Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ସୁଶାନ୍ତଙ୍କ ମୃତ୍ୟୁ ଖବର ସହିପାରିଲେନି ଭାଉଜ, ଡିପ୍ରେସନ ଯୋଗୁଁ ଚାଲିଗଲା ଜୀବନ…

16/06/2020 at 8:01 AM

ପାଟନା ୧୬।୬: ପଞ୍ଚଭୂତରେ ଲୀନ ହୋଇଛନ୍ତି ଅଭିନେତା ସୁଶାନ୍ତ ସିଂ ରାଜପୁତ । ତାଙ୍କ ମୃତ୍ୟୁ ପରେ ପରିବାର, ଫ୍ୟାନ୍ସ ଏବଂ ପୁରା ବଲିଉଡ୍ ଇଣ୍ଡଷ୍ଟ୍ରି ଆଶ୍ଚର୍ଯ୍ୟ ଚକିତ ହୋଇଯାଇଛି । ଏମିତି କି ସୁଶାନ୍ତଙ୍କ ଆତ୍ମହତ୍ୟା ଖବର ତାଙ୍କ ସଂପର୍କୀୟ ଭାଉଜ ଶୁଣିବା ପରେ ଡିପ୍ରେସନରେ ଚାଲିଯାଇଥିଲେ । ଏହାପରେ ସୋମବାର ଦିନ ତାଙ୍କର ମୃତ୍ୟୁ ହୋଇଯାଇଥିବା କୁହାଯାଉଛି । ସୋମବାର ଦିନ ଦିଅର ସୁଶାନ୍ତଙ୍କ ଆତ୍ମହତ୍ୟା ଖବର ପାଇବା ପରେ ବିହାରର ପୁର୍ନିୟା ଜିଲ୍ଲାର ପୈତୃକ ଗ୍ରାମରେ ରହୁଥିବା ଭାଉଜ ସୁଧା ଦେବୀଙ୍କର ମୃତ୍ୟୁ ହୋଇଛି ।

ସୁଶାନ୍ତ ସିଂ ରାଜପୁତଙ୍କ ପୈତୃକ ଗାଁ ହେଉଛି ପୁର୍ନିୟା ଜିଲ୍ଲାର ମାଲଡିହା । ସୁଶାନ୍ତଙ୍କ ଆତ୍ମହତ୍ୟା ଖବର ଗାଁରେ ପହଞ୍ଚିବା ମାତ୍ରେ ତାଙ୍କ ସମ୍ପର୍କୀୟ ଭାଉଜ ସୁଧା ଦେବୀ ଝଟକା ଲାଗିଥିଲା । ସେ ମଧ୍ୟ ସଙ୍ଗେ ସଙ୍ଗେ ଡିପ୍ରେସନର ଶିକାର ହୋଇଯାଇଥିଲେ । ସେ ଖାଇବା ପିଇବା ବନ୍ଦ କରିଦେଇଥିଲେ । ଏଠାରେ ସୁଶାନ୍ତଙ୍କର ମୁମ୍ବାଇରେ ଶବଦାହ କରାଯାଉଥିବା ବେଳେ ସୁଧା ଦେବୀଙ୍କ ମୃତ୍ୟୁ ଖବର ଆସିଥିଲା ।

ପରିବାରର ନିକଟ ସଂପର୍କୀୟଙ୍କ କହିବା ଅନୁସାରେ, ମୁମ୍ବାଇରେ ସୁଶାନ୍ତ ସିଂ ରାଜପୁତଙ୍କର ଶେଷ ରୀତିନୀତି ଅନୁଷ୍ଠିତ ହେଉଥିବା ବେଳେ ସୁଧା ଦେବୀଙ୍କ ମୃତ୍ୟୁ ଘଟିଥିଲା । ସୁଶାନ୍ତଙ୍କ ମୃତ୍ୟୁ ପରେ, ବର୍ତ୍ତମାନ ତାଙ୍କ ସମ୍ପର୍କୀୟ ଭାଉଜଙ୍କ ମୃତ୍ୟୁ ହେବା ପରେ ସାରା ପରିବାର ଦୁଃଖରେ ଭାଙ୍ଗି ପଡିଛି ।

