Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଡିଶା ଆସୁଛନ୍ତି କେନ୍ଦ୍ର କୋଇଲା ମନ୍ତ୍ରୀ, ଗସ୍ତ କରିବେ ପାରାଦୀପ ଓ ତାଲଚେର
  • ||

ଅଭିନେତ୍ରୀ ପାୟଲ ରୋହତଗୀ ଗିରଫ

25/06/2021 at 2:29 PM

ଅହମଦାବାଦ ୨୫/୦୬ : ବଲିଉଡ ଅଭିନେତ୍ରୀ ପାୟଲ ରୋହତଗୀଙ୍କୁ ଅହମ୍ମଦାବାଦ ପୋଲିସ ଗିରଫ କରିଛି। ସୋସାଇଟି ଅଧ୍ୟକ୍ଷଙ୍କୁ ଦୁର୍ବ୍ୟବହାର କରିଥିବା ଅଭିଯୋଗରେ ତାଙ୍କୁ ଗିରଫ କରାଯାଇଥିବା ସୂଚନା ମିଳିଛି । ଦୁର୍ବବ୍ୟବହାର ସହ ସୋସାଇଟିର ଅନ୍ୟ ବାସିନ୍ଦାଙ୍କୁ ମିଛ ମାମଲାରେ ଫସାଇବାକୁ ଧମକ ଦେଇଥିବା ଅଭିଯୋଗ ମଧ୍ୟ ରୋହତଗୀଙ୍କ ନାଁରେ ରହିଛି । ଅଭିନେତ୍ରୀଙ୍କର ଏପରି ବ୍ୟବହାର କାରଣରୁ ସୋସାଇଟିର ଲୋକମାନେ ଦୀର୍ଘ ଦିନ ଧରି କ୍ଷୁବ୍ଧ ଥିଲେ ବୋଲି ଜଣାପଡିଛି ।

ଖବର ଅନୁଯାୟୀ, ଜୁନ୍ ୨୦ ରେ ସେ ରହୁଥିବା ସୋସାଇଟି ଏକ ବୈଠକ ହୋଇଥିଲା। ପାୟଲ ରୋହତଗୀ ସେହି ବୈଠକକୁ ଆମନ୍ତ୍ରିତ ହୋଇନଥିଲେ ତଥାପି ସେଠାରେ ପହଞ୍ଚିଥିଲେ। ସେଠାରେ ସେ କିଛି କହିବାକୁ ମଧ୍ୟ ଚାହିଁଥିଲେ। ତେବେ ତାଙ୍କୁ ବାରଣ କରାଯିବାରୁ ସେ ଅଧ୍ୟକ୍ଷଙ୍କୁ ଦୁର୍ବ୍ୟବହାର କରିବା ଆରମ୍ଭ କରିଥିଲେ । ସୋସାଇଟି ଅଧ୍ୟକ୍ଷଙ୍କ ଅଭିଯୋଗ ପରେ ପୋଲିସ ପାୟଲଙ୍କୁ ଗିରଫ କରିଛି ।

ସୋସିଆଲ ମିଡିଆରେ ପାୟଲ ରୋହତଗୀ ବହୁତ ଆକ୍ଟିଭ ଏବଂ ସେ ଅନେକ ପ୍ରସଙ୍ଗରେ ନିଜର ମତାମତ ମଧ୍ୟ ରଖିଥାନ୍ତି । ଏହି କାରଣରୁ ସେ ଅନେକ ସମୟରେ ବିବାଦ ମଧ୍ୟକୁ ଠେଲି ହୋଇଯାଆନ୍ତି । ୨୦୧୯ ରେ ନେହେରୁ-ଗାନ୍ଧୀ ପରିବାର ସମ୍ପର୍କୀତ ଏକ ପୋଷ୍ଟକୁ ନେଇ ସେ ବିବାଦ ମଧ୍ୟକୁ ଆସିଥିଲେ ଏବଂ ପରେ ସେହି ମାମଲାରେ ତାଙ୍କୁ ଗିରଫ କରାଯାଇଥିଲା। ମାମଲାରେ କୋର୍ଟ ତାଙ୍କୁ ହେପାଜତକୁ ପଠାଇଥିଲେ ମଧ୍ୟ ଗୋଟିଏ ଦିନ ମଧ୍ୟରେ ତାଙ୍କୁ ଜାମିନ ମିଳିଥିଲା।

   Related Posts