Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁର୍କୀରେ ବଡ ଧରଣର ଭୂକମ୍ପ ପରେ ସୁନାମି: ପ୍ରକୃତି ରଚିଲା ତାଣ୍ଡବଲୀଳା, ୬ ମୃତ, ୨୦୦ରୁ ଉର୍ଦ୍ଧ୍ଵ ଆହତ
  • ||
  • ବିଜେପିକୁ ତିର୍ତ୍ତୋଲବାସୀ ନିଶ୍ଚୟ ଜିତାଇବେ ଏବଂ ପ୍ରଧାନମନ୍ତ୍ରୀଙ୍କ ହାତମୁଠାକୁ ଟାଣ କରିବେ- ଧର୍ମେନ୍ଦ୍ର
  • ||
  • PL 2020: ଗର୍ଜିଲା କ୍ରିସ୍ ଗେଲଙ୍କ ବ୍ୟାଟ୍, ରାଜସ୍ଥାନ ସମ୍ମୁଖରେ ୧୮୬ ରନର ବିଜୟ ଲକ୍ଷ୍ୟ ରଖିଲା କିଙ୍ଗ୍ସ ଏକାଦଶ ପଞ୍ଜାବ
  • ||
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||

ମାଟ୍ରିକ୍ ପରୀକ୍ଷାର୍ଥୀଙ୍କ ଆଡମିଟ୍ କାର୍ଡରେ ଅଭିନେତ୍ରୀଙ୍କ ଫଟୋ : ସୋସିଆଲ ମିଡିଆରେ ଘୂରିଲା ପରେ ବିଭାଗ ଚେତିଲା, ମୁହଁ ଖୋଲିଲେ ମନ୍ତ୍ରୀ

13/02/2020 at 6:16 PM

ଭୁବନେଶ୍ବର ୧୩।୨: ମାଟ୍ରିକ୍ ପରୀକ୍ଷାର୍ଥୀଙ୍କ ଆଡମିଟ୍ କାର୍ଡରେ ଅଭିନେତ୍ରୀଙ୍କ ଫଟୋ । ପରୀକ୍ଷାର୍ଥୀ ଛାନିଆ, ଅଭିଭାବକ ଚିନ୍ତିତ । କାରଣ ଆଉ ମାତ୍ର ସପ୍ତାହେ ପରେ ମାଟ୍ରିକ୍ ପରୀକ୍ଷା । ପରୀକ୍ଷା ପୂର୍ବରୁ ପିଲାଙ୍କ ଭବିଷ୍ୟତ ସହ ଶିକ୍ଷା ବିଭାଗ ଖେଳ ଖେଳୁଛି ବୋଲି ଅଭିଯୋଗ ।

ଏଭଳି ଘଟଣା ସମ୍ନାକୁ ଆସିଛି ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ୍ ଅଧିନରେ ଥିବା ରଘୁନାଥ ଉଚ୍ଚ ବିଦ୍ୟାଳୟ ରାଇକମା ବିଦ୍ୟାଳୟର । ବିଦ୍ୟାଳୟର ଅଭିଜିତ କବାଟ ନାମକ ଦଶମ ଶ୍ରେଣୀ ଛାତ୍ରଙ୍କ ଆଡମିଟ୍ କାର୍ଡରେ ଲାଗିଥିଲା ଅଭିନେତ୍ରୀଙ୍କ ଫଟୋ । ମାତ୍ର ବିଦ୍ୟାଳୟର ପ୍ରଧାନ ଶିକ୍ଷକ ଅତୁଲ କୁମାର ମିଶ୍ର କହିଥିଲେ ଛାତ୍ରଙ୍କ ଆଡମିଟ୍ କାର୍ଡରେ ଥିବା ଫଟୋ ଅଭିନେତ୍ରୀଙ୍କର ନୁହେଁ । ତେବେ ଘଟଣା ସମ୍ପର୍କରେ ଜାଣିବା ପରେ ପ୍ରଧାନ ଶିକ୍ଷକ ସଙ୍ଗେ ସଙ୍ଗେ ମାଧ୍ୟମିକ ଶିକ୍ଷା ପରିଷଦ ସହ ଯୋଗାଯୋଗ କରିଥିଲେ । ଯୋଗାଯୋଗ କରିବାର ଅଧଘଣ୍ଟାଏ ମଧ୍ୟରେ ତାହା ସଂଶୋଧନ ହୋଇଥିବା ଜଣାପଡିଛି ।

ତେବେ ପରୀକ୍ଷାର ମାତ୍ର ଦିନ କେଇଟା ପୂର୍ବରୁ ମାଟ୍ରିକ୍ ଆଡମିଟ୍ କାର୍ଡରେ ଏପରି ବିଭ୍ରାଟରୁ ଶିକ୍ଷା ବିଭାଗ ପିଲାଙ୍କ ପ୍ରତି କେତେ ତତ୍ପର ତାହା ପଦାରେ ପଡିଛି । ଜଣେ ଛାତ୍ରଙ୍କ ଆଡମିଟ୍ କାର୍ଡରେ ଅଭିନେତ୍ରୀଙ୍କ ଫଟୋ ଥିବା ଓ୍ବେବସାଇଟ୍ ରୁ ଆଡମିଟ୍ କାର୍ଡ ଡାଉନଲୋଡ୍ ପରେ ଜଣାପଡିଥିଲା ।

ଏହି ବିଭ୍ରାଟ ନେଇ ହୋହଲ୍ଲା ପରେ ଆକ୍ସନ ମୋଡ୍ କୁ ଆସିଛନ୍ତି ବିଭାଗୀୟ ମନ୍ତ୍ରୀ । ଆଡମିଟ୍ କାର୍ଡରେ ଲାଗିଥିଲା ଅଭିନେତ୍ରୀଙ୍କ ଫଟୋ ଆଉ ଆଡମିଟ୍ କାର୍ଡ ସୋସିଆଲ ମିଡିଆରେ ଭାଇରାଲ୍ ହେବାପରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ମୁହଁ ଖୋଲିଛନ୍ତି । ସେ କହିଛନ୍ତି ଯେ, ନକଲି ଆଡମିଟ୍ କାର୍ଡ ସୋସିଆଲ ମିଡିଆରେ ଭାଇରାଲ ହେଉଛି । ପରୀକ୍ଷାକୁ ବିଭ୍ରାନ୍ତ ଓ ବୋର୍ଡକୁ ବଦନାମ୍ କରିବାକୁ ଏଭଳି କରାଯାଇଛି । ଆଡ୍‌ମିଟ କାର୍ଡରେ ଭୁଲ୍‌ ଥିଲେ ପରୀକ୍ଷାର୍ଥୀଙ୍କୁ ପରୀକ୍ଷା  ଦେବାରୁ ବଞ୍ଚିତ କରାଯିବ ନାହିଁ ବୋଲି ମନ୍ତ୍ରୀ କହିଛନ୍ତି ।

   Related Posts