ସୂଚନାଯୋଗ୍ୟ ଯେ, ସୁଶାନ୍ତ ସିଂ ରାଜପୁତଙ୍କ ଅନ୍ତିମ ସଂସ୍କାର ମୁମ୍ବାଇର ଭିଲେ ପାର୍ଲେରେ ଥିବା ଶ୍ମଶାନ ଘାଟରେ ଅନୁଷ୍ଠିତ ହୋଇଥିଲା । ଆଶ୍ରୁଳ ଆଖିରେ ତାଙ୍କୁ ଅନ୍ତିମ ବିଦାୟ ଦେଇଥିଲେ ପରିବାର, ସାଙ୍ଗସାଥୀ ଓ ଫ୍ୟାନ୍ସ । ଶ୍ରଦ୍ଧା କପୁର, ଅରୁଣ ଶୌରୀ ଏବଂ ବିବେକ ଓବେରାୟଙ୍କ ସମେତ ଅନେକ ତାରକା ସୁଶାନ୍ତ ସିଂ ରାଜପୁତଙ୍କ ଅନ୍ତିମ ସଂସ୍କାରରେ ସାମିଲ ହୋଇଥିଲେ । ତାଙ୍କର ଘନିଷ୍ଠ ବନ୍ଧୁ ରିୟା ଚକ୍ରବର୍ତ୍ତୀ ମଧ୍ୟ ଅନ୍ତିମ ସଂସ୍କାରରେ ଯୋଗ ଦେଇଥିଲେ ।

ଅନ୍ତିମ ସଂସ୍କାର ପୂର୍ବରୁ ଅପରାହ୍ନ ସୁଦ୍ଧା ବିହାରର ପାଟନା, ପୂର୍ଣ୍ଣିଆ ଏବଂ ସାହାରାଠାରୁ ସୁଶାନ୍ତଙ୍କ ବାପା ଏବଂ ସଂପର୍କୀୟ ମୁମ୍ବାଇରେ ପହଞ୍ଚିଥିଲେ । ପରିବାରଲୋ ବିଶ୍ବାସ କରିବାକୁ ପ୍ରସ୍ତୁତ ନଥିଲେ ଯେ ସୁଶାନ୍ତ ଆତ୍ମହତ୍ୟା କରିଛନ୍ତି ବୋଲି । କିନ୍ତୁ ପୋଷ୍ଟମର୍ଟମ ରିପୋର୍ଟରେ କୁହାଯାଇଛି ଯେ, ସୁଶାନ୍ତ ଫାଶରେ ଝୁଲି ରହିବା ଯୋଗୁଁ ତାଙ୍କ ମୃତ୍ୟୁ ଘଟିଛି। ଶରୀରରେ ବିଷ କିମ୍ବା ଅନ୍ୟ କୌଣସି କାରଣ ବିଷୟରେ କୌଣସି ଉଲ୍ଲେଖ କରାଯାଇନାହିଁ।

ଭିସେରା ନମୁନାକୁ ସୁରକ୍ଷିତ ରଖାଯାଇଛି । ଯାହା ଫୋରେନସିକ୍ ଲ୍ୟାବକୁ ପଠାଯିବ । ସୁଶାନ୍ତ ସିଂ ରାଜପୁତଙ୍କ ଭଉଣୀ ସ୍ପଷ୍ଟ କରିଛନ୍ତି ଯେ, ସେ କିଛି ମାସ ଧରି ଡିପ୍ରେସନରେ ଥିଲେ । ତାଙ୍କର ଚିକିତ୍ସା ମଧ୍ୟ ଚାଲିଥିଲା । ଅନ୍ୟପଟେ ସୁଶାନ୍ତଙ୍କ ଆତ୍ମହତ୍ୟା କରିବାର କାରଣ ଖୋଜିବା ପାଇଁ ପୋଲିସ ପ୍ରଥମେ ତାଙ୍କ ଫୋନ୍ ରେକର୍ଡ ଖୋଜିବା ଆରମ୍ଭ କରିଛି ।

   Related Posts