ନୂଆଦିଲ୍ଲୀ ୨୭।୧: ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ଜଣେ ଗ୍ଲୋବାଲ୍ ଆଇକନ୍ ହୋଇସାରିଛନ୍ତି | ବଲିଉଡ୍ ରେ ଦମଦାର ପ୍ରଦର୍ଶନ ଦେଇସାରିବା ପରେ ଏବେ ସେ ହଲିଉଡ଼୍ ରେ ତାଙ୍କର କ୍ୟାରିୟର ଗଢିବାକୁ ଚହୁଁଛନ୍ତି | ନିକଟରେ ପ୍ରିୟଙ୍କା ଚୋପ୍ରା ତାଙ୍କ ପୁସ୍ତକ ‘ଅନଫିନିସଡ’ର ଘୋଷଣା କରିଛନ୍ତି | ସେଥିରେ ସେ ୟୁଏସ୍ ର ହାଇସ୍କୁଲରେ ହୋଇଥିବା ଜାତିବାଦ ଏବଂ ଗାଳିଗୁଲଜ ବିଷୟରେ କହିଛନ୍ତି |
ପ୍ରିୟଙ୍କା ଚୋପ୍ରା ଲେଖିଛନ୍ତି, ‘ହାଇସ୍କୁଲରେ ଯେଉଁ ପିଲାମାନେ ମୋ ପଛରେ ପଡ଼ିଥିଲେ, ସେମାନେ କିଛି ବୁଝି ପାରୁନଥିଲେ | ଏମିତି ଲାଗୁଥିଲା ଯେମିତିକି ସେମାନେ ନିର୍ଣ୍ଣୟ କରିନେଇଛନ୍ତି ସେ ଅନ୍ୟ ପିଲାମାନଙ୍କଠାରୁ ଅଧିକ ଶକ୍ତିଶାଳୀ | ଯେତେବେଳେ ଆମେ କାହାକୁ ଧରିଥାଉ ସେତେବେଳେ ନିଜକୁ ଅସୁରକ୍ଷିତ ମନେ କରିଥାଉ | ଶିଶୁ ଏବଂ ଯୁବକମାନଙ୍କୁ ଗାଳି ଗୁଲଜ କରାଯାଇଥାଏ | ପାୱାର ମିଳିବା ପରେ ଏହା ହୋଇଥାଏ । ଆଉ ଆମେ ସମସ୍ତେ ଏ ସବୁ ଅଲଗା ଅଲଗା ପ୍ରକାରର ହେଉଥିବା ଦେଖିଛୁ | ମୋତେ ସେମାନେ ବହୁତ କଷ୍ଟ ଦେଇଛନ୍ତି | ମୋର ଆତ୍ମବିଶ୍ବାସକୁ ବହୁ ଆଘାତ କରିଛନ୍ତି | ସେଇ ଜିନିଷକୁ ଆଘାତ କରିଛନ୍ତି ଯାହା ମୁଁ କରିବାକୁ ଚାହୁଁଥିଲି | ମୋତେ ଲାଗୁଥିଲା କି ମୁଁ ଏକ୍ସପୋଜ୍ ହେଉଛି ।
ଏହା ପୂର୍ବରୁ ପ୍ରିୟଙ୍କା କହିଥିଲେ, ‘ଜଣେ ଭାରତୀୟ ଅଭିନେତ୍ରୀ ପାଇଁ ଫେୟାରନେସ୍ କ୍ରିମ୍ ର ବିଜ୍ଞାପନ କରିବା ଅତି ସାଧାରଣ କଥା | ଏହା ବିଷୟରେ ତାଙ୍କର ଉନ୍ମୋଚନ ହେବାକୁ ଯାଉଥିବା ପୁସ୍ତକ ‘ଅନଫିନିସଡ’ରେ କହିଛନ୍ତି |
ପ୍ରିୟଙ୍କା କହିଥିଲେ, ‘ସାଉଥ୍ ଏସିଆରେ ସ୍କିନ୍ ଲାଇଟେନିଙ୍ଗ୍ କୁ ସମର୍ଥନ କରିବା ଅତି ସାଧାରଣ କଥା | ଇଣ୍ଡଷ୍ଟ୍ରି ଏତେ ବଡ଼ ଯେ ସମସ୍ତେ ଏହାକୁ କରୁଛନ୍ତି | ଆଜି ମଧ୍ୟ ସମସ୍ତେ ଏହାକୁ ଠିକ୍ ଭାବୁଛନ୍ତି, ଯେତେବେଳେ ଜଣେ ମହିଳା ଅଭିନେତ୍ରୀ ଏହାକୁ କରୁଛନ୍ତି ଏହା ଭୁଲ ଅଟେ | ମୋ ପାଇଁ ମଧ୍ୟ ଏହା କରିବା ଭୁଲ ଥିଲା | ଅଳ୍ପ ବୟସର ଝିଅ ଯିଏ ମୁହଁରେ ଟଲକମ୍ ପାଉଡର ଲଗାଉଥିଲା, କାରଣ ମୁଁ ବିଶ୍ବାସ କରୁଥିଲି ଯେ, କଳା ତ୍ବଚା ହେବା ଭଲ ନୁହେଁ ।’
