ଭୁବନେଶ୍ବର ୩୦।୭: ଥାନାର ଦ୍ବାରସ୍ଥ ହେଲେ ଅଭିନେତ୍ରୀ ପ୍ରକୃତି ମିଶ୍ର । ସୋସିଆଲ ମିଡିଆରେ ଟ୍ରୋଲିଂ ନେଇ ଅଭିନେତ୍ରୀ ପ୍ରକୃତି ମିଶ୍ର ମଞ୍ଚେଶ୍ବର ଥାନାରେ ମାନହାନୀ ମାମଲା ରୁଜୁ କରିଛନ୍ତି । ଏକ ଓଡିଆ ୱେବ୍ ଚ୍ୟାନେଲ୍ ତାଙ୍କୁ ଖରାପ ଚିତ୍ରଣ କରି ଖବର କରିଥିବା ମଧ୍ୟ ସେ ଅଭିଯୋଗ କରିଛନ୍ତି ।
ସମ୍ପୃକ୍ତ ୱେବ୍ ପୋର୍ଟାଲ ବିରୋଧରେ ମାମଲା ରୁଜୁ କରିଛନ୍ତି ପ୍ରକୃତି । ନିଜ ଏତଲାରେ ପ୍ରକୃତି ଦର୍ଶାଇଛନ୍ତି ଯେ, ମୋତେ ଓ ମୋ ପରିବାରକୁ ବଦନାମ କରିବାକୁ ଚେଷ୍ଟା କରାଯାଉଛି । ଏହା ଯୋଗୁଁ ମୁଁ ମାନସିକ ଭାରସାମ୍ୟ ହରାଇଛି । ଏହାସହ ମୋ ପ୍ରତିଷ୍ଠାରେ ଆଞ୍ଚ ଆସିଛି। ସେ ଇନଷ୍ଟାଗ୍ରାମରେ ପଠାଇଥିବା ଫଟୋକୁ ନେଇ ଅଶାଳୀନ କମେଣ୍ଟ ଆସିଥିଲା । ଏହାକୁ ନେଇ ପ୍ରକୃତି କ୍ଷୋଭ ପ୍ରକାଶ କରିଛନ୍ତି ।