ମୁମ୍ବାଇ ୧୧।୩: ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ବତ ଟ୍ବିଟରରେ ବେଶ୍ ସକ୍ରିୟ । କିଛି ଦିନ ହେବ ନିଜ ଟ୍ବିଟ୍ ପାଇଁ ସେ ଚର୍ଚ୍ଚାରେ ଅଛନ୍ତି । ଏବେ ପୁଣି କଙ୍ଗନା ସୋସିଆଲ ମିଡିଆରେ ଏମିତି କଥା କହିଛନ୍ତି, ଯେଉଁଥିପାଇଁ ସେ ପୁଣି ଥରେ ଆଲୋଚନାକୁ ଆସିଛନ୍ତି । ୨୦୨୪ ନିର୍ବାଚନ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେଇ କଙ୍ଗନା ଟ୍ବିଟ୍ କରିଛନ୍ତି ।
କଙ୍ଗନା ରଣାଓ୍ବତ ଟ୍ବିଟ୍ ରେ ଏକ ରିପୋର୍ଟ ସେୟାର କରି ୨୦୨୪ରେ ହେବାକୁ ଥିବା ନିର୍ବାଚନର ଫଳାଫଳ ନେଇ କିଛି ଦାବି ରଖିଛନ୍ତି । କଙ୍ଗନା ଲେଖିଛନ୍ତି, ‘ମୁଁ ସସପେଣ୍ଡ ହେବା ଆଧାରରେ କହୁଛି ଯେ ୨୦୨୪ରେ ନରେନ୍ଦ୍ର ମୋଦି ଭାରତର ପ୍ରଧାନମନ୍ତ୍ରୀ ହେବେ।’ କଙ୍ଗନାଙ୍କ ଏହି ଟ୍ବିଟ୍ କୁ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି । କଙ୍ଗନାଙ୍କ ଏହି ଟ୍ବିଟ୍ ରେ ଏଭଳି କମେଣ୍ଟ ମଧ୍ୟ ମିଳିଛି, ଯାହାପରେ କଙ୍ଗନାଙ୍କୁ ଆଉ କିଛି ଟ୍ବିଟ୍ ମଧ୍ୟ କରିବାକୁ ପଡିବ ।
କଙ୍ଗନା ରଣାଓ୍ବତଙ୍କ ଟ୍ବିଟ୍ ର ଜବାବରେ ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି, ‘କଙ୍ଗନା, ମୁଁ ତୁମର ଜଣେ ବଡ ଫ୍ୟାନ୍ । କିନ୍ତୁ ବିଜେପିରେ ଏକ ନିୟମ ଅଛି ଯାହା ମୋଦି ନିଜେ ନିର୍ଣ୍ଣୟ କରିଛନ୍ତି ଯେ ସେ ୭୫ ବର୍ଷରୁ ଅଧିକ ସମୟ ଧରି ନିର୍ବାଚନରେ ପ୍ରତିଦ୍ବନ୍ଦ୍ବିତା କରିବେ ନାହିଁ । ୨୦୧୪ରେ ମୋଦିଙ୍କୁ ୭୫ ବର୍ଷରୁ ଅଧିକ ବୟସ ମଧ୍ୟ ହେବ, ଯଦି ସେ ପ୍ରଧାନମନ୍ତ୍ରୀ ରୁହନ୍ତି ତେବେ ଏହା ତାଙ୍କର କପଟି ଆଚରଣ ହେବ ନାହିଁ ?
ସୋସିଆଲ ମିଡିଆ ୟୁଜର୍ସଙ୍କ ପ୍ରଶ୍ନର ଉତ୍ତର ଦେଉଥିବା ବେଳେ କଙ୍ଗନା ରଣାଓ୍ବତ ଲେଖିଛନ୍ତି ଯେ, ତାଙ୍କୁ (ମୋଦି) ଆମର ନୁହେଁ ବରଂ ଆମକୁ ତାଙ୍କର ଆବଶ୍ୟକତା ରହିଛି । ଅଖଣ୍ଡ ଭାରତକୁ ତାଙ୍କର ଆବଶ୍ୟକତା ରହିଛି । ତାଙ୍କୁ କେବଳ ଏକ ସ୍ବଳ୍ପ ବିରତିର ଆବଶ୍ୟକତା ରହିଛି । ଏହି ବିରତିରେ ସେ ଖୁସି ହେବେ କିନ୍ତୁ ଆମକୁ ନିଶ୍ଚିତ କରିବାକୁ ହେବ ଯେ ଆମେ ତାଙ୍କୁ ପୁଣି ଥରେ ଆମର ପ୍ରଧାନମନ୍ତ୍ରୀ କରିବା।’
