Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ତାଲିବାନର ବର୍ବରତା : ମହିଳାଙ୍କ ଅଧିକାର ପାଇଁ ଲଢୁଥିବା ସାମାଜିକ କର୍ମୀଙ୍କୁ ଗୁଳିକରି ହତ୍ୟା, ମହିଳା ଡାକ୍ତର ଓ ନର୍ସଙ୍କୁ ହସ୍ପିଟାଲ ମନା

6/11/2021 at 6:24 PM

ନୂଆଦିଲ୍ଲୀ ୦୬/୧୧ : ଆଫଗାନିସ୍ତାନରେ ତାଲିବାନ ସରକାର ଗଢିବା ଦିନ ଠାରୁ ଲୋକମାନଙ୍କ ଜୀବନ ଜୀବିକା ଦୁର୍ବିଶହ ହୋଇପଡିଛି । ଭୟରେ କାଳାତିପାତ କରୁଛନ୍ତି ଲୋକେ । ପ୍ରତି ମୂହୁର୍ତ୍ତରେ ଭୟରେ ବଞ୍ଚିବାକୁ ପଡୁଛି । ଏପରିକି ମହିଳାଙ୍କ ସୁରକ୍ଷା ପାଇଁ ଲଢୁଥିବା ସାମାଜିକ କର୍ମୀ ଏବଂ ସାମ୍ବାଦିକ ମାନେ ମଧ୍ୟ ଭୟରେ ରହୁଛନ୍ତି। ଏଭଳି ଏକ ଘଟଣାକ୍ରମେ ଜଣେ ୨୯ ବର୍ଷୀୟା ମହିଳା ସୋସିଆଲ ଆକଟିଭିଷ୍ଟଙ୍କୁ ଗୁଳିକରି ହତ୍ୟା କରିଛନ୍ତି ତାଲିବାନୀ ଆତଙ୍କବାଦୀ । ଫ୍ରୋଜାନ୍‌ ସାଫି ନାମକ ଏହି ମହିଳା ସାମାଜିକ କର୍ମୀଙ୍କୁ ତାଙ୍କ ଘର ଭିତରେ ପଶି ଗୁଳି କରି ହତ୍ୟା କରାଯାଇଛି । ସାଫି ଜଣେ ଅର୍ଥନୀତି ଅଧ୍ୟାପିକା ଥିଲେ । ଏହା ସହିତ ସେ ମହିଳାଙ୍କ ସୁରକ୍ଷା ତଥା ଅଧିକାର ପାଇଁ ଅନବରତ ଭାବେ କାର୍ଯ୍ୟ କରିଆସୁଥିଲେ ।

ପ୍ରଥମ ଥର ପାଇଁ ମହିଳା ସୁରକ୍ଷା ତଥା ଅଧିକାର ପାଇଁ ଲଢୁଥିବା ଜଣେ ମହିଳାଙ୍କୁ ଗୁଳିକରି ହତ୍ୟା କରିଛି ତାଲିବାନ । ଆଫଗାନିସ୍ତାନର ଜଣେ ଡାକ୍ତର ମିରାଜ୍‌ ଫାରୋକି କହିଛନ୍ତି, ତାଲିବାନୀ ଆତଙ୍କବାଦୀମାନେ ଦୁଇଟି ଶବ ନେଇ ହସ୍ପିଟାଲକୁ ଆସିଥିଲେ । ଯେଉଁମାନଙ୍କୁକି ସେମାନେ ଗୁଳିକରି ହତ୍ୟା କରିଥିଲେ । ସାଫିଙ୍କ ଶବକୁ ହସ୍ପିଟାଲର ଏକ ଶବାଗାରରେ ଫିଙ୍ଗି ଚାଲିଯାଇଥିଲେ ତାଲିବାନୀ । ପରେ ସାଫିଙ୍କ ଭଉଣୀ ଆସି ଶବ ଚିହ୍ନଟ କରିଥିଲେ । ଆଫଗାନିସ୍ତାନରେ ତାଲିବାନୀ ବିରୋଧୀ ମୋର୍ଚ୍ଚା ବୃଦ୍ଧି ପାଇବାରେ ଲାଗିଛି । ମହିଳାମାନେ ଆନ୍ଦୋଳନକୁ ଓହ୍ଲାଉଛନ୍ତି । ସାରା ଦେଶରେ ତାଲିବାନୀ ବିରୋଧୀ ନାରା ଜୋର ଧରିଥିବା ବେଳେ ଆତଙ୍କ ଖେଳାଇ ଚାଲିଚନ୍ତି ତାଲିବାନୀ ଆତଙ୍କବାଦୀ । ଫ୍ରୋଜାନ୍‌ ସାଫିଙ୍କ ହତ୍ୟାକୁ ପରେ ଏବେ ଆଫାଗାନିସ୍ତାନର ବିଭିନ୍ନ ସଂଗଠନ ମୁହଁ ଖୋଲିଛନ୍ତି ।

ତାଲିବାନୀମାନେ ମହିଳା ଡାକ୍ତର କିମ୍ବା ନର୍ସମାନଙ୍କୁ ମଧ୍ୟ କର୍ମସ୍ଥଳକୁ ପଠାଇବାକୁ ମନା କରିଦେଇଛି । ସ୍ବାସ୍ଥ୍ୟ ସେବା କ୍ଷେତ୍ରରେ ନିୟୋଜିତ ଥିବା ମହିଳାମାନେ ଏବେ ନାଚାର । ଯାହା ଫଳରେ ସେମାନେ ଏହି ଆନ୍ଦୋଳନରେ ସାମିଲ ହେଉଛନ୍ତି । ତାଲିବାନୀ ଶାସନରେ ଅତିଷ୍ଠ ହୋଇଗଲେଣି ଦେଶବାସୀ । ତେଣୁ ଆଗାମୀ ଦିନରେ ସ୍ଥିତି ଆହୁରି ସାଂଘାତିକ ହେବା ନେଇ ଅନୁମାନ କରାଯାଉଛି ।

   Related Posts