Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ପାକ୍, ଆଫଗାନ ଓ ଇରାନରୁ ଆସୁଥିବା କାହାଜ ପ୍ରତି ମୁହଁ ମୋଡିଲା ଅଡାନୀ ଗ୍ରୁପ, ବନ୍ଦରରେ ଓହ୍ଲାଇବ ନାହିଁ ସାମଗ୍ରୀ

11/10/2021 at 9:28 PM

ନୂଆଦିଲ୍ଲୀ ୧୧।୧୦: ଗୁଜରାଟର ମୁନ୍ଦ୍ରା ପୋର୍ଟରେ ହେରୋଇନର ବଡ ଟ୍ରିପ୍ ଧରା ପଡିବା ପରେ ବଡ ନିଷ୍ପତ୍ତି ନେଲା ଅଡାନୀ ଗ୍ରୁପ। ଗ୍ରୁପ ପକ୍ଷରୁ  ସୋମବାର ଜାରି ପ୍ରେସ ବିବୃତିରେ କୁହାଯାଇଛି ଯେ, ଏବେ ପାକିସ୍ତାନ, ଆଫଗାନିସ୍ତାନ ଓ ଇରାନରୁ ଆମଦାନୀ ଏବଂ ରପ୍ତାନୀ  ହେଉଥିବା କାର୍ଗୋକୁ ଅଡାନୀ ଗ୍ରୁପ ସଞ୍ଚାଳନ କରିବ ନାହିଁ। କମ୍ପାନୀର ଏହି ନିଷ୍ପତ୍ତି ନଭେମ୍ବର ୧୫ରୁ ଲାଗୁ ହେବ।

କମ୍ପାନୀ ନିଜ ବୟାନରେ କହିଛି, ନିଜର ସମସ୍ତ ଟର୍ମିନାଲରେ ନଭେମ୍ବର ୧୫ରୁ  ଅଡାନୀ ପୋର୍ଟ୍ସ ଏବଂ ସେଜ୍ ଇରାନ, ପାକିସ୍ତାନ ଓ  ଆଫଗାନିସ୍ତାନରୁ ଆସୁଥିବା କଣ୍ଟେନରକୁ ସଞ୍ଚାଳନ କରିବ ନାହିଁ। କାରଣ ନିକଟରେ ଗୁଜରାଟର କଚ୍ଛର ମୁନ୍ଦ୍ରା ବନ୍ଦରରୁ ହେରୋଇନର ବଡ ଟ୍ରିପ୍ ଧରା ପଡିଥିଲା। ଧରା ପଡିଥିବା ଏହି ଡ୍ରଗ୍ସର ଆନୁମାନିକ ମୂଲ୍ୟ ପ୍ରାୟ ୨୧ ହଜାର କୋଟି ଟଙ୍କା ହେବ। ରାଜସ୍ଵ ଗୁଇନ୍ଦା ନିର୍ଦ୍ଦେଶାଳୟ(ଡିଆରଆଇ) ପକ୍ଷରୁ ଏହି ହେରୋଇନ ଜବତ କରାଯାଇଥିଲା। ବନ୍ଦରରେ ଦୁଇ କଣ୍ଟେନରରୁ ପ୍ରାୟ ୩୦୦୦ କିଲୋଗ୍ରାମର ହେରୋଇନ ଜବତ  ହୋଇଥିଲା। ଏଥିସହ ଦୁଇ ଜଣଙ୍କୁ ଗିରଫ କରାଯାଇଥିଲା।

ସରକାରୀ ଏଜେନ୍ସି ଅନୁଯାୟୀ, ହେରୋଇନ ଦୁଇଟି କଣ୍ଟେନର ନିଆଯାଉଥିଲା। ଗୋଟିଏ କଣ୍ଟେନରରେ ୨୦୦୦ କିଲୋଗ୍ରାମ ଏବଂ ଅନ୍ୟଟିରେ ପ୍ରାୟ ୧୦୦୦  କିଲୋଗ୍ରାମ ରହିଥିଲା। ଏହା ଆଫଗାନିସ୍ତାନରୁ ଆସିଥିଲା ଏବଂ ଇରାନ ବନ୍ଦରରୁ ଗୁଜରାଟ ପଠାଇ ଦିଆଯାଇଥିଲା।

ପୂରା ମାମଲାର ତଦନ୍ତଭାର ଏନଆଇଏକୁ ଦିଆଯାଇଥିଲା। ଗତ ସପ୍ତାହରେ ଏଜେନ୍ସି କୋଏମ୍ବାଟୁର, ଚେନ୍ନାଇ ଓ ବିଜୟଓ୍ଵାଡାରେ ଚଢାଉ କରିଥିଲା। ଏହି ସର୍ଚ୍ଚ ଅପରେସନରେ ଏନଆଇଏ ଅନେକ କାଗଜପତ୍ର ମଧ୍ୟ ଜବତ କରାଯାଇଥିଲା। ପୂରା ମାମଲାରେ ଚାରି ଆଫଗାନୀ, ଜଣେ ଉଜବେକିସ୍ତାନ ଏବଂ ୩ ଭାରତୀୟଙ୍କୁ ଗିରଫ କରାଯାଇଛି।

   Related Posts