Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

ପ୍ରଥମ ପତ୍ନୀଙ୍କ ସହ ସମୀର ଓ୍ବାଙ୍ଖେଡେଙ୍କ ଫଟୋ ଭାଇରାଲ ପରେ ତୀବ୍ର ଅସନ୍ତୋଷ ବ୍ୟକ୍ତ କଲେ ଦ୍ବିତୀୟ ପତ୍ନୀ, କହିଲେ…

27/10/2021 at 6:13 PM

ମୁମ୍ବାଇ ୨୭/୧୦ : ବଲିଉଡ ଷ୍ଟାର ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଡ୍ରଗ୍ସ ଲିଙ୍କ ମାମଲାର ତଦନ୍ତ କରୁଥିବା ଏନ୍‌ସିବି ଅଫିସର ସମୀର ଓ୍ବାଙ୍ଖେଡେଙ୍କ ଅଡୁଆ ବଢିବାରେ ଲାଗିଛି । କେବଳ ତାଙ୍କ ବିରୁଦ୍ଧରେ ନୁହେଁ ବରଂ ତାଙ୍କର ବ୍ୟକ୍ତିଗତ ମାମଲାକୁ ନେଇ ମଧ୍ୟ ବିଭିନ୍ନ ଚର୍ଚ୍ଚା ଆରମ୍ଭ ହୋଇଯାଇଛି । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ଜୋନାଲ ଡାଇରେକ୍ଟର ସମୀର ଓ୍ବାଙ୍ଖେଡେ ପତ୍ନୀ କ୍ରାନ୍ତି ରେଡକର ମରାଠୀ ଚଳଚ୍ଚିତ୍ର ଏବଂ ଟେଲିଭିଜନ ଇଣ୍ଡଷ୍ଟ୍ରିର ଜଣେ ଲୋକପ୍ରିୟ ଅଭିନେତ୍ରୀ। କିନ୍ତୁ ଏବେ ସମୀରଙ୍କ ପ୍ରଥମ ପତ୍ନୀଙ୍କ ଫଟୋ ଭାଇରାଲ ହେବା ପରେ ଚର୍ଚ୍ଚା ଆରମ୍ଭ ହୋଇଯାଇଛି । ଏହାକୁ ନେଇ ପ୍ରତିକ୍ରିୟା ରଖିଛନ୍ତି ସମୀରଙ୍କ ପତ୍ନୀ କ୍ରାନ୍ତି ରେଡକର ।

ପ୍ରତିକ୍ରିୟା ରଖି କ୍ରାନ୍ତି କହିଛନ୍ତି,  ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଡ୍ରଗ୍ସ ଲିଙ୍କ୍‌  ମାମଲାର ତଦନ୍ତ କରୁଛନ୍ତି ସମୀର । ସେଥିପାଇଁ ତାଙ୍କର ଭାବମୂର୍ତ୍ତି କ୍ଷୁର୍ଣ୍ଣ କରିବାକୁ ରୀତିମତ ଷଡଯନ୍ତ୍ର ଚାଲିଛି । ଏପରିକି ବ୍ୟକ୍ତିଗତ ଜୀବନକୁ ନେଇ ମଧ୍ୟ ବାରମ୍ବାର ଆକ୍ରମଣ ହେଉଛି । ସମୀର ଓ୍ବାଙ୍ଖେଡେଙ୍କ ପ୍ରଥମ ପତ୍ନୀଙ୍କ ସହ ଫଟୋ ଭାଇରାଲକୁ ନେଇ କ୍ରାନ୍ତି କହିଛନ୍ତି ଯେ, ‘ବ୍ୟକ୍ତିଗତ ସ୍ତରକୁ ଯାଇ ଜଣଙ୍କୁ ବଦନାମ କରିବା ପାଇଁ ଚେଷ୍ଟା କରାଯାଉଛି । ଜଣେ ମହିଳାଙ୍କ ଫଟୋକୁ ନେଇ ଗଣମାଧ୍ୟମ ଏବଂ ସୋସିଆଲ ମିଡିଆରେ ପ୍ରଚାର କରି କହିବା ଯେ, ସେ ତାଙ୍କର ପ୍ରଥମ ପତ୍ନୀ, ଏହା କଣ ସେହି ମହିଳାଙ୍କ ପାଇଁ ଅପମାନ ନୁହେଁ କି ? ଜଣେ ମହିଳାଙ୍କ ଫଟୋ ଭାଇରାଲ ହେବା ଦ୍ବାରା ସେ ଏବେ ନିଜକୁ ଅସହଜ ମନେ କରୁନଥିବେ କି?’

