ମୁମ୍ବାଇ ୧୧।୧: ଡ୍ରଗ୍ସ ମାମଲାରେ ଏନସିବିର ତଦନ୍ତ ପରିସର କ୍ରମାଗତ ଭାବରେ ବୃଦ୍ଧି ପାଇଚାଲିଛି | ଜଣଙ୍କ ପରେ ଜଣେ ବଲିଉଡ ସେଲିବ୍ରିଟିଙ୍କ ନାମ ଏନସିବିର ସ୍କାନରକୁ ଆସୁଛି | ଖବର ଅନୁଯାଇ ଅଭିନେତ୍ରୀ ଦିଆ ମିର୍ଜାଙ୍କ ପୂର୍ବତନ ମ୍ୟାନେଜରଙ୍କୁ ଏବେ ଏନସିବି ଗିରଫ କରିଛି | ସୂଚନା ଅନୁସାରେ ଶନିବାର ରାତିରେ ଏନସିବି ଚାରି ଜଣଙ୍କୁ ଗିରଫ କରିବା ସହ ବିପୁଳ ଗଂଜେଇ ମଧ୍ୟ ଜବତ କରିଛି | ଗିରଫ ଅଭିଯୁକ୍ତଙ୍କ ମଧ୍ୟରେ ଦିଆ ମିର୍ଜା ଙ୍କ ପୂର୍ବତନ ମ୍ୟାନେଜର ରହିଲା ଫର୍ନିଚର ବାଲାଙ୍କ ସହ ତାଙ୍କ ଭଉଣୀ ସାହିସ୍ତା ଥିବା ଜଣାପଡିଛି |
{"id":390537,"sizeSlug":"large","linkDestination":"none"}ଏହି ମାମଲାରେ ଏନସିବିର ତଦନ୍ତ ଜାରି ରହିଛି | ଏନସିବି ପକ୍ଷରୁ କୁହାଯାଇଛି, ବାନ୍ଦ୍ରା ୱେଷ୍ଟରେ ଏକ କୋରିଅରରୁ ଗଂଜେଇ ଜବତ କରାଯାଇଛି | ଏହା ପରେ ଅନୁସନ୍ଧାନ ଜରିଆରେ କରନ ସଜନାନୀଙ୍କ ଘରୁ ମଧ୍ୟ ବିପୁଳ ପରିମାଣର ଗଂଜେଇ ଜବତ କରାଯାଇଛି | ସେଠାରୁ କିଛି ସୂଚନା ଆଧାରରେ ଏନସିବି ରହିଲା ଫର୍ନିଚର ବାଲାଙ୍କ ଘରେ ପହଞ୍ଚିଥିଲା | ରହିଲା ଏବଂ ତାଙ୍କ ଭଉଣୀଙ୍କ ପାଖରୁ ମଧ୍ୟ ଗଂଜେଇ ଜବତ କରାଯାଇଥିଲା | ଜବତ କାରାଯାଇଥିବା ଗଞ୍ଜେଇର ପରିମାଣ ପାଖାପାଖି ୨୦୦ କି.ଗ୍ରା. ହେବ ବୋଲି ଜଣାଯାଇଛି |
{"id":390538,"sizeSlug":"large","linkDestination":"none"}ମିଳିଥିବା ସୂଚନା ଅନୁସାରେ କରନ ସଜନାନୀ ଜଣେ ବହୁତ ବଡ ବିଲଡର ଏବଂ ସେ ବ୍ରିଟିଶ ନାଗରିକ ଅଟନ୍ତି | କରନ ମୁମ୍ବାଇ ଏବଂ ଦେଶର ଅନ୍ୟ ରାଜ୍ୟର ଉଚ୍ଚ ସ୍ତରୀୟ ଲୋକମାନଙ୍କୁ ଗଂଜେଇ ଯୋଗାଣ କରୁଥିଲେ ଏବଂ ଏଥିରେ ତାଙ୍କୁ ରହିଲା ଆଉ ସାହିସ୍ତା ସାହାଯ୍ୟ କରୁଥିଲେ | ସଜନାନୀ ଏନସିବିଙ୍କୁ ଜଣାଇଛନ୍ତି କି ସେ ୩୧ ଡିସେମ୍ବରରେ ନ୍ୟୁୟର ପାର୍ଟି ପାଇଁ ଅନେକ ଜାଗାରେ ଅନେକ ଲୋକଙ୍କୁ ଡ୍ରଗ୍ସ ଯୋଗାଇଛନ୍ତି |