Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଏହି ଅଭିନେତାଙ୍କୁ ଡେଟ୍ କରୁଛନ୍ତି କି ନୁସରତ ଜହାଁ ? ଚର୍ଚ୍ଚା ଜୋର ପରେ ନୀରବତା ଭାଙ୍ଗିଲେ ଅଭିନେତ୍ରୀ, କହିଲେ…

9/01/2021 at 2:49 PM

ମୁମ୍ବାଇ ୯।୧: ବଲିଉଡ୍ ଅଭିନେତ୍ରୀ ତଥା କଂଗ୍ରେସ ସାଂସଦ ନୁସରତ ଜହାଁ ତାଙ୍କ ନିଆରା ଆନ୍ଦାଜ ପାଇଁ ପ୍ରାୟ ଅନେକ ସମୟରେ ଚର୍ଚ୍ଚାରେ ରହିଥାନ୍ତି । ଦେଢ ବର୍ଷ ପୂର୍ବେ ବ୍ୟବସାୟୀ ନିଖିଲ ଜୈନଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ ନୁସରତ । ଏବେ କିନ୍ତୁ ତାଙ୍କ ବୈବାହିକ ଜୀବନରେ ତିକ୍ତତା ଦେଖାଦେଇଛି ବୋଲି ଚର୍ଚ୍ଚା ଜୋର ଧରିଛି ।

ସୋସିଆଲ ମିଡିଆଠୁ ଆରମ୍ଭ କରି ଅନେକ ରିପୋର୍ଟରେ ଚର୍ଚ୍ଚା ହେଉଛି ଯେ, ନୁସରତଙ୍କ ବୈବାହିକ ଜୀବନରେ କିଛି ସମସ୍ୟା ଚାଲିଛି । ନୁସରତଙ୍କ ନାଁ ତାଙ୍କ କୋ-ଷ୍ଟାର ବଙ୍ଗାଳୀ ଅଭିନେତା ୟଶ ଦାସ ଗୁପ୍ତାଙ୍କ ସହ ଯୋଡ଼ା ଯାଉଛି । ନୁସରତ ଏବଂ ୟଶଙ୍କ ମଧ୍ୟରେ ସମ୍ପର୍କ ଧୀରେ ଧୀରେ ନିବିଡି ହେବାରେ ଲାଗିଛି ବୋଲି ଚର୍ଚ୍ଚା ହେବାରେ ଲାଗିଛି । ଫଳରେ ତାଙ୍କ ବୈବାହିକ ଜୀବନରେ ତିକ୍ତତା ଦେଖାଦେଇଛି । ନୁସରତ ଏବଂ ୟଶ ଏକ ଟ୍ରିପରେ ରାଜସ୍ଥାନ ଯାଇଥିଲେ । ଟ୍ରିପର କିଛି ଫଟୋକୁ ସେ ସୋସିଆଲ ମିଡିଆରେ ସେୟାର କରିବା ସହ ପରସ୍ପର କମେଣ୍ଟ ମଧ୍ୟ ଦିଆନିଆ ମଧ୍ୟ ହୋଇଥିଲେ । 

ଏଭଳି ଚର୍ଚ୍ଚା ପରେ ନୁସରତ କହିଛନ୍ତି ଯେ, ‘ମୋର ବ୍ୟକ୍ତିଗତ ଜୀବନ ସବୁବେଳେ ଦର୍ଶକମାନଙ୍କ ପାଇଁ ନୁହେଁ । ଲୋକମାନେ ମୋତେ ସବୁବେଳେ ଅନୁସରଣ କରନ୍ତି । କିନ୍ତୁ ମୁଁ ଏଥର ମୋର କୌଣସି ମନ୍ତବ୍ୟ ରଖିବି ନାହିଁ । ଲୋକମାନେ କେବଳ ମୋ କାମକୁ ବିଚାର କରନ୍ତୁ ଅନ୍ୟ କୌଣସି କଥାକୁ ନୁହଁ । ଭଲ ହେଉ କି ମନ୍ଦ ହେଉ ଏହା ମୋର ବ୍ୟକ୍ତିଗତ ଜୀବନ ଆଉ ଏହାକୁ ମୁଁ ଅନ୍ୟ କାହା ସହ ବାଣ୍ଟିବାକୁ ଚାହେଁନି ।

ୟଶ କହିଛନ୍ତି ଯେ, ମୁଁ ପ୍ରତିବର୍ଷ ରୋଡ୍ ଟ୍ରିପରେ ଯାଏ । ଆଉ ଏଥର ମୁଁ ରାଜସ୍ତାନ ଯାଇଥିଲି । ଟ୍ରିପରେ କେହି ବି ଯାଇପାରିବେ । ନୁସରତ ବିବାହ କରିଛନ୍ତି । ତାଙ୍କ ବ୍ୟକ୍ତିଗତ ସମସ୍ୟା ବିଷୟରେ ମୋତେ କିଛି ଜଣାନାହିଁ ।

ଉଲ୍ଲେଖଯୋଗ୍ୟ ଯେ, ୨୦୧୯ ମସିହା ଜୁନ୍ ୧୯ ତାରିଖରେ ନୁସରତ ଓ ନିଖିଲ ବିବାହ କରିଥିଲେ । ଏହା ପୂର୍ବରୁ ଦୁଇ ଜଣ ପରସ୍ପରଙ୍କୁ ଡେଟ୍ କରୁଥିଲେ । ତୁର୍କୀରେ ପରିବାରର ସମସ୍ତ ସଦସ୍ୟଙ୍କ ଉପସ୍ଥିତିରେ ବିବାହ ହୋଇଥିଲା । ରିସେପସନ ପାର୍ଟି କୋଲକାତାରେ ଆୟୋଜନ କରାଯାଇଥିଲା । ଏହି ପାର୍ଟିରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଉପସ୍ଥିତ ଥିଲେ ।

   Related Posts