଦେବାରେ ସାହାଯ୍ୟ କରିଥାଏ। ପିଜୁଳିକୁ ପନିର ସହ ସେବନ କଲେ କ୍ୟାଲସିୟମ ଅଭାବ ମଧ୍ୟ ଦୂର କରାଯାଇପାରିବ। ଏହା ଦ୍ୱାରା ମଧ୍ୟ ଗଣ୍ଠି ଯନ୍ତ୍ରଣାରୁ ମୁକ୍ତି ପାଇପାରିବେ।

. ବ୍ରୋକୋଲି ବାଦାମ ସୁପ୍ ଶୀତ ଦିନରେ ଗରମ ଗର୍ମ ସୁପ୍ ପିଇବାର ମଜା ଅଲଗା ପ୍ରକାର। ଗରମ ସୁପର ଅନେକ ସ୍ୱାସ୍ଥ୍ୟଗତ ଲାଭ ମଧ୍ୟ ରହିଛି। ସୁପ୍ ଶରୀରକୁ ଗରମ ରଖିବାରେ ସାହାଯ୍ୟ କରିଥାଏ। ବ୍ରୋକୋଲି ଓ ବାଦାମ ସୁପ୍ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ବ୍ରୋକୋଲି ଓ ବାଦାମରେ କ୍ୟାଲସିୟମ୍, ଓମେଗା-୩ ଫେଟି ଏସିଡ୍ ଓ ଅନେକ ପୋଷାକ ତତ୍ତ୍ୱ ରହିଛି ଯାହା ହାଡକୁ ମଜବୁତ ରଖିଥାଏ।

. କମଳା, ଗାଜର ଅଦା ଜୁସ ଶୀତ ଋତୁରେ ହାଡ ମଜବୁତ କରିବାକୁ ଏବଂ ଗଣ୍ଠି ଯନ୍ତ୍ରଣାରୁ ଆଶ୍ବସ୍ତି ପାଇବାକୁ ଲୋକେ ଅନେକ ପ୍ରକାର ହେଲ୍ଦି ଡ୍ରିଙ୍କ ଓ ଜୁସ ସେବନ କରନ୍ତି। କମଳା, ଗାଜର ଓ ଅଦାରେ ତିଆରି ଜୁସ ସ୍ୱାସ୍ଥ୍ୟ ପାଇଁ ବହୁତ ହିତକର ବୋଲି କୁହାଯାଏ। ଏଥିରେ ଆଣ୍ଟି ଇନଫ୍ଲେମେଟରୀ ଗୁଣ ଅଛି। ତାସହ କ୍ୟାଲସିୟମ ମଧ୍ୟ ଭରପୁର ମାତ୍ରାରେ ଅଛି ଯାହା ଆମକୁ ସୁସ୍ଥ ରଖିବାରେ ସାହାଯ୍ୟ କରିଥାଏ।

. ହଳଦୀ କ୍ଷୀର ହଳଦୀ କ୍ଷୀର ସ୍ୱାସ୍ଥ୍ୟ ପାଇଁ ବହୁତ ହିତକର। ଶୀତ ଦିନେ ହଳଦୀ କ୍ଷୀର ସେବନ କରିବା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ବୋଲି କୁହାଯାଏ। କ୍ଷୀରରେ ବହୁ ମାତ୍ରାରେ କ୍ୟାଲସିୟମ ରହିଛି ଏବଂ ହଳଦୀରେ ଆଣ୍ଟି ଇନଫ୍ଲେମେଟରୀ ଗୁଣ ଅଛି ଯାହା ଗଣ୍ଠି ଯନ୍ତ୍ରଣାରୁ ଆରାମ ଦେଇଥାଏ।

   Related Posts