Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ସଂକ୍ରମଣ, ସୁସ୍ଥ ହୋଇ ଘରକୁ ଫେରିଲେ ଆଉ ୬୬୯ ଆକ୍ରାନ୍ତ
  • ||
  • ସରକାର ଓ କୃଷକଙ୍କ ମଧ୍ୟରେ ପ୍ରଥମ ବୈଠକ ବିଫଳ: ପୁଣି ଡିସେମ୍ବର ୩ରେ ଉଭୟ ପକ୍ଷ ମଧ୍ୟରେ ଆଲୋଚନା, ଜାରି ରହିବ ଆନ୍ଦୋଳନ
  • ||
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

କ୍ୟାନସରର କାଲି ଚାଲିଯାଇଥିଲେ ଇରଫାନ୍, ଆଜି ଚାଲିଗଲେ ଋଷି

30/04/2020 at 10:05 AM

ମୁମ୍ବାଇ ୩୦।୪: କ୍ୟାନସରରେ ପୀଡିତ ବଲିଉଡର ପ୍ରସିଦ୍ଧ ଅଭିନେତା ଋଷି କପୁରଙ୍କ ପରଲୋକ ହୋଇଛି । ମୁମ୍ବାଇର ଏଚଏନ ରିଲାଏନ୍ସ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ତାଙ୍କର ନିଧନ ହୋଇଛି । ତାଙ୍କ ପରଲୋକରେ ସାରା ବଲିଉଡ୍ ଜଗତରେ ଶୋକର ଛାୟା ଖେଳିଯାଇଛି । ବୁଧବାର ଦିନ ଅଭିନେତା ଇରଫାନ ଖାନ୍‌ଙ୍କ ପରଲୋକ ହୋଇଥିଲା । ଇରଫାନ୍ ମଧ୍ୟ କ୍ୟାନସରରେ ପୀଡିତ ଥିଲେ । ଇରଫାନଙ୍କ ମୃତ୍ୟୁର ଗୋଟିଏ ଦିନ ପରେ ଋଷି କପୁରଙ୍କ ମୃତ୍ୟୁ ସାରା ବଲିଉଡ୍ ଜଗତକୁ ଶୋକରେ ଭସାଇ ଦେଇଛି ।

ଦୁଇ ଦୁଇ ଜଣ ଖ୍ୟାତନାମା ଅଭିନେତାଙ୍କ ଦେହାନ୍ତ ବଲିଉଡ୍ ଜଗତରେ ଅପୂରଣୀୟ ସ୍ଥାନ ସୃଷ୍ଟି କରିଛି । ଋଷି କପୁରଙ୍କ ମୃତ୍ୟୁରେ ସାରା ଦେଶରେ ଶୋକର ଲହରୀ ଖେଳିଯାଇଛି । ସୋସିଆଲ ମିଡିଆରେ ସେଲିବ୍ରିଟି ଏବଂ ପ୍ରଶଂସକମାନେ ଅଭିନେତାଙ୍କ ମୃତ୍ୟୁରେ ଶୋକ ପ୍ରକାଶ କରୁଛନ୍ତି । ହିନ୍ଦୀ ସିନେମାରେ ଋଷି କପୁରଙ୍କ ଏକ ବଡ ଅବଦାନ ରହିଛି । ସେ ଅନେକ ସୁପରହିଟ୍ ଫିଲ୍ମରେ କାମ କରିଥିଲେ ।

୨୦୧୮ ମସିହାରେ ଋଷି କପୁର କର୍କଟ ରୋଗରେ ପୀଡିତ ଥିବା ଜଣାପଡିଥିଲା । ଏହାପରେ ସେ ପ୍ରାୟ ଏକ ବର୍ଷ ପର୍ଯ୍ୟନ୍ତ ନ୍ୟୁୟର୍କରେ ରହି ଚିକିତ୍ସା କରାଇଥିଲେ । ମାତ୍ର ସେ ତାଙ୍କ ରୋଗ ସଂପର୍କରେ କୌଣସି ସୂଚନା ଦେଇନଥିଲେ । କିଛି ମାସ ପରେ ଋଷିଙ୍କ ପରିବାର ପକ୍ଷରୁ ତାଙ୍କୁ କ୍ୟାନସର ହୋଇଥିବା ନେଇ ସ୍ପଷ୍ଟ କରାଯାଇଥିଲା । ସେ ବୋନ୍ ମାରୋ କ୍ୟାନସରରେ ପୀଡିତ ହୋଇ ନ୍ୟୁୟର୍କରେ ଚିକିତ୍ସିତ ହେଉଥିବା ସ୍ପଷ୍ଟ କରିଥିଲେ ପରିବାରଲୋକ । ଗତ ବର୍ଷ ସେପ୍ଟେମ୍ବରରେ ଋଷି କପୁର ଆମେରିକାରୁ ଭାରତ ଫେରିଥିଲେ । ଋଷି କପୁର ଚିକିତ୍ସା ପାଇଁ ନ୍ୟୁୟର୍କରେ ଥିବାବେଳେ ତାଙ୍କ ପତ୍ନୀ ନୀତୁ ସିଂ ତାଙ୍କ ସହିତ ରହିଥିଲେ ।

ଅପ୍ରେଲ ୨୯ ତାରିଖରେ ବଲିଉଡ୍ ଅଭିନେତା ଇରଫାନ ଖାନଙ୍କୁ ହରାଇଥିଲା । ଇରଫାନଙ୍କ ମୃତ୍ୟୁର ଗୋଟିଏ ଦିନ ପରେ ଅର୍ଥାତ୍ ଅପ୍ରେଲ ୩୦ ତାରିଖରେ ଋଷି କପୁର ବିଦାୟ ନେଇଛନ୍ତି । ଦୁଇ ଭେଟେରାନ୍ ଅଭିନେତାଙ୍କୁ ହରାଇବା ପରେ ସାରା ଫିଲ୍ମ ଇଣ୍ଡଷ୍ଟ୍ରି ପାଇଁ ଏକ ବଡ କ୍ଷତି ହୋଇଛି । ଇରଫାନ୍ ଖାନ୍ ମଧ୍ୟ କ୍ୟାନସରରେ ପୀଡିତ ଥିଲେ । ଦୁଇ ଭେଟେରାନ୍ ଅଭିନେତା ଦୀର୍ଘ ଦିନ ଧରି କ୍ୟାନସର ରୋଗରେ ପୀଡିତ ଥିଲେ ।  

   Related Posts