ଲାଞ୍ଚ ଅଭିଯୋଗକୁ ନେଇ ସମୀର ଓ୍ବାଙ୍ଖେଡେଙ୍କ ପତ୍ନୀ କ୍ରାନ୍ତି କହିଛନ୍ତି ଯେ, ଯଦି ସେମାନେ ୮ କୋଟି ଟଙ୍କା ଲାଞ୍ଚ ନେଇଥାନ୍ତେ ତେବେ ମାଲଦ୍ୱୀପ ଯାଇ ନଥାନ୍ତେ ନିଜ ପାଇଁ ଭଲ କିଛି କରିଥାନ୍ତେ । ୮ କୋଟି ଟଙ୍କା ଲାଞ୍ଚ ନେବା ସମ୍ପୂର୍ଣ୍ଣ ଭାବେ ମିଥ୍ୟା । କେବଳ ଆଉ କେବଳ ବଦନାମ କରିବା ପାଇଁ ବିଭିନ୍ନ ପ୍ରକାର ଷଡଯନ୍ତ୍ର ଚାଲିଛି । ଏହା ପୂର୍ବରୁ କ୍ରାନ୍ତି ସୋସିଆଲ ମିଡିଆରେ ମଧ୍ୟ ତାଙ୍କ ସ୍ୱାମୀଙ୍କ ଧାର୍ମିକ ପରିଚୟ ଉପରେ ଅଭିଯୋଗର ଜବାବରେ ସେମାନଙ୍କ ବିବାହର ଫଟୋ ସେୟାର କରିଥିଲେ ।

ନିକଟରେ ଏନସିପି ନେତା ତଥା ମହାରାଷ୍ଟ୍ର ସରକାରରେ ମନ୍ତ୍ରୀ ଥିବା ନଓ୍ବାବ ମଲୀକ, ସମୀର ୱାଙ୍ଖେଡେଙ୍କ ଧାର୍ମିକ ପରିଚୟକୁ ନେଇ ସୋସିଆଲ ମିଡିଆରେ ଜନ୍ମ ପ୍ରମାଣପତ୍ର ସେୟାର କରିବା ଯୋଗୁଁ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି କ୍ରାନ୍ତି । ସମୀରଙ୍କ ସହ ତାଙ୍କ ପ୍ରଥମ ପତ୍ନୀ ଶବାନା କ୍ୟୁରେଶୀଙ୍କ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏ ନେଇ ସମୀର ଓ୍ବାଙ୍ଖେଡେ ମଧ୍ୟ ତୀବ୍ର ପ୍ରତିକ୍ରିୟା ପ୍ରକାଶ କରିବା ସହ ନିଜ ପରିବାରର ଇତିହାସ ବାବଦରେ କହିଛନ୍ତି ।

ନଓ୍ବାବ ମଲିକ ଟ୍ବିଟ୍‌ କରି ସମୀର ଓ୍ବାଙ୍ଖେଡେ ଏବଂ ତାଙ୍କର ପ୍ରଥମ ପତ୍ନୀ ଶବାନା କ୍ୟୁରେସୀଙ୍କ ଫଟୋ ସେୟାର କରିଥି​‌ଲେ । ଯାହାକୁ ନେଇ ବିବାଦ ଆରମ୍ଭ ହୋଇଥିଲା । ୨୦୦୬ ମସିହା ଡିସେମ୍ବର ୭ ତାରିଖରେ ମୁମ୍ବାଇର ଲାଖଣ୍ଡଓ୍ବାଲାରେ ଶବାନା କ୍ୟୁରେସୀଙ୍କୁ ବିବାହ କରିଥିଲେ ସମୀର । କିନ୍ତୁ ଗତ ୨୦୧୭ ମସିହାରେ ତାଙ୍କର ବିବାହ ବିଚ୍ଛେଦ ଘଟିଥିଲା । ଏହା ପରେ ସମୀର, ମରାଠୀ ଅଭିନେତ୍ରୀ କ୍ରାନ୍ତିଙ୍କୁ ବିବାହ କରିଥିଲେ ।

ସୂଚନାଯୋଗ୍ୟ, ଏନ୍‌ସିବି ଜୋନାଲ ଅଫିସର ସମୀର ଓ୍ବାଙ୍ଖେଡେ ଏବେ ଆର୍ଯ୍ୟନ ଖାନ ଡ୍ରଗ୍ସ ଲିଙ୍କ ମାମଲାରେ ତଦନ୍ତ କରୁଛନ୍ତି । ବଲିଉଡ ଷ୍ଟାର ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ କେସ୍‌ ତଦନ୍ତୁ କରୁଥିବାରୁ ଅନେକ ସମୟରେ ତାଙ୍କୁ ଧମକ ମଧ୍ୟ ମିଳୁଛି । କେବଳ ସେ ନୁହେଁ ତାଙ୍କ ପତ୍ନୀଙ୍କୁ ଧମକପୂର୍ଣ୍ଣ ମେସେଜ ସହ ତାଙ୍କ ପିତାଙ୍କୁ ଧମକପୂର୍ଣ୍ଣ କଲ ଆସିବାରେ ଲାଗିଛି । ଏହା ସହିତ ଏବେ ପ୍ରଥମ ପତ୍ନୀଙ୍କ ସହ ସମୀରଙ୍କ ଫଟୋ ଭାଇରାଲ ହେବାରେ ଲାଗିଛି । ତେବେ କଥା ହେଉଛି ପ୍ରଥମ ପତ୍ନୀଙ୍କ ସହ ତାଙ୍କର ବିବାହ ବିଚ୍ଛେଦ ଘଟିଛି ।

   Related Posts