Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ଏହି ବୋଲରଙ୍କୁ ବିରାଟଙ୍କ ବିପକ୍ଷରେ ଅସ୍ତ୍ର କରିବ ଅଷ୍ଟ୍ରେଲିଆ, ପୂର୍ବରୁ ରନ୍ ମେସିନ୍‌ଙ୍କୁ କରିଛନ୍ତି ୫ ଥର ଆଉଟ୍

22/11/2020 at 10:51 AM

ସିଡନୀ,୨୨/୧୧:    ଭାରତୀୟ ଦଳ ନଭେମ୍ବର ୨୭ରୁ ଅଷ୍ଟ୍ରେଲିଆ ବିପକ୍ଷରେ ସିରିଜ ଖେଳିବା ଆରମ୍ଭ କରିବ । ଦିନିକିଆରୁ ହିଁ ସିରିଜ ଆରମ୍ଭ ହେବ । ଏହାକୁ ନଜରରେ ରଖି ଉଭୟ ଦଳ ଅଭ୍ୟାସ ଆରମ୍ଭ କରିଦେଇଛନ୍ତି । ବିପକ୍ଷ ବୋଲର ଓ ବ୍ୟାଟସମ୍ୟାନଙ୍କ ପାଇଁ ସ୍ୱତନ୍ତ୍ର ରଣନୀତି ମଧ୍ୟ ଆପଣାଉଛନ୍ତି । ପୂର୍ବରୁ ଖେଳାଯାଇଥିବା ସିରିଜରେ ଭାରତ ବିଜୟୀ ହୋଇଥିଲେ । ଏହାର ନାୟକ ଥିଲେ ମହେନ୍ଦ୍ର ସିଂ ଧୋନୀ । ଧୋନୀଙ୍କ ଅନୁପସ୍ଥିତିରେ ଏବେ ଅଧିନାୟକ ବିରାଟ କୋହଲଙ୍କ ଉପରେ ଭାର ଅଧିକ । ବିରାଟ ହେଉଛନ୍ତି ବର୍ତ୍ତମାନ ସମୟରେ ବିଶ୍ୱର ଶ୍ରେଷ୍ଠ ବ୍ୟାଟସମ୍ୟାନ୍ । ତେବେ ଅଷ୍ଟ୍ରେଲିଆ ପାଖରେ ବିରାଟଙ୍କ ପାଇଁ ସ୍ୱତନ୍ତ୍ର ପ୍ଲାନ୍ ରହିଛି । ଏହାକୁ କଙ୍ଗାରୁ ଟିମ୍ ମ୍ୟାଚରେ ବ୍ୟବହାର କରିପାରେ ।

ଅଷ୍ଟ୍ରେଲିଆରେ ବିରାଟଙ୍କ ରେକର୍ଡ ଭଲ ରହିଛି । ସେ ଦିନିକିଆରେ ୫୦.୧୭ ଆଭରେଜରେ ୨୬ଟି ଇନିଂସରେ ୧୧୫୪ ରନ୍ କରିଛନ୍ତି । ଏହାମଧ୍ୟରେ ୫ଟି ଶତକ ଓ ୪ଟି ଅର୍ଦ୍ଧଶତକ ରହିଛି । ବିରାଟଙ୍କ ବ୍ୟାଟକୁ ରୋକିବା ପାଇଁ ଅଷ୍ଟ୍ରେଲିଆ ଆଡାମ ଜାମ୍ପାଙ୍କୁ ବ୍ୟବହାର କରିବ । ଜାମ୍ପା ବିରାଟଙ୍କୁ ପୂର୍ବରୁ ୫ ଥର ଆଉଟ୍ କରିଛନ୍ତି ।

ଜାମ୍ପା ବିରାଟଙ୍କୁ ୧୪୮ ବଲ୍ ପକାଇଥିବା ବେଳେ ୧୭୪ ରନ୍ ଦେଇଛନ୍ତି । ନିକଟରେ ଭାରତ ସହ ଅଷ୍ଟ୍ରେଲିଆ ଖେଳିଥିବା ୩ ଟିକିଆ ସିରିଜର ଦୁଇଟି ମ୍ୟାଚରେ ଜାମ୍ପା ବିରାଟଙ୍କୁ ଆଉଟ୍ କରିଥିଲେ । ଟି୨୦ରେ ମଧ୍ୟ ଜାମ୍ପା ବିରାଟଙ୍କୁ ୨ ଥର ଆଉଟ୍ କରିଛନ୍ତି । କିନ୍ତୁ ସବୁଠାରୁ ଭଲ କଥା ହେଉଛି ଯେ, ବିରାଟ ଲେଗ୍ ସ୍ପିନରଙ୍କ ବିପକ୍ଷରେ ଭଲ ଖେଳନ୍ତି । ଲେଗ୍ ସ୍ପିନ ବିପକ୍ଷରେ ବିରାଟଙ୍କ ଷ୍ଟ୍ରାଇକ୍ ରେଟ୍ ୧୦୯.୨୫ ରହିଛି । ଏହାସହ ଆଭରେଜ୍ ମଧ୍ୟ ୬୦ ଉପରେ ରହିଛି ।

ସୂଚନାଯୋଗ୍ୟ, ଆସନ୍ତା ୨୭ରୁ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଦିନିକିଆ ସିରିଜ୍ ଆରମ୍ଭ ହେବ । ଦ୍ୱିତୀୟ ଦିନିକିଆ ୨୯ ଓ ତୃତୀୟ ଡିସେମ୍ବର ୨ ତାରିଖରେ ଖେଳାଯିବ । ସେହିପରି ଡିସେମ୍ବର ୪ରୁ ଟି୨୦ ସିରିଜ ଆରମ୍ଭ ହେବ । ଏହାପରେ ଡିସେମ୍ବର ୧୭ରୁ ଟେଷ୍ଟ୍ ସିରିଜ୍ ଖେଳାଯିବ ।  

   Related Posts